Jańalyqtar  >
15 qap ıt óleksesi: Talǵardaǵy oqıǵaǵa mınıstrlik túsinik berdi
2022 jylǵy 16 tamyz 19:02

15 qap ıt óleksesi: Talǵardaǵy oqıǵaǵa mınıstrlik túsinik berdi

NUR-SULTAN. QazAqparat – QR Aýyl sharýashylyǵy mınıstrligi Talǵar qalasynda ıttiń ólekseleri bar 15 qaptyń tabylýyna qatysty túsinik berdi, dep habarlaıdy QazAqparat tilshisi.

«Almaty oblysyndaǵy jaǵdaı boıynsha bizdiń mamandar Talǵarǵa bardy. Olar ákimdikpen birlesip jumys istep jatyr. Ólekseler talapqa saı joıylyp, materıal polıtsııaǵa berildi. Kináliler tıisti jazasyn alady», - dedi QR Aýyl sharýashylyǵy mınıstriniń orynbasary Rústem Qurmanov Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, janýarlardy qorǵaýǵa arnalǵan zań aıasynda tıisti aktiler qabyldandy. Sol sııaqty bıologııalyq qaldyqtardy joıý atalǵan vedomstvomen kelisildi.

Aıta ketsek, buǵan deıin Almaty oblysy Talǵar qalasynda 15 qapqa salynǵan ıtterdiń óleksesi tabylǵany týraly aqparat taraǵan edi.

Rústem Qurmanov búgingi brıfıng barysynda, sondaı-aq elimizde veterınarııa salasyn reformalaýdyń jol kartasy bekitilgenin málim etti. Budan bólek, veterınarııa qyzmetin ákimdikterden mınıstrlik quzyretine qaıtarý máselesi, veterınar dárigerlerdiń jalaqysyn kóterý sharalary aıtyldy.

Foto: ortcom.kz


Uqsas jańalyqtar
Seriktester jańalyqtary

Jańalyqtar

Úrdis

MURAǴAT