15 qarasha - teńgeniń aınalymǵa engen kúni jáne Qarjygerler merekesi

NUR-SULTAN. QazAqparat - Búgin Ulttyq valıýta - teńgeniń aınalymǵa engen kúni jáne Qazaqstan qarjygerleriniń kásibı merekesi, dep habarlaıdy QazAqparat.
Ulttyq valıýtany teńge dep ataýdy usynǵan Halyqaralyq Injenerler akademııasynyń akademıgi, Qazaqstannyń belgili ǵalymy, KSRO Memlekettik syılyǵynyń laýreaty, «Qurmet» ordeniniń ıegeri Saýyq Tákejanov edi.
1992 jyldyń 27 tamyzy kúni Ulttyq bank teńge kýpıýrasynyń úlgilerin bekitti. Sodan keıin qazaq valıýtasyn ómirge keltirgen sýretshiler Tımýr Súleımenov, Meńdibaı Alın, Aǵymsaly Dúzelhanov, Qaırolla Ábjálelovter Anglııaǵa attandy.
Teńge Ulybrıtanııada basylyp shyqty. Eń alǵashqy teńgemizde belgili tarıhı tulǵalardyń portretteri, Alataý men Kókshetaý kórinisteri, Qoja Ahmet ıAsaýı kesenesiniń beınesi, Mańǵystaýdan tabylǵan tastaǵy tańbalar paıdalanyldy. Bir teńgelik banknotqa Ábý Nasyr ál-Farabı, úsh teńgelikte Súıinbaı, bes teńgelikte Qurmanǵazy, on teńgelikte Shoqan, jıyrma teńgelikte Abaı, elý teńgelikte Ábilqaıyr han, júz teńgelikte Abylaı han beınesi somdaldy.
1993 jyldyń 12 qarashasynda Elbasy Nursultan Nazarbaev «Qazaqstan Respýblıkasynda ulttyq valıýta engizý týraly» Jarlyqqa qol qoıdy. Al 15 qarashada Táýelsiz Qazaqstan Respýblıkasynyń tól valıýtasy aınalymǵa endi. Eski aqshany qazaqstandyq teńgege aıyrbastaý 1993 jyly 15 qarashada saǵat 8.00-de bastalyp, 20 qarashada saǵat 20.00-de aıaqtaldy.
Ulttyq bank bastapqyda 1 teńgeni sol kezdegi myń rýblge baǵalaǵan bolatyn. Degenmen, elimizdiń saıası, áleýmettik máseleleri jáne memleketaralyq qatynastar eskerilip 1 teńge 500 somǵa bekitildi.
Teńge birinshi aınalymǵa kirgen kúni 1 dollar 4,75 teńge bolyp bekitildi. 1994 jyly qaǵaz tıyndardyń ornyna jezden jasalynǵan 2,5,10, 20 jáne 50 nomınaldy monetalar shyqty. Ulttyq valıýta banknot jáne moneta túrinde aınalysqa engizildi. Qazir banknot - Ulttyq banktiń Almaty qalasyndaǵy Banknot fabrıkasynda, al moneta - Óskemendegi Moneta saraıynda shyǵarylady.
Memleket basshysynyń Jarlyǵymen 1997 jyldan beri 15 qarasha tól valıýtamyzdyń týǵan kúni ári QR qarjy salasy qyzmetkerleriniń kúni bolyp belgilendi.
Keshe QR Ulttyq banki ókilderi teńgeniń nege nyǵaımaǵanyn túsindirgen edi.
- Qazaqstanda jyl basynan beri 82,5 mln tonna munaı óndirildi
- Bank kartasyn tonaıtyndardyń tuzaǵyna túsip qalýdan qalaı saqtaný kerek
- Shyǵys Qazaqstanda 38 mln teńgeni jymqyryp, qashyp ketken esepshi áıel ustaldy
- Problemalyq nesıeler qorynyń qyzmetkeri 20 mln teńgeniń múlkin urlady degen kúdikke ilindi
-
Almaty bıznesmenderi qalany damytý boıynsha óz usynystaryn aıtty
-
MÁMS: Qarasha aıynda qorǵa 9,7 mlrd teńge jarna tústi
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam