+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

18 qarasha. QazAqparat kúntizbesi

2019 jylǵy 18 qarasha 07:00
Bólisińiz:
18 qarasha. QazAqparat kúntizbesi

NUR-SULTAN. QazAqparat - QazAqparat oqyrmandaryna 2019 jylǵy 18 qarashaǵa arnalǵan kúntizbesin usynady.

ESTE QALAR OQIǴALAR

1991jyly Nursultan Nazarbaevtyń bastamasymen sheteldegi qandastarymyzdy elge kóshirý týraly QazSSR Úkimetiniń qaýlysy qabyldandy. Bul qandastarymyzdyń tarıhı Otanyna oralýyna múmkindik bergen mańyzdy qujat boldy. 1991 jyldan beri Qazaqstanǵa 1 mln. astam qazaq kóship keldi.

1997 jyly Vashıngtonǵa QR Prezıdenti N.Nazarbaevtyń sapary barysynda «Qarashyǵanaq» munaı-gaz kenishi jónindegi kelisimge qol qoıyldy. Paıda úlesiniń 80%-y Qazaqstanǵa tıesili boldy. 1999 jyly Astana qalasy kósheleriniń birine jazýshy Qoshke Kemeńgerulynyń esimi berildi. 1999 jyly Qaraǵandy oblysynyń Ýlıanov eldi mekeninde Buqar jyraýǵa eskertkish ornatyldy.

2013 jyly Túrkııanyń Samsýn qalasyndaǵy úlken sahnada tanymal qazaq kompozıtory Muqan Tólebaevtyń shyǵarmasy - «Birjan men Sara» operasy usynyldy.

2014 jyly Chedjýde (Ońtústik Koreıa) Halyqaralyq boks qaýymdastyǵynyń kongresinde otandyq boksqa arnalǵan tarıhı oqıǵa oryn aldy - alǵash ret uıym tarıhynda AIBA vıtse-prezıdenttigi laýazymyna Qazaqstannyń eki ókili - Tımýr Qulybaev pen Serik Qonaqbaev saılandy.

2014 jyly Almatydaǵy «Kókqaınar» shaǵyn aýdanynyń mańynda Alataý aýdany aýmaǵynda qalanyń tarıhı murajaılarynyń arheologtary men mamandary qorǵandardyń birinen bizdiń dáýirimizge deıingi IV-V ǵasyrlardaǵy áıeldiń súıegi tabyldy. Jádigerdiń biregeıligin molada bolǵan zattar men jerleý erekshelikterinen baıqaýǵa bolady. Sonymen, onyń janynan qumnan jasalǵan ylys, qurbandyqqa soıylǵan qoı súıegi, úlken qola júzik, shash jınaıtyn túıreýish, qoladan jasalǵan aına tabyldy. Mundaı ejelgi aınanyń sany Qazaqstan boıynsha 10-ǵa jeter-jetpes.

2014 jyly Qazaqstan astronomııasynyń damý kezeńderinen syr shertetin «Astronomııa» degen atpen qazaq tilindegi alǵashqy úlken entsıklopedııa jaryq kórdi.

2015 jyly Memleket basshysy Nursultan Nazarbaev bes ınstıtýtsıonaldyq reformalardy iske asyrý boıynsha 100 naqty qadam ult josparynyń memleket, jumys berýshi, azamattardyń ortaq jaýapkershiligi qaǵıdatynyń negizinde mindetti áleýmettik saqtandyrýdy engizý bóligin iske asyrýǵa baǵyttalǵan «Mindetti áleýmettik medıtsınalyq saqtandyrý týraly» Qazaqstan Respýblıkasynyń zańyna qol qoıdy.

2016 jyly Máskeýde ótken eń úzdik týrıstik baǵyttar aıqyndalatyn «National Geographic Traveler Awards - 2016» baıqaýynyń qorytyndysy boıynsha Qazaqstannyń astanasy «Bolashaqtyń qalasy» arnaıy atalymyn jeńip aldy.

2017 jyly Qazaqstandyq mektep oqýshylary Kosta-Rıkada ótken WRO-2017 robot tehnıkasy boıynsha búkilálemdik olımpıadada úzdik nátıje kórsetti. Onda Ratmır Sartbaev pen Ánel Kárimǵalı jasaǵan órt sóndirýshi robot shyǵarmashylyq sanattaǵy úzdik jobalardyń biri atandy.

World Robot Olympiad – robot tehnıkasy boıynsha 10-21 jas aralyǵyndaǵy jastar men oqýshylarǵa arnalǵan basty halyqaralyq baıqaý. Olımpıada 2004 jyldan beri ótkizilip keledi.

Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT