+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

14 maýsym. Týǵan kún ıeleri

2021 jylǵy 14 maýsym 08:05
Bólisińiz:
14 maýsym. Týǵan kún ıeleri

NUR-SULTAN. QazAqparat – Búgin, ıaǵnı 14 maýsymda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

Uqsas jańalyqtar
27 shilde. QazAqparat kúntizbesi 26 shilde. Týǵan kún ıeleri 26 shilde. QazAqparat kúntizbesi

ESІMDER

48 jyl buryn (1973) Qazaqstan Respýblıkasy Tótenshe jaǵdaılar mınıstrligi Azamattyq qorǵanys jáne áskerı bólimder komıtetiniń tóraǵasy Baýyrjan Mádiuly SYZDYQOV dúnıege keldi.

Shymkent (qazirgi Túrkistan) oblysynda týǵan. 2000 jyly Qazaq Memlekettik medıtsınalyq ýnıversıtetin bitirgen, gıgıenıst-epıdemıolog dárigeri, 2010 jyly Reseı Federatsııasy Tótenshe jaǵdaılar mınıstrliginiń Azamattyq qorǵaý akademııasyn bitirgen, «komandalyq-shtabtyq operatıvti-taktıkalyq azamattyq qorǵanys» mamandyǵy boıynsha basqarý salasyndaǵy mamany, 2019 jyly Máskeý qalasyndaǵy «Sınergııa» Máskeý qarjy-ónerkásip ýnıversıtetin bitirgen, Quqyqtaný magıstri.

Eńbek joly: 2001-2005 jyldary – Ońtústik Qazaqstan oblysy TJ basqarmasy tabıǵı jáne tehnogendik tótenshe jaǵdaılardyń aldyn alý, aýmaqty jáne halyqty qorǵaý bóliminiń aǵa ofıtseri. 2005-2006 jyldary – Ońtústik Qazaqstan oblysy Tótenshe jaǵdaılar departamenti aýmaqty jáne halyqty qorǵaý, azamattyq qorǵanys bóliminiń aǵa ofıtseri. 2006-2008 jyldary – Ońtústik Qazaqstan oblysy Tótenshe jaǵdaılar departamenti aýmaqty jáne halyqty qorǵaý, azamattyq qorǵanys bóliminiń bastyǵy. 2008-2010 jyldary – Ońtústik Qazaqstan oblysy Tótenshe jaǵdaılar departamenti azamattyq qorǵanys basqarmasy halyqty jáne aýmaqty qorǵaý bóliminiń bastyǵy. 2010-2012 jyldary – QR TJM Azamattyq qorǵanys departamenti halyq pen aýmaqty qorǵaý basqarmasynyń bastyǵy. 2012-2014 jyldary – QR TJM Aqtóbe oblysy TJD bastyǵynyń orynbasary. 2015-2019 jyldary – QR ІІM TJ komıteti Aqtóbe oblysy Tótenshe jaǵdaılar departamentiniń bastyǵy. 2019-2020 jyldary Nur-Sultan qalasy Tótenshe jaǵdaılar departamentiniń bastyǵy.

2020 jyldyń jeltoqsanynan bastap qazirgi qyzmetinde.

«Aıbyn» ordenimen, «Qazaqstan Respýblıkasynyń Qarýly Kúshterine 10 jyl» «Qazaqstan Respýblıkasynyń Qarýly Kúshterine 20 jyl» meretoılyq medaldarymen, «Oqýda erekshe jetistikteri úshin», III dárejeli «Minsiz qyzmeti úshin» medaldarymen; «Tótenshe jaǵdaılar júıesin damytýǵa qosqan úlesi úshin» tósbelgisimen, «Tótenshe jaǵdaılardyń aldyn alýda jáne joıýda úzdik shyqqany úshin» medalimen marapattalǵan.

39 jyl buryn (1982) QR Bilim jáne ǵylym mınıstri Ashat Qanatuly AIMAǴAMBETOV dúnıege keldi.

Qaraǵandy oblysynda týǵan.

2003 jyly E. Bóketov atyndaǵy QarMÝ tarıh fakýltetin «tarıhshy, tarıh muǵalimi» mamandyǵy boıynsha támamdaǵan. 2006 jyly - Qaraǵandy «Bolashaq» aktýaldy bilim berý ınstıtýtynyń zań fakýltetin «quqyqtaný» mamandyǵy boıynsha aıaqtaǵan.

Eńbek jolyn 2002 jyly E. Bóketov atyndaǵy QarMÝ-den bastaǵan, 2004-2005 jyldary «Ańsar» jastar lıgasy» QB tóraǵasy bolǵan, 2005-2006 jyldary «MEDIA SP» JShS dırektory, 2006-2012 jyldary E. Bóketov atyndaǵy QarMÝ saıasattaný jáne áleýmettaný kafedrasynyń oqytýshysy, aǵa oqytýshysy, dotsenti retinde qyzmet atqarǵan. 2012-2014 jyldary Nura aýdany ákiminiń áleýmettik máseleler jónindegi orynbasary qyzmetin atqarǵan. 2014 jylǵy aqpan aıynan bastap 2017 jylǵy tamyzǵa deıin Qaraǵandy oblysy bilim berý basqarmasynyń basshysy laýazymynda boldy. 2017-2019 jyldary – Qazaqstan Respýblıkasy bilim jáne ǵylym vıtse-mınıstri. 2019 jyldyń qańtarynan maýsymyna deıin Qaraǵandy oblysy ákiminiń orynbasary qyzmetin atqarǵan. Qazirgi laýazymynda 2019 jyldyń 13 maýsymynan beri.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT