+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

16 maýsym. Týǵan kún ıeleri

2021 jylǵy 16 maýsym 08:08
Bólisińiz:
16 maýsym. Týǵan kún ıeleri

NUR-SULTAN. QazAqparat – Búgin, ıaǵnı 16 maýsymda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

Uqsas jańalyqtar
27 shilde. QazAqparat kúntizbesi 26 shilde. Týǵan kún ıeleri 26 shilde. QazAqparat kúntizbesi

ESІMDER

85 jyl buryn (1936) QR Mıneraldyq resýrstar akademııasynyń múshesi, Qazaqstandaǵy geologııalyq barlaý salasynyń negizin qalaýshy ǵalym Oral Aqsholaquly AQShOLAQOV dúnıege keldi.

Týǵan jeri Gýrev qalasy. I.M. Gýbkın atyndaǵy Máskeý munaı ınstıtýtyn támamdaǵan. Geolog, geologııa-mınerologııa ǵylymdarynyń kandıdaty, QR jer qoınaýyn barlaý isiniń úzdigi, QR jer qoınaýynyń qurmetti barlaýshysy.

1958 jyldan bastap eńbek jolyn munaı jáne geologııa mekemelerinde bastaǵan. 1985 jyldan Batys Qazaqstan uńǵymalardy geofızıkalyq zertteý ekspedıtsııasynyń bastyǵy. 1988 jyldan Almaty geofızıka ekspedıtsııasynyń bas geology, «Qazgeofızıka» ÓGB geologııa bóliminiń bastyǵy. 1992 jyldan QR Geologııa jáne jer qoınaýyn qorǵaý mınıstrliginiń munaı jáne gaz bas basqarmasynyń bastyǵy. 1994 jyldan «Qazmemjerqoınaý» mıneraldyq resýrstar bas basqarmasy bastyǵynyń orynbasary. 1998 jyldan «Stepnoı leopard» birlesken kásipornynyń bas dırektory. 2001 jyldan «Ken-ekonomıkalyq konsaltıng» JShS bas mamany. 2003 jyldan «Tsentrkonsaltıng» JShS dırektory. 2004 jyldan «AqAı Konsaltıng» JShS bas dırektorynyń orynbasary.

«Qurmet» ordenimen, medaldarmen marapattalǵan.

59 jyl buryn (1962) Qazaqstan Respýblıkasy Prezıdentiniń Aýǵanstandaǵy arnaıy ókili Talǵat Ǵabdollauly QALIEV dúnıege keldi.

Almaty qalasynda týǵan. 1979 jyly S.M. Kırov atyndaǵy Qazaq memlekettik ýnıversıtetiniń Tarıh fakýltetin jáne Máskeý qalasyndaǵy SSSR Ǵylym akademııasynyń aspırantýrasyn bitirip, tarıh ǵylymdarynyń kandıdaty dárejesine ıe boldy.

1992 - 1993 jyldary Qazaqstan strategııalyq zertteýler ınstıtýtynda jumys istedi. 1993 jyldan bastap Qazaqstan Respýblıkasynyń syrtqy saıası vedomstvosynda, atap aıtqanda Eýropa jáne Amerıka departamentiniń dırektory, Syrtqy saıası taldaý jáne boljamdaý komıtetiniń tóraǵasy, Qazaqstan Respýblıkasynyń Túrkııa, Ulybrıtanııa jáne AQSh memleketterindegi elshilikterinde jumys istedi. Rýmynııada Ýaqytty senimdi ókil boldy. Ońtústik Afrıka Respýblıkasyndaǵy QR Tótenshe jáne Ókiletti elshisi (2014-2019), QR Syrtqy ister mınıstrliginiń syrtqy saıası taldaý jáne boljaý departamentiniń dırektory (2019-2020) qyzmetterin atqardy.

Qazirgi qyzmetinde – 2020 jyldyń aqpanynan.

52 jyl buryn (1969) VII saılanǵan Qazaqstan Respýblıkasy Parlamenti Májilisiniń depýtaty, Agrarlyq máseleler komıtetiniń múshesi Qaınar Begalyuly ABASOV dúnıege keldi.

Túrkistan oblysynda týǵan. Qazaq polıtehnıkalyu ınstıtýtyn ınjener-metallýrg mamandyǵy boıynsha bitirgen.

Eńbek joly: 1993-1997 jyldary – jeke kásipker; 1997-1999 jyldary – «Qazaq maqta kompanııasy» JShS dırektory; 1999-2002 jyldary – «Qazaq maqta kompanııasy» JAQ vıtse-prezıdenti; 2002-2006 jyldary – «Road-Text LTD» JShS bas dırektory; 20016-2021 jyldary – «Hlopkoprom-Tsellıýloza» JShS bas dırektory.

2021 jyldyń qańtarynan bastap qazirgi qyzmetinde.

2018 jyly «Qurmet» ordenimen marapattalǵan.

47 jyl buryn (1974) Qazaqstan Respýblıkasynyń Amerıka Qurama Shtattaryndaǵy Tótenshe jáne Ókiletti Elshisi Erjan Nyǵmatollauly AShYQBAEV dúnıege keldi.

Almaty qalasynda týǵan. 1998 jyly Ál-Farabı atyndaǵy Qazaq memlekettik ýnıversıtetin bitirgen, halyqaralyq qatynastar salasynyń mamany, eki shet tilin meńgergen referent-eltanýshy. 2012 jyly Garvard ýnıversıtetiniń Dj. F. Kennedı atyndaǵy Memlekettik basqarý mektebi magıstratýrasynyń memlekettik basqarý mamandyǵyn bitirgen, «Bolashaq» baǵdarlamasynyń stıpendıaty.

1998-1999 jyldary – Qazaqstan Respýblıkasy Syrtqy ister mınıstrligi Tórtinshi departamenti Azııa, Taıaý Shyǵys jáne Afrıka basqarmasynyń referenti. 1999-2001 jyldary – Qazaqstan Respýblıkasy Syrtqy ister mınıstrligi Halyqaralyq ekonomıkalyq yntymaqtastyq departamentiniń attashesi, úshinshi, ekinshi hatshysy. 2001-2002 jyldary – Qazaqstan Respýblıkasy Syrtqy ister mınıstrligi Ekonomıkalyq saıasat departamenti Eýropa jáne Amerıka elderimen ekonomıkalyq yntymaqtastyq bóliminiń bastyǵy. 2002-2005 jyldary – Qazaqstan Respýblıkasynyń Belgııa Koroldigindegi Elshiliginiń birinshi hatshysy. 2005 jylǵy naýryzdan maýsymǵa deıin – Qazaqstan Respýblıkasy Syrtqy ister mınıstrligi Halyqaralyq gýmanıtarlyq jáne ekonomıkalyq yntymaqtastyq departamenti dırektorynyń orynbasary. 2005-2007 jyldary – Qazaqstan Respýblıkasy Syrtqy ister mınıstri Keńsesiniń jetekshisi. 2007-2009 jyldary – Qazaqstan Respýblıkasy Syrtqy ister mınıstrligi Halyqaralyq aqparat komıtetiniń tóraǵasy. 2009-2011 jyldary – Erekshe tapsyrmalar jónindegi elshi – Qazaqstan Respýblıkasy Syrtqy ister mınıstriniń keńesshisi. 2012 jylǵy qyrkúıekten qazanǵa deıin – Qazaqstan Respýblıkasy Premer-Mınıstr Keńsesi basshysynyń orynbasary. 2012-2013 jyldary – Qazaqstan Respýblıkasy Prezıdenti Ákimshiliginiń Syrtqy saıasat ortalyǵynyń meńgerýshisi. 2013-2021 jyldary – Qazaqstan Respýblıkasynyń syrtqy ister mınıstriniń orynbasary.

2021 jyldyń sáýirinen bastap qazirgi qyzmetinde.

44 jyl buryn (1977) VII saılanǵan Qazaqstan Respýblıkasy Parlamenti Májilisiniń depýtaty, Qarjy jáne bıýdjet komıtetiniń múshesi Danııar Kenǵazyuly ÁLІMBAEV dúnıege keldi.

Almaty qalasynda týǵan. 1998 jyly Qazaq memlekettik zań ýnıversıtetin, 2004 jyly T. Rysqulov atyndaǵy Qazaq ekonomıkalyq ýnıversıtetin bitirgen.

Eńbek joly: «Remstroıtehnıka» AAQ zańger-konsýltanty (1998-1999); Almaty qalasynyń, Jetisý aýdany ákimi apparaty memlekettik-quqyqtyq bóliminiń meńgerýshisi, bastyǵy (1999-2003); «Qazaqstan jastarynyń kongresi» zańdy tulǵalarynyń qaýymdastyq nysanyndaǵy birlestiginiń atqarý dırektorynyń apparat basshysy (2003); Qazaqstan Respýblıkasy Premer-Mınıstri orynbasarynyń kómekshisi (2003-2004); Qazaqstan Respýblıkasy Prezıdentiniń Ákimshiligi QR Prezıdenti Keńsesiniń bas sarapshysy, uıymdastyrý-baqylaý jumysy jáne kadr saıasaty basqarmasy kadr saıasaty bóliminiń bas sarapshysy, kadr jumysy bóliminiń bas sarapshysy, kadr saıasaty bóliminiń bas konsýltanty (2004-2008); «Báıterek» Qazaqstan-Reseı birlesken kásiporny» AQ kadr qyzmeti bastyǵynyń orynbasary (2008-2012); Almaty oblysy ákiminiń apparaty zań, memlekettik-quqyqtyq bóliminiń meńgerýshisi (2012-2015); Almaty oblysynyń qarjy basqarmasy basshysynyń orynbasary (2015-2018); Almaty oblysy ákiminiń kómekshisi (2018); «Almaty oblysynyń qarjy basqarmasy» MM basshysy (2018-2020).

2021 jyldyń qańtarynan bastap qazirgi qyzmetinde.

«Qazaqsan Konstıtýtsııasyna 25 jyl» jáne «Astana 20 jyl» mereıtoılyq medaldarymen, «Eren eńbegi úshin» medalimen marapattalǵan.

43 jyl buryn (1978) Almaty qalasynyń prokýrory Berik Qýanyshbekuly JÚIRІKTAEV dúnıege keldi.

Prokýratýrada 1999 jyldan bastap qyzmet etedi. Túrli laýazymda, sonyń ishinde, Almaty qalasy jáne Almaty oblysy prokýratýrasynda jetekshi laýazymdarda qyzmet etken. 2010-2013 jyldary Almaty qalasy prokýrorynyń orynbasary, Almaty oblysy prokýrorynyń birinshi orynbasary qyzmetin atqarǵan. 2013 jyldyń qazan aıynan bastap Almaty qalasy prokýrorynyń birinshi orynbasary.

Qazirgi qyzmetinde - 2018 jyldyń aqpanynan.

«Jaýyngerlik erligi úshin» medalimen marapattalǵan.

40 jyl buryn (1981) «Qazaq radıolary» JShS Bas dırektory Ernur Kósherhanuly BÝRAHAN dúnıege kelgen.

Eńbek jolyn televızııa salasynan bastaǵan. 2001-2008 jyldary telearnada redaktor, bas redaktor boldy. 2007-2011 jyldary «Qazaqstan» Ulttyq arnasynyń elordadaǵy aqparattyq-saraptamalyq baǵdarlamalar dırektsııasynda kommentator, redaktor, shef-redaktor qyzmetin atqardy.

2011 jyldan bastap ár jyldary oblys ákiminiń baspasóz hatshysy, bas ınspektor, «Samuryq-Qazyna» jyljymaıtyn múlik qory» aktsıonerlik qoǵamynyń, Eńbek jáne halyqty áleýmettik qorǵaý mınıstrliginiń baspasóz hatshysy bolyp eńbek etti. 2013-2015 jyldary Shyǵys Qazaqstan oblysy Іshki saıasat basqarmasy basshysynyń orynbasary laýazymyn atqardy. 2015-2017 jyldary Aqtóbe oblysy ákiminiń apparaty basshysynyń orynbasary boldy. 2017 jyldyń 27 qańtarynan bastap «Qazaqstan» RTRK AQ Aqtóbe oblystyq fılıalynyń dırektory qyzmetin atqardy.

2019 jyldyń 25 qarashasynan «Qazaq radıolary» seriktestiginiń Bas dırektory qyzmetinde.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT