+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

13 shilde. Týǵan kún ıeleri

2021 jylǵy 13 shilde 08:08
Bólisińiz:
13 shilde. Týǵan kún ıeleri

NUR-SULTAN. QazAqparat - QazAqparat 13 shildege arnalǵan «Týǵan kún ıeleri» kúntizbesin usynady.

ESІMDER

50 jyl buryn (1971) QR Parlamenti Májilisi apparaty Halyqaralyq baılanystar jáne hattama bóliminiń meńgerýshisi Talǵat Amangeldiuly QASYMBEKOV dúnıege keldi.

E.A.Bóketov atyndaǵy Qaraǵandy memlekettik ýnıversıteti, fılolog, orys tili men ádebıetiniń oqytýshysy; Qazaqstan Respýblıkasy Prezıdentiniń janyndaǵy Memlekettik basqarý akademııasy, memlekettik qyzmet menedjeri; Memlekettik saıasattyń ulttyq mektebi (Qazaqstan)/Lı Kýan ıÝ atyndaǵy Memlekettik saıasat mektebi (Sıngapýr), memlekettik jáne jergilikti basqarý magıstri.

1993-1998 jyldary E.A.Bóketov atyndaǵy Qaraǵandy memlekettik ýnıversıtetinde shet tilder kafedrasynyń oqytýshysy bolyp qyzmet istedi.

2000-2001 jyldary – QR Kólik jáne kommýnıkatsııa mınıstrliginiń bas mamany. 2001-2012 jyldary – QR Parlamenti Májilisi Apparaty Halyqaralyq baılanystar jáne Hattama bóliminiń bas konsýltanty, bólim meńgerýshisiniń orynbasary qyzmetterin atqardy.

2012 jyldyń qańtar aıynda QR Parlamenti Májilisi Apparaty Halyqaralyq baılanystar jáne Hattama bóliminiń meńgerýshisi bolyp taǵaıyndaldy.

«Qurmet» ordenimen, Qazaqstan Respýblıkasynyń Qurmet gramotasymen jáne birqatar merekelik medaldarmen nagradtalǵan.

44 jyl buryn (1977) Qazaqstan Respýblıkasynyń aqparat jáne qoǵamdyq damý vıtse-mınıstri Kemelbek Baqtyǵululy OIShYBAEV dúnıege keldi.

Batys Qazaqstan oblysynda týǵan.

Ál-Farabı atyndaǵy Qazaq ulttyq ýnıversıtetin «jýrnalıst» mamandyǵy boıynsha, Qazaq gýmanıtarlyq zań ýnıversıtetin «zańger» mamandyǵy boıynsha támamdaǵan.

Sondaı-aq Geneva Business School-de (Shveıtsarııa) MBA baǵdarlamasyn oqyǵan.

Eńbek jolyn 2000 jyly «Interfaks-Qazaqstan» AA» JShS tilshisi bolyp bastaǵan. 2001 jyldan 2007 jylǵa deıin «Qazaqtelekom» AQ qurylymynda basshylyq laýazymdarda eńbek etken. Ár jyldary kommertsııalyq qurylymdarda jumys istedi.

2014-2016 jyldary — «Qazmedıa ortalyǵy» basqarýshy kompanııasy» JShS bas dırektorynyń orynbasary, birinshi orynbasary.

2016 jyly — QR Aqparat jáne kommýnıkatsııalar mınıstrligi janyndaǵy Ortalyq kommýnıkatsııalar qyzmetiniń dırektory.

2016-2017 jyldary — «Qazaqstan» teleradıokorporatsııasy» AQ basqarma tóraǵasy.

2019-2020 jyldary «Rýhanı jańǵyrý» qazaqstandyq qoǵamdyq damý ınstıtýty» KEAQ basqarma tóraǵasy qyzmetin atqardy.

Qazirgi qyzmetinde – 2020 jyldyń maýsymynan.


40 jyl buryn (1981) Qazaqstan Respýblıkas Prezıdenti Ákimshiliginiń memlekettik ınspektory Ǵabıdolla Abdollauly OSPANQULOV dúnıege keldi.

Shymkent oblysynda týǵan. 2002 jyly Qazaq gýmanıtarlyq zań ýnıversıtetin, 2007 jyly Qazaqstan-Reseı ýnıversıtetin Astana qalasynda bitirgen.

2015 jyly «Memlekettik basqarý» mamandyǵy boıynsha Bırmıngem ýnıversıtetiniń (Ulybrıtanııa) magıstr dárejesin aldy.

Eńbek jolyn «Evrazııa Konsaltıng» jeke kompanııasynda zańger kómekshisi bolyp bastaǵan.

Budan keıin QR Parlamenti Senaty depýtatynyń kómekshisi; QR Parlamenti Senatynyń Áleýmettik-mádenı damý komıtetimen baılanystar bóliminiń bas keńesshisi; QR Prezıdenti Ákimshiligininiń Parlamenttegi Prezıdent ókildiginiń sektor meńgerýshisi; Pavlodar oblysy Ekibastuz qalasy ákiminiń áleýmettik máseleler jónindegi orynbasary; Pavlodar oblysynyń bilim berý salasynda baqylaý departamentiniń dırektory; QR Bilim jáne ǵylym mınıstrliginiń Ákimshilik jumystar jáne jastar isteri jónindegi departamentiniń dırektory; QR Bilim jáne ǵylym mınıstrligi Jastar isteri komıtetiniń tóraǵasy; QR Din isteri jáne azamattyq qoǵam mınıstrliginiń Jastar saıasaty departamentiniń dırektory bolyp qyzmet atqarǵan.

Batys Qazaqstan oblysy ákiminiń orynbasary (2017-2019); Nur Otan partııasynyń hatshysy(08.2019-12.2019); QR Aqparat jáne qoǵamdyq damý vıtse-mınıstri (2019-2020).

Qazirgi qyzmetin 2021 jyldyń aqpan aıynan beri atqaryp keledi.


Bizdiń kanalymyzǵa jazylyńyz:

Bólisińiz:

Avtor:

Zarına Týǵanbaeva

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT