+7 (701) 759 90 19
USD 385.01 EUR 425.78
RUB 6.05 CNY 54.68
Jańalyqtar

20 qazan. Týǵan kún ıeleri.

2019 jylǵy 20 qazan 08:08
Bólisińiz:
20 qazan. Týǵan kún ıeleri.

NUR-SULTAN. QazAqparat – QazAqparat qazan aıynyń 20-na arnalǵan «Týǵan kún ıeleri» kúntizbesin usynady.

ESІMDER


87 jyl buryn (1932-2016) aqyn, prozashy, jýrnalıst-pýblıtsıst, qoǵam qaıratkeri Nurǵoja Narynbaıuly ORAZ dúnıege keldi.

Qostanaı oblysy Ýrıtskıı (qazirgi Sarykól) aýdany «Oktıabr» kolhozynda týǵan. 1956 jyly Almaty qalasyndaǵy S.M.Kırov atyndaǵy Qazaq memlekettik ýnıversıtetiniń fılologııa fakýltetin bitirgen soń týǵan aýylynda muǵalim bolyp alǵashqy eńbek jolyn bastaǵan. Keıin Qostanaı oblystyq «Kommýnızm týy» gazetinde tilshi bolyp qyzmet atqarǵan. 1963 jyly Tselınograd qalasyna qonys aýdaryp, ólkelik «Tyń ólkesi» gazetine jumysqa aýysady. 1965-1991 jyldar aralyǵynda Qazaqstan Jazýshylar odaǵynyń oblysaralyq bólimshesin basqardy. 1990 jyldan ómirden ótkenshe ózi ashqan ádebı-kórkem, qoǵamdyq-saıası «Saryarqa» (keıin «Jańa Saryarqa») jýrnalynyń bas redaktory boldy.

Qazaqstan Respýblıkasynyń eńbek sińirgen mádenıet qyzmetkeri, QR Jýrnalıster odaǵynyń M.Seralın atyndaǵy syılyǵynyń laýreaty, «Astana» jáne «Táýelsizdiktiń 10 jyldyǵy» medaldarymen marapattalǵan. «Qazaqstannyń eńbek sińirgen qaıratkeri» (2006).

Toptama óleńderi ýkraın, orys, qyrǵyz tilderine aýdarylǵan.


69 jyl buryn (1950-1998) akter, Qazaqstannyń eńbek sińirgen ártisi Toqsyn QULYBEKOV dúnıege keldi.

Almaty oblysynyń Kerbulaq aýdanynda týǵan. Qurmanǵazy atyndaǵy Almaty memlekettik konservatorııasyn (qazirgi Qurmanǵazy atyndaǵy Qazaq ulttyq konservatorııasy) bitirgen.

1968-1970 jyldary Amangeldi ujymsharynda mádenıet úıiniń meńgerýshisi, Qazaq radıosynyń dıktory, rejısseri bolyp istedi. Sondaı-aq ol sol tusta kórermenderdiń súıikti baǵdarlamalary bolǵan «Qymyzhana», «Altybaqan», «Jebe» telehabarlarynyń júrgizýshisi boldy. 1984 jyldan ómiriniń sońyna deıin «Tamasha» oıyn-saýyq otaýynyń quramynda óner kórsetti. «Jiger» jastar festıvaliniń laýreaty.


57 jyl buryn (1962) Shymkent qalasy ákiminiń orynbasary Buqarbaı Rysqululy PARMANOV dúnıege keldi.

Eńbek joly Qazyǵurt aýdany Álisher Naýaı ujymsharynyń kolhozshysy bolyp bastalǵan. 1986 jyly Kentaý qalalyq qarjy bóliminiń memlekettik kirister ınspektsııasynyń ekonomısi boldy. 1987-1988 jyldary Lenın aýdandyq qarjy bóliminiń memlekettik kirister ekonomısi, 1988-1989 jyldary Lenın aýdandyq qarjy bóliminiń aǵa salyq revızory-ınspektory, 1989-1990 jyldary Lenın aýdandyq qarjy bóliminiń bas salyq revızory-ınspektory qyzmetterin atqardy. 1994-2002 jyldary Salyq jáne qarjy polıtsııasy organynda qyzmet atqarǵan. 2007-2014 jyldary OQO Saryaǵash aýdany ákiminiń orynbasary, 2014-2016 jyldary Saryaǵash aýdanynyń ákimi qyzmetterin atqarǵan. Tólebı aýdanynyń ákimi (2016-2018); Shymkent qalasy Abaı aýdanynyń ákimi (2018-2019).

Qazirgi qyzmetinde – 2019 jyldyń qyrkúıeginen.


56 jyl buryn (1963-2008) aýyr atletıkadan Olımpıada chempıony Anatolıı Mıhaılovıch HRAPATYI dúnıege keldi.

Aqmola oblysynyń Atbasar qalasynda týǵan. Almatydaǵy Qazaq dene shynyqtyrý ınstıtýtyn bitirgen. Alǵashqy bapkeri - A.Sıdorov. Ol Qazaqstan jáne KSRO-nyń birneshe dúrkin chempıony, Azııa oıyndarynyń kúmis júldegeri, eki márte Azııa chempıony jáne Ortalyq Azııa oıyndarynyń, Shyǵys Azııa oıyndarynyń jeńimpazy, bes dúrkin Eýropa jáne álem chempıony, Olımpıada oıyndarynyń altyn (Seýl, 1988) jáne kúmis (Atlanta, 1996) júldegeri bolǵan.

«Qurmet» ordenimen marapattalǵan.


54 jyl buryn (1965) Qazaqstan Respýblıkasy Іshki ister mınıstrliginiń M. Esbolatov atyndaǵy Almaty akademııasynyń bastyǵy Ómirbaı Hozııashuly SMAIYLOV dúnıege kelgen.

Ol Semeı oblysynda týǵan. ÓZ ІІM Tashkent órt qorǵaý ınjenerleri fakýltetin (1993); Quqyq jáne ekonomıka Akademııasyn (2002) bitirgen.

Eńbek jolyn 1988 jyly Sarysý aýdandyq atqarý ІІB Memórtqadaǵalaý ınspektsııasynyń aǵa ınspektory qyzmetinen bastady; QR ІІM AÓSÝ órtten qorǵaý qyzmetin uıymdastyrý tsıkliniń oqytýshysy (1993-1994); QR ІІM AÓSÝ profılaktıkalyq pánder kafedrasynyń oqytýshysy (1994-1996); QR ІІM AJTÝ Adıýnktýrada oqyǵan (1996-1997); QR ІІM ATI syrttaı oqý fakýltetiniń ádisker-oqytýshysy (1997-2003); QR ІІM M.Esbolatov atyndaǵy Almaty akademııasy bastyǵynyń tyl jónindegi orynbasary (2004-2019).

Qazirgi laýazymyn atqarýǵa 2019 jyly kiristi.

Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT