+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

15 qyrkúıek. Týǵan kún ıeleri

2019 jylǵy 15 qyrkúıek 08:08
Bólisińiz:
15 qyrkúıek. Týǵan kún ıeleri

NUR-SULTAN. QazAqparat – QazAqparat 15 qyrkúıekke arnalǵan «Týǵan kún ıeleri» kúntizbesin usynady.

ESІMDER


128 jyl buryn (1891-1948) alǵashqy qazaq dárigerleriniń biri Isa Taýmyshuly QAShQYNBAEV dúnıege keldi.

Batys Qazaqstan oblysynyń Aqjaıyq aýdanynda týǵan. Oral realdyq áskerı ýchılıesin, Qazan ýnıversıtetiniń medıtsına fakýltetin bitirgen. 1917 jylǵy jeltoqsanda ótken ІІ jalpyqazaq sezinde Ýaqytsha ult keńesi (Alashorda) músheligine kandıdat (Ult keńesi múshesiniń orynbasary) bolyp saılandy. 1920 jylǵy 21 maýsymdaǵy Qazaq RK (b)P oblystyq komıteti májilisinde «qoǵam úshin qaýipti» adam retinde ony aıryqsha minezdememen Zavolje áskerı okrýgine jiberý jóninde sheshim qabyldady. Alaıda Halyq atqarý komıtetiniń ara túsýimen Tashkent qalasyna jiberildi. 1920 jyly osynda musylmandardyń ólkelik feldsherlik mektebin uıymdastyrýǵa belsene qatysty. Ol 30-jyldardyń ortasynda Tashkenttegi Semashko atyndaǵy Fýnktsıonaldyq dıagnostıka ınstıtýtynda bólim meńgerýshisi boldy. 1938 jylǵy 23 sáýirde «kontrrevolıýtsııalyq uıymǵa qatysty» degen aıyppen qylmystyq jaýapkershilikke tartylyp, qylmysy dáleldenbegendikten 1939 jylǵy 1 jeltoqsanda túrmeden bosatyldy. Soǵys jyldarynda kóshirilip ákelingen gospıtaldarǵa jetekshilik etti. Soǵystan keıin Tashkentte Semashko atyndaǵy Kýrortologııa ǵylymı-zertteý ınstıtýtynda qyzmet etti.

Qyzyl Juldyz ordenimen marapattalǵan.


72 jyl buryn (1947) Súleımenov atyndaǵy Shyǵystaný ınstıtýtynyń dırektory, shyǵystanýshy, dintanýshy, jazýshy jáne synshy Ábsattar qajy DERBІSÁLІ dúnıege keldi.

Ońtústik Qazaqstan oblysynyń Túlkibas aýdanynda týǵan. M.Áýezov atyndaǵy Ońtústik Qazaqstan ýnıversıtetiniń fılologııa fakýltetin úzdik bitirgen (1969). 1970-1975 jyldary KSRO Ǵylym akademııasy Máskeý Shyǵystaný ınstıtýtynda aspırant. 1975-1976 jyldary Marokko Koroldigi, 1985-1986 jyldary Týnıs Arab Respýblıkasy ýnıversıtetterinde arab tili men ádebıeti boıynsha biliktilik arttyrýdan ótti. 1976-1977 jyldary QR ǴA-nyń M.O.Áýezov atyndaǵy Ádebıet jáne óner ınstıtýtynyń ǵylymı qyzmetkeri. 1977 jyly ál-Farabı atyndaǵy Qazaq ulttyq ýnıversıtetinde assıstent, aǵa oqytýshy, dotsent, fılologııa fakýlteti dekanynyń orynbasary, Shyǵys fılologııa kafedrasynyń meńgerýshisi. 1986-1988 jyldary KSRO ǴA Moskva Shyǵystaný ınstıtýtynyń doktoranty. 1989 jyly Shyǵystaný fakýltetiniń dekany, 1991-1997 jyldary tilder jáne halyqaralyq baılanystar jónindegi prorektor. 1997-2000 jyldary Qazaqstan Respýblıkasynyń Saýd Arabııasy Koroldigindegi elshiliginiń keńesshisi, 1-synypty keńesshi dıplomatııalyq laýazym ıesi. 2000 jáne 2005 jyldary Qazaqstan musylmandarynyń ІІІ jáne ІÚ Quryltaılarynda Qazaqstan musylmandary dinı basqarmasynyń tóraǵasy, Bas múftı, 2007 jyldary Ortalyq Azııa múftıler keńesinde biraýyzdan osy keńestiń tóraǵasy, 2000 jyly tamyzynda Bosnııa men Gertsegovınanyń astanasy Saraevoda jáne 2002 jyly sáýirde Kıprde ótken Eýrazııa Islam Shýrasynyń IV - V halyqaralyq konferentsııalarynda osy uıym tóraǵasynyń birinshi orynbasary bolyp eki ret saılandy. Qazirgi qyzmetinde - 2013 jyldan beri.

Á.Derbisáli respýblıkamyzdaǵy jas arabtaný ǵylymynyń negizin salýshylardyń biri. Arabıstıka salasy boıynsha elimizdiń tuńǵysh ǵylym doktory, tuńǵysh professory, tuńǵysh akademıgi.

Qoja Ahmet ıAsaýı kesenesi men ondaǵy qulyptastardaǵy jazýlardy ana tilimizge aýdaryp, zerttedi.

2003 jáne 2006 jyldary qyrkúıekte Astanada álemdik jáne dástúrli ulttyq din lıderleriniń sezderin ótkizýge úles qosty.

Ábsattar qajy Derbisáli Qazaqstanda arab tili men ádebıeti ǵylymyn qalyptastyrǵany jáne Islam tarıhy men mádenıeti, dinine baılanysty kóptegen súbeli eńbekteri úshin 2002 jyly Egıpet Arab respýblıkasynyń 1-dárejeli «Ǵylym jáne óner» ordenimen, Qazaqstan ǵylymy men bilimi, ádebıeti men mádenıetine qosqan qomaqty úlesi úshin 2004 jyly «Parasat» ordenimen jáne 2001 jyly «Qazaqstan Respýblıkasynyń Táýelsizdigine 10 jyl», 2005 jyly «Qazaqstan Respýblıkasynyń Konstıtýtsııasyna 10 jyl», 2008 jyly «Astanaǵa 10 jyl» merekelik medalderimen jáne 2007 jyly QR Bilim jáne Ǵylym mınıstriniń «Qazaqstan Respýblıkasynyń ǵylymyn damytýǵa qosqan úlesi úshin» belgisimen marapattaldy, 2005 jyldyń qarashasynda Ońtústik Qazaqstan oblysy, Túlkibas aýdany maslıhynyń sheshimimen «Túlkibas aýdanynyń qurmetti azamaty» jáne sol jyly Ońtústik Qazaqstan oblysy maslıhatynyń sheshimimen «Ońtústik Qazaqstan oblysynyń qurmetti azamaty» ataqtary berildi.


49 jyl buryn (1970) Pavlodar qalasynyń ákimi Qaırat Temirshotuly NÚKENOV dúnıege kelgen.

1970 jyldyń 15 qyrkúıeginde Palodar oblysy Jelezın aýdanynyń Zaharovka aýylynda týǵan. Joǵary bilimdi. Sibir memlekettik avtomobıl-jol akademııasyn, P.A.Stolypın atyndaǵy Omby memlekettik agrarlyq ýnıversıtetin bitirgen, mamandyǵy - ekonomıst jáne ǵalym-agronom. Q.Núkenov eńbek jolyn Jelezınskıı aýdany «Jelezınskıı» keńsharynyń №2 bóliminde jumysshy bolyp bastaǵan. 1992 jyldan shaǵyn jáne orta bıznes kásiporyndaryna jetekshilik etken. 2012 jyly Pavlodar oblysy Jelezın aýdanynyń ákimi boldy. Al osy taǵaıyndaýǵa deıin Pavlodar oblysynyń kásipkerlik, saýda jáne týrızm basqarmasyn basqaryp keldi. Aqsý qalasynyń ákimi (2014-2016); Pavlodar oblysy Ekibastuz qalasynyń ákimi (2016-2018); Túrkistan oblysy ákiminiń birinshi orynbasary (2018-2019).

Qazirgi laýazymyn atqarýǵa 2019 jyldyń shilde aıynda kiristi.


47 jyl buryn (1972) Qoǵamdyq densaýlyq saqtaý ulttyq ortalyǵynyń basshysy Ýálıhan Isauly AHMETOV dúnıege kelgen.

S.Asfendııarov at. Almaty memlekettik medıtsına ınstıtýtyn «Emdeý isi» mamandyǵymen bitirgen; Kemerovo memlekettik ýnıversıtetin «Ekonomıka jáne kásiporyndy basqarý» mamandyǵymen bitirgen, ekonomıst (1998).

Eńbek jolyn Almaty qalasy OQKA sanıtar, orta býyn medıtsına qyzmetkeri, dáriger bolyp bastaǵan; Almaty qalalyq Medıtsınalyq qyzmetke aqy tóleý ortalyǵynyń jetekshi mamany, basshysy, Almaty qalasy Medıtsınalyq qyzmetterdiń sapasyn taldaý jáne baǵalaý ulttyq ortalyǵynyń dırektory bolyp qyzmet istegen; Qazaqstan Respýblıkasy Prezıdenti Ákimshiligi Ekonomıkalyq saıasat basqarmasynda Júıelik zertteýler ortalyǵy sektorynyń meńgerýshisi, QR Ekonomıka jáne bıýdjettik josparlaý mınıstrliginde Áleýmettik sala shyǵystaryn josparlaý departamenti dırektorynyń orynbasary bolǵan (2003 – 2004); QR Densalyq saqtaý mınıstrliginiń Medıtsınalyq qyzmet kórsetý salasyndaǵy baqylaý komıtetiniń tóraǵasy (2005 -2006); QR DSM Densaýlyq saqtaýdy damytý ınstıtýtynyń jetekshi ǵylymı qyzmetkeri, Ulttyq ınnovatsııalyq qor Prezıdentiniń keńesshisi, «Áleýmettik ınnovatsııalyq tehnologııalar» AQ vıtse-prezıdenti (2006-2008); S.Asfendııarov at. QazUMÝ-dyń ǵylymı jáne klınıkalyq jumys jónindegi prorektory, josparlaý jáne damý máseleleri jónindegi prorektory (2008 – 2011); Almaty memlekettik dárigerler bilimin jetildirý ınstıtýtynyń rektory, «Densaýlyq saqtaýdy damytý respýblıkalyq ortalyǵy» RMQK dırektory, «Kóz aýrýlary ǴZI» AQ Dırektorlary keńesiniń tóraǵasy, Eýrazııalyq densaýlyq saqtaý qaýymdastyǵy Qadaǵalaýshy keńesiniń tóraǵasy (2011 – 2013); Almaty «Oqý-klınıkalyq ortalyǵy» fılıalynyń basshysy (2015); Almaty qalasy densaýlyq saqtaý basqarmasynyń basshysy (2016 – 2017).

2017 jyldan qazirgi ýaqytqa deıin – Densaýlyq saqtaý mınıstriniń qoǵamdyq densaýlyq saqtaý jáne MSAK boıynsha DDSU deklaratsııasynyń 40 jyldyǵyn uıymdastyrý jónindegi keńesshisi, QDSJM QMÝ menedjmenti kafedrasynyń professory, Qoǵamdyq densaýlyq saqtaý ulttyq ortalyǵynyń basshysy.

Qazirgi laýazymynda 2018 jyldan beri.


43 jyl buryn (1976) QR Qaýipsizdik Keńesiniń taldaý bóliminiń meńgerýshisi Aleksandr Vladımırovıch SÝHANOV dúnıege kelgen.

Kásipkerlik jáne menedjment mádenıeti ınstıtýtyn ekonomıst menedjer mamandyǵymen (1997), «Ádilet» quqyq joǵary mektebin ( 2001) bitirgen.

1997-2004 jyldar aralyǵynda medıa jáne taldaý qurylymdarynda túrli laýazymdarda qyzmet atqarǵan, 2004-2012 jyldary «QazMunaıGaz» UK» AQ enshiles uıymdarynda jáne ortalyq apparatynda jumys istegen.

2012 jyldyń qarashasynan bastap QR Prezıdenti Ákimshiliginde: QR Prezıdenti Ákimshiligi baspasóz qyzmetiniń ınspektory, sektor meńgerýshisi, Іshki saıasat bólimi meńgerýshisiniń orynbasary bolǵan.

Qazirgi laýazymyna Memleket basshysynyń ókimimen 2018 jyldyń qańtar aıynda taǵaıyndalǵan.


Bizdiń kanalymyzǵa jazylyńyz:

Basty sózder: Kúntizbe,
Bólisińiz:

Avtor:

Nurlan Tuıaqov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT