14 jasar Zara Dárken Eýropada úzdik sheteldik oıynshy atandy
2021 jylǵy 3 jeltoqsan 19:00

14 jasar Zara Dárken Eýropada úzdik sheteldik oıynshy atandy

ORAL. QazAqparat – Qazaqstandyq Zara Dárken 14 jasqa deıingiler arasynda Eýropa tennıs qaýymdastyǵynyń 2021 jyldaǵy úzdik sheteldik oıynshysy atandy, dep habarlaıdy QazAqparat tilshisi.

Qazaqstan tennıs federatsııasy málim etkenindeı, Aqtóbe oblysynyń túlegi Zara Dárken bıylǵy maýsymda úzdik 20 oıynshynyń qataryna kirdi.

Týrnırlerde jekeleı jáne juptyq synda bir retten jeńimpaz atandy. Úsh dúrkin fınalǵa deıin jetti.

«Jyldyń úzdik oıynshysy atanǵanyma qýanyshtymyn. Bul – men úshin joǵary baǵa. Jyl boıy jarystarda bar kúshimdi saldym. Maǵan úlken qoldaý kórsetkeni úshin bapkerlerim men Qazaqstan tennıs federatsııasyna alǵysymdy aıtamyn. Kelesi jyly da bıikten kórinýge tyrysamyn», - deıdi Zara Dárken.

Eske sala keteıik, budan buryn Qazaqstannyń Devıs kýbogynyń jartylaı fınalyna shyǵa almaǵanyn jazǵan bolatynbyz.


Jańalyqtar

MURAǴAT