+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

19 qańtar. QazAqparat kúntizbesi

2020 jylǵy 19 qańtar 07:00
Bólisińiz:
19 qańtar. QazAqparat kúntizbesi

NUR-SULTAN. QazAqparat - QazAqparat oqyrmandaryna 2020 jylǵy 19 qańtarǵa arnalǵan kúntizbesin usynady.

ATAÝLY KÚNDER

Dúnıejúzilik dinder kúni

Jyl saıyn qańtar aıynyń úshinshi jeksenbisinde BUU-nyń bastamasymen álemde Dúnıejúzilik dinder kúni (World Religion Day) atap ótiledi. Ataýly kúnniń tarıhy 1950 jyly bastaldy. Datany barlyq álemdik dinderdiń mazmunynyń birtutastyǵyn jetkizý jáne din álemdi urysyp-talastyratyn emes, kerisinshe, biriktiretin kúsh ekendigin kórsetý maqsatynda AQSh-ta bekitildi.

Dúnıejúzilik qar kúni (Halyqaralyq qysqy sport túrleri kúni)

Jyl saıyn qańtardyń úshinshi jeksenbisinde atalyp ótiledi. Halyqaralyq shańǵy sporty federatsııasynyń bastamasymen bekitilgen. Basty maqsaty - 4-14 jas aralyǵyndaǵy balalar arasynda qysqy sport túrlerin nasıhattaý.

ESTE QALAR OQIǴALAR

1940 jyly Qazaq memlekettik shet tilder muǵalimderi ınstıtýtynyń negizi qalandy (qazirgi - Abylaı han atyndaǵy Qazaq halyqaralyq qatynastar jáne álem tilderi ýnıversıteti). Búgingi tańda ýnıversıtet Qazaqstan jáne shetel memleketterinde bedeldi oqý-ǵylymı keshenderiniń biri bolyp sanalady.

1992 jyly Almatyda Qazaqstan Respýblıkasy men Ulybrıtanııa jáne Soltústik Irlandııa Birikken Koroldigi arasynda dıplomatııalyq qarym-qatynas ornatý týraly birlesken málimdemege qol qoıyldy.

1993 jyly Qazaqstan Respýblıkasynyń «Jalpyǵa birdeı áskerı mindettilik jáne áskerı qyzmet týraly» Zańy qabyldandy.

2009 jyly Qazaqstan Respýblıkasy Ulttyq Bankiniń Atyraý fılıaly shekteýli taralymmen shyǵarylǵan 28 kúmis kádesyı-estelik monetalardy Atyraý murajaıyna tapsyrdy.

2010 jyly Memlekettik tildi damytý prezıdenttik qorynyń bastamasymen jáne qoldaýymen Qazaq tili men ádebıeti muǵalimderiniń qaýymdastyǵy quryldy.

Qaýymdastyqtyń negizgi maqsaty - orys tildi mektepter men mektepke deıingi mekemelerde qazaq tilin oqytýda ınnovatsııalyq sheshimderdi izdestirý jáne jasaý, qazaq dástúrlerin kópshilikke taratý, balalardyń boıyndaǵy óz eline degen patrıottyq jáne maqtanysh sezimderin damytý.

2010 jyly «Qazaqmys» London qor bırjasy alyptary arasynda birinshi oryndy ıelendi. Qazaqstandyq kompanııa úshin bul – úlken tabys. Ol onyń menedjmentiniń kásibıligin, iske asyrylatyn jobalardyń perspektıvalyǵyn jáne áriptestik baılanystardyń áralýandyǵyn qýattaıdy.

2010 jyly qazaqstandyq ǵalymdar «jasandy teri» - zaqym kelgen terini qalpyna keltirý úshin jasýsha transplantanttaryn alýdyń tásilin jasap shyǵardy. Eń alǵash ret kúıikter men jaralardy emdeý úshin adamnyń terisinen jasýsha alyndy. Bul ádis Búkilálemdik densaýlyq saqtaý uıymynyń talaptaryna saı kelip, Ulttyq ǵylymı-medıtsınalyq ortalyqta klınıkaǵa deıingi tekseristen ótti.

2011 jyly QR Prezıdenti «Nazarbaev Ýnıversıteti», «Nazarbaev zııatkerlik mektebi» men «Nazarbaev qorynyń» mártebesi týraly» QR Zańyna qol qoıdy.

2011 jyly qazaqstandyq alpınıster KSRO-ǵa eńbegi sińgen bapker Ervand Ilınskııdiń basshylyǵymen Han táńiri shyńynyń basyna VІІ qysqy Azııa oıyndarynyń jalaýyn tikti. VІІ qysqy Azıada 2011 jyldyń qańtar-aqpan aılarynda Astana jáne Almaty qalalarynda ótti.

2012 jyly Nıý-Iorkte BUU shtab-páterinde saılaý nátıjesinde qazaqstandyq Marat Sársenbaev BUU adam quqyǵy komıtetiniń quramyna kirdi.

2015 jyly Seýlden Astanaǵa ARV chempıondyq tıtýly jetkizildi. Beldik qara teriden jasalǵan. Qaq ortasynda altyndatqan kópburyshqa jazylǵan

«APB champion» jazýy, AIBA tústi logotıpi bar. Onyń oń jáne sol jaǵynda shaǵyndaý «APB», «AIBA Pro Boxing», «60 kg» jazýlary bar. Beldiktiń salmaǵy 2 kılogramm 680 gramm. 60 kılogramǵa deıingi salmaqta 2016 jyly Brazılııanyń Rıo-de-Janeıro qalasynda ótken HHHІ jazǵy Olımpıada oıyndarynyń joldamasy úshin ótkizilgen chempıondyq tıtýl týrnıriniń fınalynda Berik Ábdirahmanov ózbekstandyq Hýrshıd Tojıboevty jeńip, Rıo Olımpıadasyna joldama alǵan alǵashqy qazaqstandyq sportshy atandy.

2017 jyly Qostanaı izdeý ekspedıtsııasynyń qyzmetkerleri Qarabalyq aýdanynda iri magnetıttik ken ornyn tapty. Kenniń boljamdy kólemi 30 mıllıon tonnany quraıdy.

2017 jyly Eýrazııalyq ekonomıkalyq komıssııanyń (EEK) tehnıkalyq retteý jáne akkredıtatsııa departamentiniń dırektory Arman Shaqqalıev Amerıkanyń materıaldardy synaqtan ótkizý qoǵamdastyǵynyń (ASTM International) dırektorlar keńesiniń quramyna endi. ASTM International (American Society for Testing and Materials) - materıaldar, ónimder, júıeler men qyzmetterge arnap standarttar shyǵaratyn AQSh-tyń erikti halyqaralyq uıymy. ASTM dırektorlar keńesi AQSh-tyń ózge memleketterinde qyzmet etetin 25 kompanııa, qaýymdastyq pen memlekettik organ basshylarynan quralady.


Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT