Jańalyqtar  >
14 tamyz. Qazgıdromettiń kún raıyna jasaǵan boljamy
2022 jylǵy 14 tamyz 06:18

14 tamyz. Qazgıdromettiń kún raıyna jasaǵan boljamy

NUR-SULTAN. QazAqparat - Qazgıdromet 14 tamyzda bolatyn erekshe meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.

Aýqymdy Soltústik Batys antıtsıklon áserinen Qazaqstannyń basym bóliginde jaýyn-shashynsyz aýa raıy, sonymen qatar temperatýralyq fonnyń aqyryndap tómendeýi kútiledi. Frontaldy bólikterge baılanysty respýblıkamyzdyń shetki soltústik aýdandary men shyǵysynda jańbyr jaýyp, naızaǵaı bolady, ekpindi jel soǵady. Respýblıka boıynsha keı jerlerde túngi saǵattarda tuman kútiledi.

Kúndiz Batys Qazaqstan oblysynyń ońtústiginde, Atyraý oblysynyń shyǵysynda óte qatty ystyq saqtalady.

Kúndiz Mańǵystaý oblysynda, Aqtóbe oblysynyń ońtústik-batysynda qatty ystyq saqtalady, almaty oblysynda qatty ystyq kútiledi.

Qyzylorda oblysynyń basym bóliginde, Túrkistan oblysynyń ońtústiginde, shyǵysynda, Atyraý oblysynyń batysynda, shyǵysynda, Batys Qazaqstan oblysynyń ońtústiginde, Almaty oblysynyń shyǵysynda, Jetisý oblysynyń ońtústiginde tótenshe órt qaýpi saqtalady.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT