+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

15 naýryzdan bastap Ózbekstanǵa kelýshiler KVI-ǵa qosymsha test tapsyrmaıdy

2021 jylǵy 14 naýryz 23:00
Bólisińiz:
15 naýryzdan bastap Ózbekstanǵa kelýshiler KVI-ǵa qosymsha test tapsyrmaıdy

TAShKENT. QazAqparat - Ózbekstanda 15 naýryzdan bastap áýejaılar, temirjol vokzaldary nemese shekara beketteri arqyly shetelden keletin jolaýshylar koronavırýsty anyqtaıtyn qosymsha ekspress test tapsyrmaıtyn boldy. Mundaı sheshimdi Ózbekstan Respýblıkasynyń koronavırýspen kúresý jónindegi arnaıy respýblıkalyq komıssııasy qabyldady, dep habarlaıdy QazAqparattyń menshikti tilshisi.

Jańa erejege sáıkes, áýe, temirjol jáne avtomobıl kóligimen keletin adamdar sońǵy 72 saǵat ishinde jasalǵan koronavırýs ınfektsııasynyń joqtyǵy týraly anyqtamany usynýy kerek (tek PTR ádisi).

Barlyq kelgen jolaýshylarǵa arnalǵan testileý nátıjesi aǵylshyn nemese orys tilinde bolýy qajet.

Sonymen qatar, Arnaıy komıssııa tıisti vedomstvolarǵa 25 naýryzǵa deıin ár elde PTR testen ótýge ruqsat etetin 10-nan kem emes zerthananyń tizimin daıyndaýdy tapsyrdy.

Osy medıtsınalyq mekemelerdiń ǵana synaq nátıjesi Ózbekstanda jaramdy sanalady.

Eske sala ketsek, qoldanystaǵy erejelerge sáıkes, Ózbekstan aýmaǵyna PTR testiniń teris nátıjeleri bar sertıfıkatpen birge kirýshiler koronavırýs juqtyrmaǵanyn dáleldeý úshin ekspress test tapsyrýǵa mindetti.

Ekspress test quny - 95 myń sým. Ony elge kirgen azamattar tóleıdi.

Pasportta test týraly aqparaty bar shtrıh-kod jabystyrylyp turady.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT