+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

15 jeltoqsan. QazAqparat kúntizbesi

2019 jylǵy 15 jeltoqsan 07:00
Bólisińiz:
15 jeltoqsan. QazAqparat kúntizbesi

NUR-SULTAN. QazAqparat - QazAqparat oqyrmandarǵa 2018 jylǵy 15 jeltoqsanǵa arnalǵan kúntizbeni usynady.

ATAÝLY KÚNDER

Qazaqstanda energetık kúni

Energetıka ónerkásibi qyzmetkerleriniń kásibı merekesi jyl saıyn jeltoqsannyń úshinshi jeksenbisinde atap ótiledi. Bul mereken energetıkalyq resýrstardy óndirýmen, elektr jáne jylý energııasyn ótkizýmen aınalysatyn mekeme qyzmetkerlerine arnalǵan.

Merekeni atap ótý dástúri sovet úkimeti kezinen bastaý alady. Eń alǵash kásibı mereke retinde 1966 jyly GOELRO degen atpen tanylǵan eldiń elektrıfıkatsııasynyń qurmetine bekitilgen. Bul mereke Qazaqstan Respýblıkasy Prezıdenti Nursultan Nazarbaevtyń 1998 jyldyń 20 qańtaryndaǵy «Qazaqstan Respýblıkasyndaǵy kásibı merekeler jáne ataýly kúnder týraly» Jarlyǵymen bekitilgen.

ESTE QALAR OQIǴALAR

1995 jyly Jambyl qalasynda Qazaqstan, Ózbekstan, Qyrǵyzstan Respýblıka basshylarynyń Memleketaralyq keńesi ótti. Keńes uıǵarymymen Qorǵanys mınıstrleri keńesi týraly ereje bekitilip, ol aımaqtyń qaýipsizdigi, áskerı yntymaqtastyq salasyndaǵy búkil máselelerdi qaraıtyn bolyp sheshildi.

1998 jyly «Nursulan Nazarbaevtyń bilim berý qory» qoǵamdyq qory quryldy. Onyń maqsaty Qazaqstannyń bilim berý júıesine halyqaralyq bilim berý standarttaryn engizý jáne taratý arqyly damýyna úles qosý. Qor jobasynyń ereksheligi baı ulttyq mádenı jáne bilim berý dástúrin saqtaý arqyly halyqaralyq tájirıbege jetý qatar sabaqtasqan.

1999 jyly Qazaqstan Respýblıkasynyń ulttyq qaýipsizdik strategııasy bekitildi.

2001 jyly Qazaqstan Respýblıkasynyń «Azamattyq avıatsııany memlekettik retteý týraly» Zańy jaryq kórdi.

2007 jyly Tájikstan Respýblıkasynyń astanasy Dýshanbede tájik-aýǵan shekarasynda qaza bolǵan qazaqstandyq jaýyngerlerge arnalǵan monýment ashyldy. Dýshanbeniń ortalyǵynda ornalasqan monýmentte 35 qazaqstandyq jaýyngerdiń esimi qashalyp jazylǵan.

2008 jyly Aqtóbede Ábilqaıyr han dańǵylynda Táýelsizdik monýmenti ashyldy. Bul - Almatyda Respýblıka alańynda ornalasqan eskertkishtiń kishireıtilgen kóshirmesi. Eskertkish meshit pen «Nurdáýlet» saýda ortalyǵynyń janynda ornalasty. Eskertkishtiń bıiktigi 20 metrden asady.

2012 jyly Qazaqstan men Bolgarııa arasyndaǵy dıplomatııalyq qarym-qatynastardyń 20 jyldyǵyna arnalǵan «Ejelgi óner eskertkishteri» taqyrybyndaǵy kórkem markalardyń birlesken basylymy aınalymǵa shyqty. Kórkem marka ofsetti tásilmen 4 boıaýda daıyndalǵan. Perforatsııasy jotaly, ár markanyń nomınaly 250 teńge, kólemi 28*40 mm. Paraqtaǵy markalar sany 8 dana, ár markanyń taralymy 30 myń dana.

2016 jyly Astanada QR Ulttyq mýzeıinde «Bolashaqqa hat» kapsýlalary saqtaýǵa berildi. Onda Qazaqstan Táýelsizdiginiń 25 jyldyǵyna oraı jastardyń jazǵan 25 haty saqtaýly tur. Onyń 16-sy respýblıkanyń 16 óńirinen jiberilse, 9-yn túrli respýblıkalyq jastar uıymy jazǵan. Kapsýla qazirgi jastardan elimiz Táýelsizdiginiń 50 jyldyǵyna syılyq bolyp tabylady. Oǵan deıin kapsýla QR Ulttyq mýzeıinde saqtalady.

2016 jyly Astanada QR Táýelsizdiginiń 25 jyldyǵy aıasynda «Máńgilik El» markasynyń saltanatty tanystyrylymy ótti. Shyǵarylǵan markalardyń jalpy taralymy 7,5 myń dana. Bir markanyń baǵasy 100 teńgeni quraıdy. Perforatsııasy - jotaly, jıyrma markadan quralǵan tańbaly qaǵaz túrindegi 4 boıaýly ofsetti qaǵazdan jasalǵan. Sýretshisi - Ksenııa Plýjnıkova.

2017 jyly «Tsıfrlyq Qazaqstan» memlekettik baǵdarlamasy bekitildi, onyń basty maqsaty - tsıfrlyq tehnologııalardy paıdalaný jáne damytý arqyly turǵyndardyń ómir súrý sapasyn jaqsartý jáne el ekonomıkasynyń básekege qabilettiligin arttyrý.

2018 jyldan Lord-Mer Vestmınsterdiń sheshimimen Qazaqstannyń Londondaǵy elshiliginiń ǵımaraty resmı túrde Kazakhstan House dep atalady. Barlyq resmı qujattarda osylaı jazylady. Tolyq mekenjaı mynadaı: Embassy of the Republic of Kazakhstan Kazakhstan House 125 Pall Mall, London SW1Y 5EA. Dıpmıssııa ǵımaratyna resmı túrde óz eliniń ataýyn Londondaǵy keıbir sheteldik elshilikter ǵana bere alǵan. Ádette olar Birikken Koroldyqpen erekshe qarym-qatynasy bar memleketterdiń dıplomatııalyq ókildikteri.

Bizdiń kanalymyzǵa jazylyńyz:

Basty sózder: Kúntizbe,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT