+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

14 tamyz. QazAqparat kúntizbesi

2020 jylǵy 14 tamyz 07:00
Bólisińiz:
14 tamyz. QazAqparat kúntizbesi

NUR-SULTAN. QazAqparat - QazAqparat oqyrmandaryna 2020 jylǵy 14 tamyzǵa arnalǵan kúntizbesin usynady.

ESTE QALAR OQIǴALAR

1991 jyly Tashkentte Ortalyq Azııa respýblıkalarynyń – Qazaqstan, Qyrǵyzstan, Tájikstan, Túrikmenstan jáne Ózbekstan prezıdentteri kezdesti. Kezdesý qorytyndysy boıynsha óńirdegi jaǵdaıdyń nasharlaýy, halyq sharýashylyǵynyń barlyq salasyndaǵy daǵdarys, áleýmettik jaǵdaı men ultaralyq qatynastardyń shıelenisýi boıynsha kommıýnıke qabyldandy.

1992 jyly Qazaqstan Respýblıkasy men Gana Respýblıkasy arasynda dıplomatııalyq qarym-qatynastar ornatyldy. Gana - Qazaqstannyń Batys Afrıkadaǵy mańyzdy seriktesi, QR úkimeti eki el arasyndaǵy qatynastardy nyǵaıtýǵa kúsh salyp keledi.

2004 jyly qazaqstandyq jas rejısser Gúlshad Omarovanyń «Shıza» fılmi Reseı prokatyna shyqty. Reseılik rejısser Sergeı Bodrov osy kartınanyń stsenarııin jazysty. Fılmde jasyryn tóbeles dodasyn uıymdastyratyn qylmystyq topqa múshe bozbala týraly sóz bolady. Fılmdi Eýropa jurty da jyly qarsy aldy. «Shıza» 57-shi Kann festıvalinde kórermenderdiń alǵysyn aldy.

2005 jyly Memleket basshysy Nursultan Nazarbaev Qyrǵyz astanasyndaǵy Qazaqstan elshiliginiń jańa ǵımaratyn ashty. Elbasy Qyrǵyzstanda Qazaqstan Respýblıkasynyń elshiligin ashý týraly Jarlyqqa 1993 jylǵy 9 qańtarda qol qoıǵan bolatyn.

2007 jyly Qazaqstan Respýblıkasynyń Prezıdenti Nursultan Nazarbaev «Ǵylym men tehnıka, ádebıet pen óner salasyndaǵy Qazaqstan Respýblıkasynyń memlekettik syılyqtary týraly» Jarlyqqa qol qoıdy.

2009 jyly Úndistannyń Dj. Nerý atyndaǵy ýnıversıtetinde qoǵamdyq, analıtıkalyq jáne stýdenttik ortanyń jáne jergilikti BAQ-tyń qatysýymen «Zamanaýı Qazaqstan: alǵa baǵyttalǵan jol» atty kitaptyń tanystyrylymy bolyp ótti. Kitapta Qazaqstannyń jetekshi sarapshylarynyń elimizdegi áleýmettik-saıası jáne ekonomıkalyq protsester týraly maqalalary jáne Qazaqstan men Úndistan arasyndaǵy ekijaqty qarym-qatynastarynyń damýy jóninde jazylǵan. Bul kitap 2009 jyldyń qańtarynda Qazaqstan Respýblıkasy Nursultan Nazarbaevtyń Úndistanǵa jasaǵan memlekettik saparyna oraılastyrylǵan.

2012 jyly Pavlodar memlekettik pedagogıkalyq ınstıtýtynyń mýzykalyq bilim kafedrasynyń 2-kýrs stýdenti Roza Muqataeva Italııanyń Rımını qalasynda ótken jas estrada ánshileri festıvalinde «Estradalyq vokal» atalymy boıynsha 1-oryndy jeńip aldy. Ol festıvalda «Karýzoǵa arnaý» ánin ıtalıan tilinde oryndap, kóptiń kóńilinen shyqty.

2013 jyly Qazaqstanda Avıatsııalyq qaýipsizdik jónindegi halyqaralyq oqý ortalyǵy ashyldy. Oqý ortalyǵyn qurý IKAO-nyń qaýipsizdik jónindegi «ISD-Security» baǵdarlamasyn júzege asyrýǵa, sondaı-aq QR aýmaǵynda jáne Ortalyq aAzııa aýmaǵynyń ózge de memleketterinde áýe tasymalynyń qaýipsizdigin arttyrýǵa baǵyttalǵan. Bul áýejaılardyń avıatsııalyq qaýipsizdik qyzmeti men avıakompanııalarǵa mamandar daıarlaýdy jáne qaıta daıarlaýdy júzege asyrýmen aınalysatyn burynǵy keńestik odaq keńistigindegi úshinshi ortalyq (Kıev pen Máskeýden keıin).

2016 jyly balalar arasynda ótkizilgen «Jańa tolqyn» baıqaýynda Qazaqstan atynan qatysqan 11 jasar Janel Sádýaqas úzdik úshtikke kirdi jáne oǵan konkýrs tarıhyndaǵy eń úlken fan-klýb úshin arnaıy júlde berildi. Konkýrsqa álemniń 11 elinen, sonyń ishinde, Reseı, Armenııa, Latvııa, Malta, Qazaqstan, Qyrǵyzstan, Koreıa, Rýmynııa elderinen 8-12 jas aralyǵyndaǵy 15 bala qatysty.

2016 jyly Saryarqa arheologııa ınstıtýty arheologııalyq ekspedıtsııasynyń qyzmetkerleri Qaraǵandy mańynan Beǵazy-Dándibaı mádenıetine (b.z.b. 15-10 ǵǵ.) tán ǵajaıyp baspaldaqty keseneni tapty. Alyp qorymnyń syrtqy pishini Djoser perǵaýynnyń pıramıdasyn eske salady. Eskertkishtiń qurylysyna qaraǵanda, ol úsh myń jyl buryn salynǵan. Odan alynǵan materıaldar men qundy buıymdardyń barlyǵy Qaraǵandy ýnıversıtetiniń Arheologııa mýzeıine berildi.

2016 jyly Pavlodar oblystyq kórkemóner mýzeıinde belgili qylqalam sheberi Ǵalym Qarjasovty (1954-2016) eske alý kórmesi ashyldy. Oǵan qoıylǵan 60 polotno erekshe daryn ıesiniń shyǵarmashylyq tulǵasyn tanýǵa múmkindik beredi. Ǵalym Qarjasov 1998 jyly Prezıdenttik syılyqtyń laýreaty, «Master-klass Qazaqstan-2000» halyqaralyq óner festıvaliniń laýreaty boldy. Onyń eńbekteri Á. Qasteev atyndaǵy Memlekettik beıneleý óneri mýzeıinde, Pavlodar, Semeı, Atyraý, Qaraǵandy, kórkemóner mýzeılerinde, Qazaqstan, Frantsııa, Germanııa, Kanada azamattarynyń jeke kollektsııalarynda saqtaýly.

2017 jyly mýaıtaıdan Taıland koroldiginde ótken jastar jáne jasóspirimder arasyndaǵy Álem chempıonatynda qazaq sportshylary 12 medal enshiledi. Saıysqa álemniń 79 elinen 1 000 sportshy qatysty.

2019 jyly Qazaqstan Respýblıkasy Tuńǵysh Prezıdenti – Elbasynyń qory jas talanttar men kóshbasshylardy qoldaý maqsatynda «El úmiti» jańa bastamasy boıynsha jumys júrgize bastady.

«El úmiti» bastamasynyń mıssııasy – daryndy balalar men jastardy, sonyń ishinde shetelde turatyn jastardy izdep-taýyp, qoldaýǵa septesý.




Bizdiń kanalymyzǵa jazylyńyz:

Bólisińiz:

Avtor:

Zarına Týǵanbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT