+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

16 qarasha. QazAqparat kúntizbesi

2019 jylǵy 16 qarasha 07:00
Bólisińiz:
16 qarasha. QazAqparat kúntizbesi

NUR-SULTAN. QazAqparat - QazAqparat oqyrmandaryna 2019 jylǵy 16 qarashaǵa arnalǵan kúntizbesin usynady.

ATAÝLY KÚNDER

ıÝNESKO-nyń týǵan kúni

Osydan 74 jyl buryn 1945 jyly 16 qarashada Birikken Ulttar Uıymynyń Bilim, ǵylym jáne mádenıet máseleleri jónindegi uıymy quryldy. Dál osy kúni Londonda ótken konferentsııada onyń Jarǵysy qabyldanyp, oǵan 37 memleket qol qoıdy.

Tózimdiliktiń (toleranttyqtyń) halyqaralyq kúni

«Tózimdilik prıntspteri deklaratsııasyn» jarııalaý aıasynda 1995 jyly ıÝNESKO-nyń 28-Bas konferentsııasynda mereke bolyp jarııalandy. 1997 jyly Birikken Ulttar Uıymynyń Bas Assambleıasy osy uıymǵa múshe elderge bul merekeni atap ótýdi usyndy.

«Tózimdilik prıtspteri deklaratsııasynda» tózimdilik nemese toleranttylyq degen túsinik álemdegi mádenıettiń baı alýan túrliligine, sondaı-aq adamdardyń óz bolmysyn kórsetý túrlerine qurmet dep túsindiriledi. Ár adam deklaratsııaǵa sáıkes, óz tabıǵaty boıynsha erekshelenetinin, sondaı-aq óziniń jeke basyn saqtaýǵa jáne ómir súrýge birdeı quqyly ekenin moıyndaýy tıis.

ESTE QALAR OQIǴALAR

1993 jyly Germanııadaǵy Nıýrnberg qalasy ekonomıkalyq damý jáne marketıng gıldııasynyń Úlken altyn medali Qazaqstan Prezıdenti Nursultan Nazarbaevqa berildi.

2001 jyly Qazaqstan Respýblıkasynyń Prezıdenti N.Á.Nazarbaev pen Ózbekstan Respýblıkasynyń Prezıdenti I.Karımov Qazaqstan men Ózbekstannyń memlekettik shekarasy týraly kelisimge qol qoıdy.

2005 jyly Aqmola oblysynyń Aqkól qalasynda «Respýblıkalyq ǵaryshtyq baılanys jáne radıoelektrondy quraldardyń elektromagnıttik úılesim ortalyǵy» AQ uıymdastyrǵan birinshi ǵaryshtyq apparattardy jerústi basqarý kesheniniń tanystyrylymy ótti.

2007 jyly Almaty oblysy, Sarqan qalasynda aty ańyzǵa aınalǵan temirjolshy, Túrksibtiń Shoqpar nusqasyndaǵy jobasynyń avtory men oryndaýshysy Muhamedjan Tynyshbaevqa eskertkish qoıyldy. Saltanatty bólimnen keıin oblys ákimi, aty ańyzǵa aınalǵan temirjolshynyń urpaǵy jáne saıası qaıratkerler eskertkish janyna aǵash otyrǵyzdy.

2009 jyly Almatydaǵy Qazaqstan Respýblıkasynyń Ulttyq kitaphanasynda belgili qazaq aqyny Ábdilda Tájibaevtyń 100 jyldyǵyna arnalǵan poshta markasynyń tanystyrylymy ótti. Sharaǵa aqynnyń týystary, áriptesteri aqyn-jazýshylar qatysyp, estelikterimen bólisti

2009 jyly Belarýsta Qazaqstan stýdentteriniń keńesi quryldy. Keńestiń negizgi maqsaty - Belarýsta shoǵyrlanǵan qazaqstandyq stýdentter qaýymdastyǵyn qalyptastyrý.

2011 jyly Tájikstannyń Hatlon oblysynyń ortalyǵy Qorǵantóbe (2018 jyly Bohtar bolyp ózgertildi) qalasynda kósheniń birin «Qazahon» kóshesi (Qazaq kóshesi) dep ataýǵa baılanysty saltanatty shara ótti. Ol kóshede etnıkalyq qazaqtar turyp kele jatyr.

2015 jyly Norvegııa Koroldiginde Qazaqstan Respýblıkasynyń Qurmetti konsýldyǵy ashyldy.

2015 jyly Londonda Memleket basshysy Nursultan Nazarbaevtyń sóılegen sózderiniń jınaǵy «Leadership Perspectives» kitaby jaryq kórdi. Kitap QR Prezıdenti Nursultan Nazarbaevtyń 2012 jyldan 2015 jylǵa deıingi aralyqta halyqaralyq saıasattyń ózekti problemalary, Qazaqstandy jańǵyrtý men ekonomıkalyq damytý, ınstıtýtsıonaldyq reformalar sekildi kóptegen ózekti máseleler týraly sóılegen sózderi men baıandamalaryn qamtıdy. Jınaqqa Ult kóshbasshysynyń kúndelikti qyzmetin kórsetetin 30-dan astam fotosýret engen, sonyń 18-i shet memleketter basshylarymen kezdesý kezinde túsirilgen.

2016 jyly «Qazposhta» Rıo-de-Janeırodaǵy Olımpıada oıyndarynyń júldegerlerine arnalǵan markalar shyǵardy. Poshta markalaryna 2016 jyly Brazılııanyń Rıo-de-Janeıro qalasynda ótken HHHІ Olımpıada oıyndarynyń altyn jáne kúmis júldegerleri: olımpıada chempıondary — Danııar Eleýsinov, Dmıtrıı Balandın jáne Nıjat Rahımovtyń; kúmis medal ıegerleri — Gúzel Manıýrova, Jazıra Japparqul, Vasılıı Levıt, Eldos Smetov jáne Ádilbek Nııazymbetovtiń beınesi túsirildi. Markalar 40 myń danamen shyǵaryldy. Nomınaly — 200 teńge.

2017 jyly Japonııada «Rýhanı jańǵyrý» baǵdarlamasynyń halyqaralyq tusaýkeseri aıasynda Tokıo ortalyq kitaphanasynda Qazaqstan ádebıeti men mádenıeti ortalyǵy ashyldy.

Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT