+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

18 qazan. QazAqparat kúntizbesi

2019 jylǵy 18 qazan 07:00
Bólisińiz:
18 qazan. QazAqparat kúntizbesi

NUR-SULTAN. QazAqparat - QazAqparat oqyrmandaryna 2019 jylǵy 18 qazanǵa arnalǵan kúntizbesin usynady.

ATAÝLY KÚNDER

Rýhanı kelisim kúni

1992 jyly qazanda Qazaqstannyń sol kezdegi astanasy Almaty qalasynda Rýhanı kelisimniń І álemdik kongresi ótti. Kongreske qatysýshylar 18 qazandy rýhanı kelisim kúni - qaqtyǵystar men janjaldarǵa toqtam salý, tatýlyq izdeý, jaqynǵa qaıyrymdylyq jáne kómek kúni dep jarııalaý týraly manıfest qabyldady. 1992 jyldan bastap bul kún Qazaqstanda ataýly kún retinde atap ótiledi.

Ázerbaıjan Respýblıkasynyń Memlekettik meıramy - Táýelsizdik kúni (1991)

Ázerbaıjan - Kavkaz aımaǵynda ornalasqan memleket. Soltústiginde Reseımen, soltústik-batysynda Grýzııamen, ońtústiginde Iranmen, batysynda Armenııamen, shyǵysynda Kaspıı teńizimen shektesedi. Astanasy - Baký qalasy. Memlekettik tili - azerbaıjan tili. Aqsha birligi - manat.

Qazaqstan Respýblıkasy men Ázerbaıjan Respýblıkasy arasyndaǵy dıplomatııalyq qarym-qatynas 1992 jylǵy 27 tamyzda ornatyldy.

ESTE QALAR OQIǴALAR

1939 jyly Qaraǵandy ​​oblysynyń Ulytaý aýdany quryldy. Aýdannyń ákimshilik ortalyǵy - Ulytaý aýyly. Ol oblystyń soltústik-batys bóliginde, Ulytaý jotasynyń shyǵys bókterinde, teńiz deńgeıinen 800 m bıiktikte, kishi ózenniń sol jaǵalaýynda - Qara-Keńgir ózeniniń salasynda ornalasqan. Aýdan 15 aýyldyq okrýgten, 25 eldi mekennen turady.

1992 jyly Almatyda rýhanı tatýlyq jónindegi birinshi dúnıejúzilik kongress ótti. Oǵan AQSh, Ulybrıtanııa, Germanııa, Italııa, Avstrııa, Úndistan, TMD elderinen dúnıe júzindegi asa iri dinı aǵymdardyń ókilderi, tanymal rýhanı ilim basshylary, ǵalymdar, jazýshylar, oqý-aǵartý jáne mádenıet qaıratkerleri keldi.

1994 jyly 18-19 qazan kúnderi Qazaqstan Respýblıkasynyń Prezıdenti Nursultan Nazarbaev Ystanbulda ótken túrkitildes memleketter (Qazaqstan, Ázerbaıjan, Qyrǵyzstan, Túrikmenstan, Ózbekstan, Túrkııa) basshylarynyń joǵary dárejedegi ekinshi basqosýyna qatysty. Kezdesýde Ystanbul deklaratsııasy qabyldandy.

1997 jyly Almatydaǵy 8 mart kóshesine uly kompozıtor, Qazaqstannyń halyq ártisi Shámshi Qaldaıaqovtyń esimi berildi.

2010 jyly Іle aýdanynyń Kókbastaý shatqalynda qoǵamdyq halyqtyq qaıyrymdylyqqa salynǵan Qablis jyraýdyń kesenesi ashyldy. Qaban (Qablısa) jyraý - ulttyq ádebıettiń iri ókilderiniń biri, Uly dalanyń keń dalasynyń rýhtandyrýshy ánshisi bolǵan. Ol qazaq jerlerin shapqynshylyqtardan azat etken halyq batyry boldy.

2011 jyly QR Ulttyq banki «Qazaqstannyń ádet-ǵuryptary, ulttyq oıyndary» monetalar serııasynan 500 jáne 50 teńgelik «Aıtys» eskertkish monetalaryn aınalysqa shyǵara bastaǵanyn habarlady. Bul «Qazaqstannyń ádet-ǵuryptary, ulttyq oıyndary» serııasyn jalǵastyratyn monetalardyń altynshy juby bolyp otyr.

2011 jyly Ankarada «TÚRKІSOI» halyqaralyq uıymy men Etımesýt ákimshiliginiń birigip uıymdastyrýymen qazaqtyń halyq kompozıtory, belgili kúıshi «Dına Nurpeıisova saıabaǵynyń» ashylý saltanaty boldy.

2013 jyly Tarazda oblys ortalyǵynyń batys jaǵynda, Qarataý tas jolynyń boıynda ornalasqan ejelgi Tórtkúl kerýen saraıy qalpyna keltirildi.

2013 jyly Qazaqstan Respýblıkasynyń Aqmola oblysynyń Ereımentaý qalasynda 45 MVt jel elektr stansasynyń (jel parki) qurylysynyń bastalýymen tuspa-tus kelgen kapsýlany saltanatty túrde salý rásimi ótti.

2016 jyly elimizdiń iri megapolısinde Qazaqstan, Tájikstan, Ózbekstan, Qyrǵyzstan, Reseı, Grýzııa jáne Belgııa elderinen kelgen 107 shahmatshy qatysqan halyqaralyq «Almaty Open-2016» týrnıri óz máresine jetti. Týrnır jeńimpazy - qostanaılyq shahmatshy Petr Kostenko (7,5 upaı), ol Altyn medal men 450 myń teńge kóleminde syıaqyny ıelendi.

2017 jyly Parıjde ıÝNESKO-nyń shtab-páterinde «Rýhanı Jańǵyrý» baǵdarlamasy tanystyryldy.

2017 jyly Oman Sultanaty úkimeti Qazaqstan azamattaryna vızalyq rejımdi jeńildetý týraly sheshim qabyldady. Budan bylaı Ulybrıtanııada, AQSh-ta, Kanadada, Avstralııada nemese Shengen aýmaǵy boıynsha vızasy nemese turýǵa ruqsaty bar qazaqstandyqtar Omandyq týrıstik vızany 30 kúnge deıin shaqyrtýsyz alady. Negizgi talap: qaıtý bıletiniń bolýy jáne qonaq úıden brondaýdy rastaý.

2018 jyly Kaırde «Sultan Beıbarys» meshiti qaıta jóndele bastady. Jalpy quny 12 mıllıon dollardy quraıtyn meshitti qaıta qurý úshin Qazaqstan úkimeti 4,5 mıllıon dollar bóldi.

Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT