+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

13 kósheni qaıta ataýǵa qatysty pavlodarlyqtardyń narazylyǵyna ákimdik jaýap berdi

2019 jylǵy 20 qarasha 09:04
Bólisińiz:
13 kósheni qaıta ataýǵa qatysty pavlodarlyqtardyń narazylyǵyna ákimdik jaýap berdi

PAVLODAR. QazAqparat - Pavlodar qalalyq mádenıet jáne tilderdi damytý bóliminiń basshysy Samal Begalınova 13 kósheniń ataýyn ózgertýge qatysty sheshimge pikir bildirdi, dep habarlaıdy QazAqparat pavlodarnews.kz saıtyna silteme jasap.

«Jyl boıy oblys jáne qala ákiminiń blogyna shahardaǵy kóshelerdi uly tulǵalarymyzdyń esimderimen ataý týraly resmı usynystar jasaldy. Usynystar aldymen bizdiń bólimge túsedi. Biz qarastyryp bolǵannan keıin qalalyq ákimdikke ótkizemiz. Ákimdik máslıhattyń qaraýyna jiberedi. Máslıhat halyqtyń pikirin tyńdaı otyra daýys beredi. Máslıhat kóshpeli tyńdaýlar ótetini týraly habarlama jasaýy tıis. Osy joly máslıhat ózderiniń resmı saıtynda, «Saryarqa samaly» jáne «Zvezda prıırtyshıa» gazetterinde habarlama jasady», - dedi Samal Begalınova.

Bólim basshysy 13 kósheni qaıta ataýǵa qatysty «Kolos» ortalyǵynda ótken tyńdaýǵa 150-den astam adam jınalǵanyn aıtty.

«Keshegi tyńdaýǵa qala turǵyndary, zııaly qaýym ókilderi, qurmetti azamattar, jastar jáne nıet bildirgen adamdar keldi. Jınalǵandardyń pikirin tyńdaı kele, máslıhattyń turaqty komıssııasyndaǵy 8 depýtat biraýyzdan qoldap, daýys berdi. Qazir respýblıkalyq onomastıkalyq komıssııaǵa jiberýge qajetti qujattar daıyndalýda», - dedi ol.

Qala turǵyndarynyń aıtýynsha, keıbir uly tulǵalardyń esimderi búginde kóshelerge berilip qoıǵan. Biraq ol kóshelerdi qaıta ataý kózdelip otyr. Bólim basshysy bul máselege de jaýap berdi: «Qazirgi ýaqytta Júsipbek Aımaýytov jáne Máshhúr Júsip Kópeev atyndaǵy kósheler bar. Alaıda, olar kishkentaı ǵana kósheler. Bar-joǵy 200 metr. Oblys jáne qala turǵyndary bundaı uly tulǵalarǵa úlkenirek kósheniń atyn berýge usynys bildirdi. Biz usynysty qarastyrdyq», - dedi ol.

Sonymen qatar, spıker kóshelerdiń ataýyn ózgertý keler jyly da jalǵasyn tabatynyn aıtty.

«Onomastıkalyq jumystar osymen toqtamaıdy. Pavlodar qalasynda ıdeologııalyq jaǵynan ataýy eskirgen kósheler óte kóp. Bul jaǵdaı Prezıdent Ákimshiliginiń baqylaýynda. 2020 jyly keshe aıtylǵan Bógenbaı batyrdyń, Oljabaı jáne Jasybaı batyrdyń esimderin berý qarastyrylady. Oǵan qosa, keler jyly Abaıdyń, ál Farabıdiń, Altyn Ordanyń mereıtoıy kiredi. Sonyń bári qarastyrylady», - deıdi Samal Begalınova.

Bólim basshysynyń aıtýynsha, qujat máselelerine kelgende kóshe ataýlarynyń ózgerýine baılanysty turǵyndardan eshqandaı shyǵyn shyqpaıdy. Sondaı-aq jańa ataýy bar taqtalardy ilýge bıýdjetten tys qarjy qarastyrylýda.

Eske salaıyq, buǵan deıin Pavlodarda 13 kósheniń ataýy ózgeretindigi habarlanǵan bolatyn. Qala turǵyndary áleýmettik jelilerde bul máseleni qyzý talqylap, ózderiniń pikirleri eskerilmegenin aıtty. Keıbir pavlodarlyqtar Aımaýytov pen Kópeev kóshelerin qaıta ataýǵa qatysty narazylyq bildirdi.

Bizdiń kanalymyzǵa jazylyńyz:

Basty sózder: Pavlodar oblysy, Aımaq,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT