+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

15,3 mln qazaqstandyq MÁMS júıesinde saqtandyrylǵan – Bolat Tókejanov

2020 jylǵy 24 qyrkúıek 13:06
Bólisińiz:
15,3 mln qazaqstandyq MÁMS júıesinde saqtandyrylǵan – Bolat Tókejanov

NUR-SULTAN. QazAqparat – 15 mıllıonnan astam qazaqstandyq mindetti medıtsınalyq saqtandyrý júıesinde saqtandyryldy. Bul týraly Áleýmettik medıtsınalyq saqtandyrý qory basqarma tóraǵasy Bolat Tókejanov málim etti, dep habarlaıdy QazAqparat tilshisi.

«Tótenshe jaǵdaı kezeńinde halyqtyń bir bóligi tabysynyn aıyrylyp, osy jarnany engizý múmkindigi bolmady. Osyǵan baılanysty qor indet kezeńinde tabysynan aıyrylǵandarǵa saqtandyrý mártebesin qalpyna keltirý úshin Úkimetke birqatar usynysty engizdi. Qabyldanǵan sharalar medıtsınalyq saqtandyrý júıesine 740 myńǵa jýyq adamdy qaıtardy», - dedi B. Tókejanov Ortalyq kommýnıkatsııalar qyzmetinde.

Onyń sózine qaraǵanda, qazirgi kezde MÁMS-te 15,3 mln adam saqtandyrylǵan. 1 qyrkúıektegi jaǵdaı boıynsha medıtsınalyq saqtandyrý júıesinen 3,4 mln adam tys qalyp otyr. Bul óz kezeginde halyqtyń jalpy sanynan 18 paıyz shamasynda.

«Onyń ishinde 2 mıllıonnan astamy - biryńǵaı jıyntyq tólemdi tóleýshiler, derbes tóleýshiler, jaldamaly jumysshylar, jeke kásipkerler, jeke tájirıbemen aınalysatyndar. Olar júıesiz ári turaqsyz aýdarym sebebinen júıeden tys qaldy. 2020 jyldyń qańtar aıynan bastap 1,3 mln adam MÁMS júıesine birde-bir ret jarna men aýdarym jasamaǵan, sondyqtan olarda medıtsınalyq saqtandyrýda mártebesi joq», - dedi B. Tókejanov.

Osy oraıda ol MÁMS-ten tys qalǵan adamdardy júıege qatysýǵa shaqyrdy.

«Saqtandyrylǵan azamattar úshin medıtsınalyq qyzmetterdiń kólemi men qunyna qatysty shekteý joq. MÁMS-ke jylyna 25 myń teńge kóleminde eń tómengi tólem jasaǵan patsıent medıtsınalyq kómekti tegin alady, al aýdarǵan jarnasynyń somasy mańyzdy emes», - dedi ol.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT