Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 383.98 EUR 430.63
RUB 6.11 CNY 55.83
Jańalyqtar

16 maýsym. QazAqparat kúntizbesi

2019 jylǵy 16 maýsym 07:00 687
Bólisińiz:
16 maýsym. QazAqparat kúntizbesi

NUR-SULTAN. QazAqparat - QazAqparat oqyrmandaryna 2019 jylǵy 16 maýsymǵa arnalǵan kúntizbesin usynady.

ATAÝLY KÚNDER

Qazaqstanda medıtsına qyzmetkerleri kúni

Medıtsına salasynyń qyzmetkerleri jyl saıyn maýsymnyń úshinshi jeksenbisinde kásibı merekelerin atap ótedi. Bul kúndi merekeleý1998 jyly Qazaqstan Respýblıkasy Prezıdentiniń Jarlyǵymen bekitilgen. Bul kúni sondaı-aq  Armenııa, Belarýs, Moldova, Reseı, Ýkraınada da dárigerlerdi quttyqtaý ıgi dástúrge aınalǵan.

Halyqaralyq otbasylyq aqsha aýdarymy kúni

BUU halyqaralyq ataýly kúnder júıesine engizilgen. Negizgi maqsaty -otbasyn asyrap, shetelde jumys istep júrgen mıgranttardyń ekonomıkany damytýǵa qosatyn úlesin eskerý. 

ESTE QALAR OQIǴALAR

1907 jyly tarıhy tereń qoǵamdyq-saıası basylym - «Soltústik Qazaqstan» gazetiniń birinshi nómiri jaryq kórdi.

1993 jyly Qazaqstan Respýblıkasynyń Prezıdenti N.Á. Nazarbaev Birikken Ulttar Uıymynyń delegatsııasyn qabyldady. Kelissózder barysynda Almatyda Birikken Ulttar Uıymynyń ókildigin ashý týraly ýaǵdalastyq jasaldy.

1993 jyly Qazaqstan Respýblıkasy Prezıdenti janynan Qazaqstannyń strategııalyq zertteýler ınstıtýty quryldy. Atalǵan ınstıtýtqa Qazaqstan Respýblıkasy Prezıdenti Ákimshiligi basshylyq etedi.

2000 jyly Astanaǵa «Qalalar - beıbitshilik úshin» ıÝNESKO syılyǵynyń sertıfıkaty tabys etildi.

2011 jyly Astanada Elbasy Nursultan Nazarbaevtyń tóraǵalyǵymen Nazarbaev Ýnıversıtetiniń Joǵary qamqorlyq keńesi ótti. 

2011 jyly Ulttyq medıtsınalyq holdıng Nazarbaev ýnıversıtetiniń quramyna kirdi.

2011 jyly Belarýs ulttyq kitaphanasynda belarýs tilinde shyqqan qazaqtyń uly aqyny Abaıdyń «Keń dala» atty kitaby tanystyryldy.

Abaı óleńderin belarýs tiline aýdarǵan avtor - BR Memlekettik syılyǵynyń laýreaty, «Polymıa» jýrnalynyń bas redaktory Mıkola Metlıtskıı.

2011 jyly Birinshi dúnıejúzilik soǵys barysynda alǵash ret jappaı qyryp-joıý qarýy qoldanylǵan Belgııanyń Ipr qalasynda ıadrolyq synaq qurbandaryna arnalǵan qazaqstandyq eskertkishtiń saltanatty ashylý rásimi ótti.

2016 jyly aty ańyzǵa aınalǵan «L» serııaly parovoz Saryózek stansasynyń vokzal mańy alańyna ornatyldy. Parovoz belgili konstrýktor Lev Lebedıanskııdiń basshylyǵymen Kolomensk zaýytynda ekinshi dúnıejúzilik soǵystyń aıaǵynda shyǵaryldy. Ótken ǵasyrdyń ortasynda «Lebedıanka» burynǵy Odaqtyń temir joldarynda jıi  paıdalanylǵan. Almaty-Saryózek-Úshtóbe ýchaskesinde 50-ge jýyq parovoz júrip-turǵan.

2017 jyly QR ulttyq mýzeıinde «Beıbarys sultan jáne onyń dáýiri» kórmesiniń ashylý saltanaty ótti. Kórmege Beıbarys sultannyń ómiri men el bıleý tarıhyn baıandaıtyn Islam óneri mýzeıi (Kaır q., Mysyr) jınaǵynan 22 jádiger qoıyldy.

2017 jyly «Polsha poshtasy» AQ «Astana EXPO 2017 halyqaralyq kórmesi» serııaly poshta markasyn aınalymǵa shyǵardy.

2017 jyly Astanada Halyqaralyq túrki akademııasy belgili túrkolog, kóne jáne zamanaýı túrki tilderiniń zertteýshisi Emır Nadjıptiń «XIV ǵasyrdaǵy túrki tilderiniń tarıhı-salystyrmaly sózdigi» atty kóptomdyq eńbegin tanystyrdy. Ol Qutbtyń «Husraý men Shyryn» shyǵarmasynyń negizinde jazylǵan. Atalmysh eńbek - álemdik túrkologııa úshin mańyzy zor alǵashqy tolyq basylym.

2017 jyly TMD-da alǵash ret Pavlodarda úsh kúndik «meıkaton» marafony ótti. Onda ónertapqyshtar múmkindigi shekteýli jandardyń ómirine qajetti qurylǵylardy oılap tabýmen jáne ony qurastyrýmen aınalysty.

 

Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT