+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

18 qańtar. Týǵan kún ıeleri

2020 jylǵy 18 qańtar 08:08
Bólisińiz:
18 qańtar. Týǵan kún ıeleri

NUR-SULTAN. QazAqparat - Búgin, ıaǵnı 18 qańtar kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

60 jyl buryn (1960) QR Parlament Májilisi VI shaqyrylymynyń depýtaty, Qarjy jáne bıýdjet komıtetiniń múshesi Aleksandr Vasılevıch SÝSLOV dúnıege keldi.

Reseıdiń Altaı ólkesi Zalesovskıı aýdany Týndrıha selosynda týǵan. 1977 jyly Sergo Ordjonıkıdze atyndaǵy Eńbek Qyzyl Tý ordendi Sibir Metallýrgııalyq ınstıtýtyna túsip, 1982 jyly oqý ornyn «Bolat pen ferroqorytpa elektrometallýrgııasy» mamandyǵy boıynsha bitirdi.
1984 - 1986 jyldary - Aqsý ferroqorytpa zaýyty № 2 tseh balqytýshysy, Aqsý qalasy; 1986 - 1988 jyldary - № 2 tseh negizgi óndiristik ýchastogynyń sheberi; 1988 - 1990 jyldary - № 2 tsehynyń aýysym bastyǵy; 1990 - 1996 jyldary - № 2 tseh ystyq jumystar ýchastogynyń aǵa sheberi; 1996 - 2003 jyldary - № 2 tsehynyń bastyǵy; 2003 - 2004 jyldary - Aqsý ferroqorytpa zaýytynyń (AFZ) óndiristik-tehnıkalyq basqarmasynyń basshysy, Aqsý qalasy; 2004 - 2008 jyldary - AFZ dırektorynyń óndiris jáne ekologııa boıynsha orynbasary; 2008 - 2016 jyldary - AFZ tehnıkalyq dırektory. 2016 jylǵy 24 naýryzda «Nur Otan» partııasynyń partııalyq tizimimen Qazaqstan Respýblıkasy Parlamenti Májilisiniń altynshy shaqyrylym depýtaty bolyp saılandy.

56 jyl buryn (1964) «Qazhrom» transulttyq kompanııasy» AQ prezıdenti Arman Beketuly ESENJOLOV dúnıege keldi.

Aqtóbe oblysynyń Shalqar qalasynda týǵan. Tehnıka ǵylymdarynyń kandıdaty. Ǵylym, tehnıka jáne bilim berý salasyndaǵy QR Memlekettik syılyǵynyń laýreaty (2003).

Máskeý bolat jáne qorytpalar ınstıtýtyn (1986) bitirgen, ınjener-metallýrg.

Metallýrgııa salasyndaǵy onnan astam avtorlyq patentke, onyń ishinde RF patentterine ıe. 1986 jyldan - Aqtóbe ferroqorytpa zaýytynyń balqytýshysy, 1987 jyldan - óndiristik sheberi, 1989 jyldan - aýysym bastyǵy, 1991 jyldan - aǵa sheberi, 1993 jyldan - tseh bastyǵy, 1997 jyldan - bas ınjenerdiń orynbasary - óndiristik-tehnıkalyq bóliminiń bastyǵy, 2002 jyldan - zaýyttyń bas ınjeneri. 2006 jyldan - Serov ferroqorytpa zaýytynyń (RF) bas dırektory. 2008 jyldan beri - «Qazhrom» TÚK» AQ fılıaly - Aqsý ferroqorytpa zaýytynyń dırektory. «Qazaqstan Alıýmınııi» AQ prezıdenti (basqarma tóraǵasy) (2015-2018).

Qazirgi qyzmetinde 2018 jyldyń naýryz aıynan bastap. 2010 jyly «Qurmet» ordenimen marapattalǵan.


47 jyl buryn (1973) Aqtóbe qalasynyń ákimi Mavr Erǵalıuly ABDÝLLIN dúnıege keldi.

Batys Qazaqstan aýyl sharýashylyǵy ınstıtýtyn ekonomıst-menedjer mamandyǵy boıynsha bitirgen.

Oıyl aýdandyq mádenıet bóliminiń meńgerýshisi, Oıyl aýdany ákiminiń orynbasary, oblystyq aýyl sharýashyǵy basqarmasy basshysynyń orynbasary, Oıyl, Alǵa aýdandarynyń ákimi qyzmetterin atqardy. 2017-2019 jyldary Aqtóbe oblysy ákiminiń orynbasary bolǵan.

Qazirgi qyzmetinde – 2019 jyldyń maýsymynan.

37 jyl buryn (1983) «Azamattarǵa arnalǵan úkimet» Memlekettik korporatsııasy» AQ basqarýshy dırektory Murat JUMANBAI dúnıege kelgen.

Qaraǵandyda týǵan. Qazaq gýmanıtarlyq-zań ýnıversıtetin (2004); Qaztutynýodaǵynyń janyndaǵy Qaraǵandy ekonomıka ýnıversıtetin (2006) bitirgen.

Eńbek joly: Qarjy polıtsııasy akademııasynyń oqytýshysy, aǵa oqytýshysy, ǵylymı zertteýshi (2004-2009); Qazaqstan Respýblıkasynyń ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) baspasóz ortalyǵynyń erekshe mańyzdy ister jónindegi aǵa ınspektory (2009-2010); Qazaqstan Respýblıkasynyń ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) baspasóz hatshysy, baspasóz ortalyǵynyń bastyǵy (2010-2012); Qazaqstan Respýblıkasynyń ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polıtsııasy) tóraǵasynyń keńesshisi – resmı ókili (2012); QR Parlamenti Májilisi tóraǵasynyń keńesshisi – QR Májilisi Apparaty baspasóz qyzmetiniń basshysy (2014-2016); QR Parlamenti Senatynyń Quqyqtyq saraptamalar bóliminiń bas konsýltanty, QR Qarjy mınıstrligi Memlekettik kirister komıtetiniń Qoǵammen baılanys basqarmasynyń basshysy (2016-2017); QR Aqparat jáne kommýnıkatsııalar mınıstrligi OKQ resmı ókili – dırektor orynbasary (02.2017-04.2017); QR Investıtsııalar jáne damý mınıstrliginiń resmı ókili (04.2017-11.2017). 2017-2019 jyldary «Azamattarǵa arnalǵan úkimet» Memlekettik korporatsııasy» KEAQ qoǵammen baılanys departamentiniń basshysy.

Qazirgi qyzmetinde – 2019 jyldyń qyrkúıeginen.


Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT