17 qańtar. Qazgıdromettiń kún raıyna jasaǵan boljamy

NUR-SULTAN. QazAqparat - Qazgıdromet 17 qańtarda bolatyn erekshe meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.

Barents teńizi aýdandarynan belsendi tsıklon burynǵysynsha jańbyr men qar túrinde mol jaýyn – shashyn ákelip, QR basym bóliginiń aýa-raıyna, Qazaqstannyń ońtústiginiń taýly aýdandarynda qatty jaýyn-shashyn ákeledi. Sondaı-aq, kóktaıǵaq, burqasyn kútiledi. Respýblıka boıynsha keı jerlerde tuman kútiledi.

Aqmola oblysynyń batysynda, soltústiginde, shyǵysynda burqasyn bolady, túnde jeldiń kúsheıýi basym bóliginde, kúndiz oblystyń soltústigi men shyǵysynda 15-20 m/s bolady.

Almaty oblysynyń taýly jáne taý bókteri aýdandarynda tuman, kóktaıǵaq, Jalańashkól aýdanynda jeldiń kúsheıýi 18-23 m/s kútiledi.

Túrkistan oblysynyń ońtústiginde jáne taýly aýdandarynda tuman, oblystyń soltústigi men batysynda jeldiń kúsheıýi 15-20, ekpini 23 m/s bolady.

Batys Qazaqstan oblysynyń soltústiginde, shyǵysynda jaıaý burqasyn, soltústiginde tuman kútiledi.

Túnde basym bóliginde, kúndiz Mańǵystaý oblysynyń batysy men soltústiginde kóktaıǵaq kútiledi.

Túnde Aqtóbe oblysynyń soltústik-shyǵysynda jaıaý burqasyn soǵyp, jel 15-20 m/s kúsheıedi.

Qostanaı oblysynyń ońtústiginde, shyǵysynda jaıaý burqasyn soǵady, túnde oblystyń basym bóliginde jel 15-20, ekpini 23 m/s, kúndiz oblystyń soltústiginde, batysynda 15-20 m/s kúsheıedi.

Soltústik Qazaqstan oblysynyń soltústiginde, batysynda burqasyn bolady, oblystyń basym bóliginde jel 15-20 m/s kúsheıedi, oblystyń soltústiginde, batysynda ekpini 23-28 m/s jetedi.

Túnde Pavlodar oblysynyń shyǵysynda jáne ortalyǵynda kún jaıaý burqasyn, kóktaıǵaq bolady, oblystyń batysynda, soltústiginde jel 15-20 m/s jetedi. Qaraǵandy oblysynyń ońtústiginde tuman túsedi, oblystyń soltústiginde jel 15-20 m/s, túnde soltústiginde jaıaý burqasyn bolady.

Shyǵys Qazaqstan oblysynyń ońtústik-batysynda, soltústik-shyǵysynda jaıaý burqasyn, kóktaıǵaq, 15-20 m / s jel turady.

Qyzylorda oblysynyń ortalyǵynda tuman túsip, kóktaıǵaq bolady. Jambyl oblysynyń basym bóliginde kóktaıǵaq, soltústikte jáne taýly aýdandarda tuman, taýly aýdandarda jel 15-20 m/s kúsheıedi.