+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

16 qarasha. Týǵan kún ıeleri

2019 jylǵy 16 qarasha 08:08
Bólisińiz:
16 qarasha. Týǵan kún ıeleri

NUR-SULTAN. QazAqparat - Búgin, ıaǵnı 16 qarasha kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER


82 jyl buryn (1937) QR Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi Vladıslav Borısovıch KOSAREV dúnıege keldi.

Kókshetaý oblysynda týǵan. Omby aýyl sharýashylyǵy ınstıtýtyn (1968) jáne KOKP OK Joǵary partııa mektebin syrttaı bitirgen (1972). 1954-1956 jyldary - Kókshetaý oblysy Rýzaev aýdanynyń «Borovskoı» keńsharynda traktorshy. 1956-1959 jyldary Keńes Armııasynda qyzmet ótkergen. 1959-1961 jyldary - Kókshetaý oblysy Rýzaev aýdanynyń «Borovskoı» keńsharynda júrgizýshi, komsomol komıtetiniń hatshysy. 1961-1968 jyldary - Kókshetaý oblysy Rýzaev aýdanynyń «Mıchýrın», «Volodar», «Chervonnyı» keńsharlarynda partııa komıtetiniń hatshysy. 1968-1970 jyldary - Kókshetaý oblystyq partııa komıtetiniń nusqaýshysy. 1970-1974 jyldary - QLKJO Kókshetaý oblystyq komıtetiniń birinshi hatshysy. 1974-1980 jyldary - Kókshetaý oblysy Lenın aýdandyq partııa komıtetiniń birinshi hatshysy. 1980 - 1990 jyldary - Aýyl sharýashylyǵy qyzmetkerleri kásipodaǵynyń Kókshetaý oblystyq komıtetiniń tóraǵasy. 1990-1997 jyldary - Kókshetaý oblystyq kásipodaqtar keńesiniń tóraǵasy. 1998-1999 jyldary - Kókshetaý qalasyndaǵy «Interteach» Qazaq ulttyq densaýlyq saqtaý jáne medıtsınalyq saqtandyrý korporatsııasy ókildiginiń dırektory. 1990 - 2004 jyldary - Aqmola oblysynyń № 1 okrýginen saılanǵan Parlament Májilisiniń depýtaty. 2004-2013 jyldary - Qazaqstan Kommýnıstik halyq partııasy OK birinshi hatshysy (jetekshisi). 2013 jyldan bastap - Qazaqstan Kommýnıstik halyq partııasy OK qurmetti hatshysy. Qazirgi qyzmetinde 2016 jylǵy naýryzdan beri. QKHP partııalyq tizimi boıynsha saılanǵan.


44 jyl buryn (1975) QR Qarjy vıtse-mınıstri Rýslan Baqytjanuly BEKETAEV dúnıege keldi.

Shymkent qalasynda týǵan. Qazaq memlekettik agrarlyq ýnıversıtetin, Brıstol ýnıversıtetin (Ulybrıtanııa), Oksford ýnıversıtetin (Ulybrıtanııa) bitirgen.

1996-2001 jyldary - QR Ulttyq qundy qaǵazdar komıssııasynyń lıtsenzııalaý jáne qadaǵalaý departamentinde jetekshi maman, sektor meńgerýshisi, bólim bastyǵy, basqarma bastyǵynyń orynbasary, departament dırektorynyń orynbasary mindetin atqarýshy. 2001-2004 jyldary - QR Ulttyq bankiniń qarjylyq qadaǵalaý departamentiniń ınspektsııalaý basqarmasynyń bastyǵy. 2004-2005 jyldary - QR qarjy naryǵyn jáne qarjy uıymdaryn retteý jáne qadaǵalaý agenttigi bankterdi qadaǵalaý departamentiniń ınspektsııalaý basqarmasynyń bastyǵy. 2005-2010 jyldary - qarjy organdaryndaǵy, QR Ekonomıkalyq qylmyspen jáne sybaılas jemqorlyqpen kúres agenttigindegi qyzmet. 2011 jylǵy mamyr-tamyz - «Qazaq gýmanıtarlyq zań ýnıversıteti» AQ basqarma tóraǵasynyń keńesshisi. 2011-2012 jyldary - QR Qarjy mınıstrliginiń qarjylyq monıtorıng komıteti tóraǵasynyń orynbasary. 2012-2014 jyldary - QR Qarjy mınıstrliginiń Qazynashylyq komıtetiniń tóraǵasy. Qazirgi qyzmetinde 2014 jylǵy shildeden beri.


44 jyl buryn (1975) T.Q.Júrgenov atyndaǵy Qazaq Ulttyq óner akademııasynyń rektory Aqan Jylqyshybaıuly ÁBDÝÁLIEV dúnıege keldi.

Almaty oblysy Jambyl aýdany Shıen aýylynda dúnıege kelgen. 2005 jyly Qurmanǵazy atyndaǵy Qazaq ulttyq konservatorııasyn, 2012 jyly Almaty ekonomıka jáne statıstıka akademııasyn támamdaǵan.

Eńbek jolyn Súıinbaı atyndaǵy Almaty oblystyq fılarmonııasynan bastaǵan. Keıinirek J.Elebekov atyndaǵy Respýblıkalyq estrada – tsırk kolledjinde, sondaı-aq Qurmanǵazy atyndaǵy Qazaq Ulttyq konservatorııasynda ustazdyq qyzmetter atqarǵan. T.Júrgenov atyndaǵy Qazaq ulttyq óner akademııasy mýzyka fakýltetiniń «Dástúrli mýzyka oryndaýshylyq» kafedrasynyń meńgerýshisi boldy. 2008-2009 jj. A.Jubanov atyndaǵy QOMMMI dırektorynyń mýzyka isi jónindegi orynbasary, 2009-2015 jj. A.Jubanov atyndaǵy RQMMMI dırektory; 2015-2016 jj. Jambyl atyndaǵy qazaq memlekettik fılarmonııasynyń dırektory qyzmetterin atqarǵan. Almaty oblysy ákiminiń ókimimen 2016 jyldyń 1 maýsymynan bastap oblystyq mádenıet, arhıvter jáne qujattama basqarmasynyń basshysy bolyp taǵaıyndaldy. 2018-2019 jyldar aralyǵynda Almaty oblysy ákiminiń orynbasary qyzmetin atqardy.

Qazirgi qyzmetinde – 2019 jyldyń tamyzynan.


44 jyl buryn (1975) Qazaqstan halqy Assambleıasynyń múshesi, «Ahyska» túrik etnomádenı birlestiginiń basshysy, kásipker Ásker Allaberdiuly PIRIEV dúnıege keldi.

Ol 1992-1995 jyldary Shymkent energetıka jáne bıznes kolledjinde «ekonomıka jáne menedjment» mamandyǵyn ıgerip shyqty. 2001 jyly «Turan» ýnıversıtetin halyqaralyq ekonomıka jáne bıznes mamandyǵymen, 2013 jyly Qazaq tehnologııa jáne bıznes ýnıversıtetin ekonomıkalyq ǵylymdarynyń magıstri dárejesimen támamdady.

Eńbek jolyn 1995 jyly «MTK HILAL» JShS-dan bastaǵan. 1998-2003 jyldary «Ak-plast ınjınırıng» JShS bas dırektorynyń orynbasary, 2003-2011 jyldary «Álem-Sıstem» JShS bas dırektory bolǵan. 2011 jyldan beri «Alýana» JShS dırektory, «Tengrı» qonaqúıiniń dırektory.


36 jyl buryn (1983) QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Serik Jumanǵalıuly SÁPIEV dúnıege keldi.

Qaraǵandy oblysynda týǵan. E.Bóketov atyndaǵy Qaraǵandy memlekettik ýnıversıtetiniń dene shynyqtyrý jáne sport, ekonomıka fakýltetterin bitirgen.

2002-2004 jyldary - Qazaqstan Respýblıkasynyń Qarýly kúshter qatarynda áskerı boryshyn atqarǵan. 2003-2009 jyldary E.A.Býketov atyndaǵy Qaraǵandy Memlekettik ýnıversıtetinde dene shynyqtyrý oqytýshysy jáne quqyqtaný mamandyqtary boıynsha bilim alǵan. 2011-2014 jyldary taý-ken isteriniń bakalavri mamandyǵy boıynsha QarMTÝ-in bitirgen. 2014-2016 jyldary Qazaq sport jáne týrızım akademııasynyń akademııalyq pedagogıka ǵylymynyń magıstri dárejesin alǵan. 2014 jyly «Bolashaq» baǵdarlamasy boıynsha sport menedjeri mamandyǵyn alǵan. 2004-2014 jyldary kelisimshart boıynsha merzimnen tys áskerı qyzmette bolǵan. 2010-2012 jyldary «Qazaqstannyń boks federatsııasy» QN ZTB-nyń jattyqtyrýshy-oqytýshy qyzmetin atqarǵan. 2013-2014 jyldary - «Qazaqstannyń boks federatsııasy» QN ZTB-nyń sport jónindegi dırektory. 2005-2013 jyldary boks jónindegi Qazaqstan Respýblıkasynyń ulttyq komandasynyń shtattynda nusqaýshy-sportshy. 2014-2017 jyldary – JShS «Astana Arlans» KSK bas dırektory. 2017-2019 jyldary– VI saılanǵan Qazaqstan Respýblıkasy Parlamenti Májilisiniń depýtaty, Áleýmettik-mádenı damý komıtetiniń múshesi.

Qazirgi qyzmetinde – 2019 jyldyń qańtarynan.

2008 jyly «Parasat», 2012 jyly «Otan» ordenderimen, 2008 jyly «Astananyń 10 jyldyǵy», 2016 jyly «Qazaqstan Respýblıkasynyń táýelsizdigine 25 jyl» medaldarymen marapattalǵan.

Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT