2,5 mln-ǵa jýyq qazaqstandyq tegin dári-dármek alady – mınıstrlik
2022 jylǵy 29 mamyr 10:40

2,5 mln-ǵa jýyq qazaqstandyq tegin dári-dármek alady – mınıstrlik

NUR-SULTAN. QazAqparat - Ambýlatorııalyq qamtamasyz etý aıasynda shamamen 2,5 mln qazaqstandyq tegin dári-dármek alady, dep habarlaıdy QazAqparat Densaýlyq saqtaý mınıstrliginiń Telegram-arnasyna silteme jasap.

«2022 jylǵy qańtardan bastap azamattardyń usynystaryn eskere otyryp, vedomstvo dárilik zattardy, medıtsınalyq buıymdardy satyp alýdy uıymdastyrýǵa jáne ótkizýge, tegin ambýlatorııalyq emdeý úshin dárilik zattardyń tizbesin keńeıtýge, onyń ishinde orfandyq aýrýlary bar patsıentterdi dárimen qamtamasyz etýge qatysty birqatar normatıvtik-quqyqtyq aktilerge ózgerister engizý jónindegi is-sharalarǵa bastamashylyq jasady. Orfandyq aýrýlar men olardy emdeýge arnalǵan dárilik zattar tizbesine aýrýlardyń 10-nan astam jańa túri jáne 22 dárilik preparat engizilgen», - dep jazdy mınıstrlik.

Vedomstvo aǵymdaǵy jyly ambýlatorııalyq qamtamasyz etý aıasynda shamamen 2,5 mln qazaqstandyq tegin dári-dármek alatynyn da atp ótken.


Avtor:
Tilshi

Jańalyqtar

MURAǴAT