+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

17 qarasha. QazAqparat kúntizbesi

2019 jylǵy 17 qarasha 07:00
Bólisińiz:
17 qarasha. QazAqparat  kúntizbesi

NUR-SULTAN. QazAqparat - QazAqparat oqyrmandaryna 2019 jylǵy 17 qarashaǵa arnalǵan kúntizbesin usynady.

ATAÝLY KÚNDER

Dúnıejúzilik jol-kólik oqıǵasy (JKO) qurbandaryn eske alý kúni

2005 jyldyń qazan aıynda Birikken Ulttar Uıymy Bas Assambleıasynyń rezolıýtsııasyna (A/RES/60/5) sáıkes, qarashanyń úshinshi demalys kúni Dúnıejúzilik JKO qurbandaryn eske alý kúni retinde belgilendi.

Dúnıejúzilik JKO qurbandaryn eske alý kúniniń maqsaty – jol-kólik oqıǵalarynyń qurbandaryn eske alý jáne olardyń otbasy múshelerine kóńil aıtý, sondaı-aq memleket úkimetterine jáne jaýapty uıymdarǵa barlyq azamattar úshin jol qozǵalysy qaýipsizdigin qamtamasyz etý qajettigi týraly taǵy da eske salý.

Halyqaralyq stýdentter kúni

Pragada 1939 jylǵy 17 qarashada nemis-fashıst basqynshylary atyp óltirgen cheh patrıot-stýdentterin máńgi este qaldyrý úshin Pragada 1946 jyly ótken Dúnıejúzilik stýdentter kongresinde bekitildi.

Qazaqstandaǵy aýyl sharýashylyǵy, tamaq jáne óńdeý ónerkásibi qyzmetkerleri kúni

Qarashanyń úshinshi jeksenbisinde atap ótiledi. Bul kúni tańnyń atysynan keshtiń batysyna deıin damylsyz jumys istep, bıdaı men kókónis ósirip, sút, et jáne basqa da tamaq ónimderin dastarhanǵa usynýshylardy quttyqtaıdy. Bul – egistikter men sharýa qojalyqtary jumysshylarynyń, aýyl sharýashylyǵy kásiporyndary basshylary men mamandarynyń, ǵalymdarynyń, tamaq jáne qaıta óńdeý ónerkásibi jáne agroónerkásiptik keshen qyzmetkerleriniń merekesi.

Ázerbaıjannyń ulttyq qaıta jańarý kúni

1988 jyly bul kúni Bakýdegi Lenın alańynda (qazir Azattyq alańy) burynǵy Keńes Odaǵy ortalyq bıliginiń Taýly Qarabaqtaǵy shıeleniske qatysty saıasatyna qarsy narazylyq bildirip, Ázerbaıjannyń KSRO quramynan shyǵarylýyn talap etken urandar aıtyldy.

ESTE QALAR OQIǴALAR

1837 jyly 17-24 qarasha kúnderi Isataı men Mahambet bastaǵan kóterilisshiler Jasqusta han jasaǵymen shaıqasty.

1993 jyly Geıdar Álıev atyndaǵy «Ázerbaıjan-Qazaqstan» dostyq qoǵamy quryldy. Qoǵam Qazaqstan men Ázerbaıjannyń ekijaqty ózara qatynastarynyń damýynda mańyzdy ról atqaryp, Astana men Baký qalalary arasynda dostyq baılanysty nyǵaıtý isine úlesin qosyp otyr.

2005 jyly Qazaqstannyń ortalyq sport klýbynyń alpınızm jáne shyńǵa órmeleýshiler komandasy Antarktıdada Qazaqstan Respýblıkasynyń memlekettik týyn kóterip, saltanatty túrde lager ashty. «Qazaqstan - Antarktıda-2005» sporttyq-alpınızm jáne shyńǵa órmeleýshiler komandasy Ońtústik polıýstegi osy ýaqytqa deıin eshkim baǵyndyrmaǵan bes quzar bıiktiktiń tóbesine taban tiredi. Sóıtip, bul bıiktikterge «Qazaqstan shyńy», «Astana shyńy», «Qazaqstan halqy Assambleıasy shyńy», «Ál-Farabı shyńy», «Ońtústik Olımp bıiktigi» degen at berdi. Osylaısha, Antraktıda kartasynda jańadan shyńdar paıda boldy.

2010 jyly Almaty qalasyndaǵy K.Kojamjarov atyndaǵy Uıǵyr mýzykalyq komedııa teatrynda tanymal qazaqstandyq horeograf, balet sheberi, QR Halyq ártisi Bolat Aıýhanovqa álemdik mádenıetti damytýǵa qosqan jeke úlesi úshin Halyqaralyq Sokrat syılyǵyn saltanatty túrde tabystaý rásimi ótti. «Socrates Award Ceremony» atty Halyqaralyq Sokrat syılyǵy - bul kásibı saladaǵy jetistikterdiń baǵasy, eń joǵary, halyqaralyq dárejede moıyndalǵandyqtyń belgisi. Bolat Aıýhanov – bul syılyqtyń Qazaqstandaǵy alǵashqy laýreaty.

2014 jyly Almatyda QR Mádenıet jáne sport mınıstrliginde QR Prezıdenti Nursultan Nazarbaevtyń bastamasymen «Mádenı mura» baǵdarlamasy aıasynda qazaq folklorynyń 100 tomdyq «Balabar sóziniń» tanystyrylymy ótti.

2014 jyly Qostanaıda zaǵıp aqyndar shyǵarǵan óleńderdiń alǵashqy jınaǵy jaryqqa shyqty. «Sezimder kempirqosaǵy» («Radýga chývstv») dep atalatyn jańa kitapqa búkil oblystaǵy «erekshe» toǵyz aqynnyń shyǵarmalary kirdi.

2016 jyly QR Tuńǵysh Prezıdenti – Elbasynyń mádenıet salasyndaǵy jyl saıynǵy 75 memlekettik stıpendııasy bekitildi. Stıpendııanyń aı saıynǵy kólemi – 20 AEK.

2016 jyly Qostanaı oblysynyń Qostanaı men Taran aýdandary men Rýdnyı qalasynyń shekarasyna ózgeris engizildi. Jalpy aýdany 5288 ga bolatyn Qostanaı jáne Taranov aýdandarynyń jer bóligin oblystyq mańyzy bar qala Rýdnyı shekarasyna qosý arqyly arqyly ózgeris engizgen bolatyn.

2017 jyly Gollıvýdtaǵy Hollywood Music in Media Awards baıqaýynda Dımash Qudaıbergenniń oryndaýyndaǵy án «Moonlight Blade» beıneoıynyna úzdik saýndtrek retinde jeńiske jetti.

2017 jyly qazaqstandyq shahmatshy, tórt dúrkin álem chempıony, halyqaralyq grossmeıster Dınara Sádýaqasova ıÝNISEF-tiń Qazaqstandaǵy Ulttyq izgi nıet elshisi atandy.

Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT