16 qazan. Týǵan kún ıeleri.

NUR-SULTAN. QazAqparat – QazAqparat 16 qazanǵa arnalǵan «Týǵan kún ıeleri» kúntizbesin usynady.

ESІMDER

65 jyl buryn (1954) aqyn, jyrshy, manasshy, rejısser, satırık, telejúrgizýshi Baıanǵalı Toqanuly ÁLІMJANOV dúnıege keldi.

Kókshetaý oblysynyń Stepnıak qalasynda týǵan. QazMÝ-diń fılologııa fakýltetin bitirgen (1977). S.Muqanovtyń murajaıynda, «Lenınshil jas» (qazirgi «Jas alash»), «Qazaq ádebıeti», «Kitap jarshysy» gazetterinde, «Qazaqfılm» kınostýdııasynda, «Baldyrǵan», «Juldyz» jýrnaldarynda, «Kókshetaý pravdasy» gazetinde, Eńbekshilder aýdandyq mádenıet bóliminde, Sh.Qusaıynov atyndaǵy Kókshetaý oblystyq qazaq drama teatrynda qyzmet istegen. «Pań Nurmaǵambet» kınostýdııasynyń dırektory jáne kórkemdik jetekshisi. 1984 jyldan beri respýblıkalyq, oblystyq deńgeıde ótken aıtystarda saıysqa túsip, jeńimpaz jáne júldeger atanǵan.

«Qıqymattyń hıkaıalary» (1982), «Uıa» (1985), «Jyndy Qarataıdyń qasıeti» (2000), «Qıqymattyń qıssasy» (1989), «Aýyldyń aq samaly» (2003), «Alash pen Manas» (2004), «Ázil shýaǵy» (2004), «Degen eken» (2005) atty kitaptardyń, «Qudalyq», «Qojanasyr», «Qaıran kempir-shaldar-aı», «Erkegi bar bolǵyr», «Jolbarys pen Ponı», «Altyn noqta», «Qazaqy saılaý», «Jas qazaq», «Qazannan kelgen qyzǵaldaq» atty pesalardyń avtory. «Jyraýlar», «Asyldyń synyǵy», «Palýan» atty derekti fılmderdiń, «Án men anasha» atty kórkem fılmniń stsenarııin jazǵan.

48 jyl buryn (1971) Batys Qazaqstan oblysy ákiminiń orynbasary Amanjol Alıhanuly ALPYSBAEV dúnıege kelgen.

Ol Torǵaı oblysynda týǵan. Almaty tehnologııalyq ınstıtýyn «ınjener-tehnolog» (2002), Qaraǵandy ekonomıkalyq ýnıversıtetin «salyq jáne salyq salý» (2004) mamandyqtarymen boıynsha bitirgen.

Eńbek joly: Arqalyq aýdandyq azyq-túlik bólimi satýshysynyń kómekshisi (1993-1994); «Qostanaı spırt-araq zaýyty» AQ jabdyqtaýshysy (1995-1997); «Saǵjan» JShS Esil fılıalynyń tazartý tsehynyń operatory,jabdyqtaýshy sheberi (1997-1999); «Áýlet» JShS spırt qoımasynyń sheberi (1999); QR MKM Alkogol ónimderin óndirý jáne aınalymyn memlekettik baqylaý komıtetiniń Soltústik Qazaqstan basqarmasynyń bas mamany, bólim bastyǵy, basqarma bastyǵy (1999-2002); Qostanaı oblysy boıynsha SK basqarmasynyń bastyǵy (2002-2005); QR Tabıǵı monopolııalardy retteý agenttiginiń Qostanaı oblysy boıynsha basqarmasynyń bastyǵy (2005-2006); QR Tabıǵı monopolııalardy retteý agenttiginde laýazymdy qyzmetterdi atqarǵan (2006-2008); QR Tabıǵı monopolııalardy retteý agenttigi Aqmola oblysy boıynsha departamentiniń dırektory (2008-2010); QR Indýstrııa jáne jańa tehnologııalar mınıstrliginiń Memlekettik energetıkany qadaǵalaý komıteti tóraǵasynyń orynbasary (2010-2011); «Qazaqstan turǵyn úı-kommýnaldyq sharýashylyqty jańǵyrtý men damytý ortalyǵy» AQ basqarma tóraǵasynyń keńesshisi (2011-2012); «Qazaqstan turǵyn úı-kommýnaldyq sharýashylyqty jańǵyrtý men damytý ortalyǵy» AQ basqarýshy dırektory (02.2012-03.2012); «Qazaqstan turǵyn úı-kommýnaldyq sharýashylyqty jańǵyrtý men damytý ortalyǵy» AQ basqarma tóraǵasynyń orynbasary (2012-2013);

QR Tabıǵı monopolııalardy retteý agenttiginiń departament dırektory, tóraǵasynyń orynbasary (2013-2014); QR Tabıǵı monopolııalardy retteý agenttigi tóraǵasynyń orynbasary (07.2014-09.2014); Astana qalasynyń qalalyq ortany regeneratsııalaý basqarmasynda qyzmet atqardy (2015-2019).

Qazirgi laýazymyn atqarýǵa 2019 jylǵy shildede kiristi.

44 jyl buryn (1975) Qazaqstan Respýblıkasynyń Sankt-Peterbýrg qalasyndaǵy bas konsýly Baýyrjan Baqbergenuly DOSMANBETOV dúnıege kelgen.

Ol Qazaq memlekettik zań ýnıversıtetin «Quqyqtaný» mamandyǵy boıynsha (1999), QR SІM Dıplomatııalyq akademııasyn «Halyqaralyq qatynastar» mamandyǵy boıynsha (2001) bitirgen.

Eńbek joly: 2001 jyldan QR SІM júıesinde jumys istegen; QR SІM Ortalyq Azııa, Ońtústik Kavkaz jáne Túrkııa departamentiniń jáne Ázirbaıjan Respýblıkasyndaǵy QR Elshiliginiń Keńesshisi (2012 – 2015); Ázirbaıjan Respýblıkasyndaǵy QR Elshiliginiń Keńesshi-ýákili (2015 – 2017); QR SІM Eýrazııalyq ıntegratsııa departamenti dırektorynyń orynbasary (2017 – 2019).

ІІ synypty Keńesshi dıplomatııalyq dárejesi bar.

Qazirgi laýazymyna 2019 jylǵy mamyr aıynda taǵaıyndaldy.