+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

17 aqpan. Týǵan kún ıeleri

2020 jylǵy 17 aqpan 08:08
Bólisińiz:
17 aqpan. Týǵan kún ıeleri

NUR-SULTAN. QazAqparat - Búgin, ıaǵnı 17 aqpan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

89 jyl buryn (1931-1992) tarıh ǵylymdarynyń doktory, professor, Qazaqstan Respýblıkasy Ǵylym akademııasynyń akademıgi, Qazaqstan Respýblıkasy Ǵylym akademııasy Shoqan Ýálıhanov atyndaǵy syılyǵynyń laýreaty Ramazan Bımashuly SÚLEIMENOV dúnıege keldi.

Astana qalasynda týǵan. S.M. Kırov atyndaǵy Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıversıteti), Qazaqstan Respýblıkasy Ǵylym akademııasy Tarıh, arheologııa jáne etnografııa ınstıtýtynyń aspırantýarsyn bitirgen.

1959-1988 jyldary - Qazaqstan Respýblıkasy Ǵylym akademııasy Tarıh, arheologııa jánee etnografııa ınstıtýtynyń kishi, aǵa ǵylymı qyzmetkeri, bólim meńgerýshisi, dırektorynyń orynbasary, dırektory. 1986-1992 jyldary - Qazaqstan Respýblıkasy Ǵylym akademııasy Qoǵamdyq ǵylymdar bólimshesiniń akademık-hatshysy. 1992 jyly Qazaqstan Respýblıkasy Ǵylym akademııasynyń Uıǵyrtaný ınstıtýty janyndaǵy Shyǵystaný ortalyǵynyń jetekshisi qyzmetterin atqarǵan.

Birneshe kitaptyń avtory, 240-tan astam ǵylymı eńbekteri jarııalanǵan. Qazaq KSR Joǵarǵy Keńesiniń Qurmet gramotasymen, medalmen marapattalǵan.

61 jyl buryn (1959) Qazaqstan Respýblıkasynyń Túrikmenbashy qalasyndaǵy konsýly Muhıt Sovetuly ORAZAEV dúnıege keldi.

Almaty oblysynda týǵan. Lenıngrad keńes saýda ınstıtýtyn, taýartanýshy (1980), Máskeý memlekettik áleýmettik ınstıtýtyn, zańger (2000) támamdady.

Eńbek jolyn Qazaqstan tutynýshylar odaǵynyń sharýa taýarlary basqarmasynyń taýartanýshysy, Qazaqstan tutynýshylar odaǵynyń ónerkásip taýarlaryn satý basqarmasynyń aǵa taýartanýshysy, jetekshi taýartanýshy bolyp bastady (1980-1985). 1985-1990 jyldary – Qazaqstan tutynýshylar odaǵy syrtqy saýda basqarmasyndaǵy eksport bóliminiń bastyǵy (Almaty qalasy). «Kazkooppromsnab» ámbebap saýda bazasy dırektorynyń orynbasary (1990-1991); Qazaqstan tutynýshylar odaǵy «Kazkoopvneshtorg» bas dırektorynyń orynbasary, bas maman (1991-1992), «SKAR» saýda-ónerkásip kontserniniń bas dırektory (1992-1993), 1993-1996 jyldary - «Dakka» fırmasynyń bas dırektory (Almaty qalasy), 1996-1997 jyldary – Medeý aýdany ákiminiń orynbasary, QR Premer-mınıstri keńsesinde memlekettik qyzmet, kadrlar jáne qadaǵalaý bóliminde sektor meńgerýshisi, uıymdastyrý jáne qadaǵalaý bóliminde sektor meńgerýshisi, uıymdastyrý, qadaǵalaý jáne qaýipsizdik sektorynyń meńgerýshisi (1997-1999), QR Memlekettik qyzmet isteri agenttiginiń memlekettik qyzmet júıesinde kadrlarmen jumys departamentinde bólim bastyǵy, QR SІM-de jaýapty qyzmetter atqarǵan (1999-2000), QR Túrikmenstandaǵy Elshiliginiń keńesshisi (2000-2002), QR SІM apparaty kadrlar basqarmasynyń bastyǵy, QR Tájikstan Respýblıkasyndaǵy Elshiliginiń keńesshisi (2000 jyldan bastap), QR-nyń Astrahan qalasyndaǵy (RF) konsýldyǵynyń konsýly (2006-2009), QR-nyń Lıvııa Uly Sotsalıstik Halyqtyq Arab Jamahırııasyndaǵy ýaqytsha senimdi ókili (2009 jyldan bastap), QR Elshiliginiń Qyrǵyz Respýblıkasyndaǵy keńesshi-elshisi bolyp qyzmet atqarǵan.

Qazirgi qyzmetinde – 2014 jyldyń qarasha aıynan bastap.

48 jyl buryn (1972) Qazaqstan Respýblıkasynyń bokstan eńbek sińirgen sport sheberi Nurjan Diniqululy SMANOV dúnıege keldi.

Ońtústik Qazaqstan oblysy Saryaǵash aýdany Abaı aýylynda týǵan. 2008 jyly Shymkent áleýmettik-pedogogıkalyq ýnıversıtetinde «Dene shynyqtyrý jáne sport» mamandyǵy boıynsha bitirip, dene shynyqtyrý jáne sport biliktiligi jáne bakalavr akademııalyq dárejesi berilgen. 1998 jyly Q.A.ıAssaýı atyndaǵy Halyqaralyq qazaq-túrik ýnıversıtetinde «Quqyqtaný» mamandyǵyn bitirip, zańger biliktiligin alǵan. 1989 jyly Qazaq hımııa-tehnologııalyq ınstıtýtyna oqýǵa túsken, 1994 jyly ınjener-ekonomıst mamandyǵy boıynsha bitirgen.

Eńbek jolyn 1994 jyly Qazaqstan Respýblıkasynyń týrızm jáne sport mınıstrliginde sporttan nusqaýshy bolyp bastaǵan. 1997 jyldan bastap 2000 jyldar arasynda «Dınamo» saýyqtyrý sport kesheninde sporttan ınspektor bolyp istegen. Ońtústik Qazaqstan oblysynyń Іshki Іster bas basqarma polıtsııasynyń aǵa leıtenanty, sondaı-aq OQO keshendi joǵary sport sheberligi mektebiniń jattyqtyrýshy-oqytýshy bolyp qyzmet atqarǵan. 2000 jyldyń 18 qańtarynan bastap 2008 jyldyń 15 sáýirine deıin ShF «Kazkommertsbank» AQ-nyń qaýipsizdik bóliminiń ınkassatsııa qyzmetiniń bastyǵy bolyp istegen. 2008 jyldyń sáýirinen bastap Shymkent qalasynyń dene shynyqtyrý jáne sport bóliminiń bastyǵy bolyp qyzmet atqardy.

1987 jyly 15 jasta bokstan Keńes Odaǵynyń Chempıony jáne KSRO sport sheberin alǵan.

18 jasynda Eýropa Chempıony, Eýropanyń «Úzdik bokseri» atanǵan. 1988 jyly Halyqaralyq dárejedegi KSRO sport sheberi, 1995 jyly «Qazaqstan Respýblıkasynyń eńbegi sińgen sport sheberi» ataǵyn alǵan. Halyqaralyq arenada sporttan eleýli jetistikterge jetip, el namysyn qorǵap, talaı-talaı Qazaqstan Respýblıkasynyń án uranyn shyrqatyp, týyn jelbiretken. Qazaqstannyń 6 dúrkin chempıony, KSRO-nyń 4 dúrkin chempıony, Azııa jáne Azııa oıyndarynyń 2 dúrkin chempıony, Eýropa chempıony, Álem chempıonatynyń kúmis jáne qola júldegeri. Altyn belbeý ıegeri. 1996 jyly Atlantada (SShA) ótken Olımpıada oıyndarynyń qatysýshysy (5-oryn). Qazaqstan qurama komandasyn basqaryp, 5 jyl ulttyq qurama komandasynyń kapıtany bolǵan. Sport mansabynda 52 medal utyp alǵan. Onyń ishinde: 35 altyn, 9 kúmis, 8 qola medaldarynyń ıegeri.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT