+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

13 dostyq úıinde «Shyǵys Qazaqstan – janjalsyz aýmaq» jobasy júzege asyrylýda - ShQO

2021 jylǵy 28 shilde 03:37
Bólisińiz:
13 dostyq úıinde «Shyǵys Qazaqstan – janjalsyz aýmaq» jobasy júzege asyrylýda - ShQO

ÓSKEMEN. QazAqparat – ShQO-daǵy 13 dostyq úıinde etnomádenı birlestikterdiń halyqtyń ózekti máselelerin sheshýdegi rólin kúsheıtý maqsatynda «Shyǵys Qazaqstan – janjalsyz aýmaq» jobasy júzege asyrylyp jatyr, dep habarlaıdy QazAqparat tilshisi.

Uqsas jańalyqtar
Baqytjan Saǵyntaev Esentaı ózeniniń aýmaǵy qalaı abattandyrylyp jatqany týraly aıtty Elimizge bir táýlikte 43 halyqaralyq áýe reısi keldi Almatynyń shetki aýdandary qalaı damyp jatyr

Bul týraly oblystyq Aqparat ortalyǵynda ótken baspasóz brıfıngi barysynda Semeı qalalyq Dostyq úıiniń dırektory Nadejda Sharova málim etti. Onyń aıtýynsha, ShQO Qazaqstan halqy Assambleıasynyń, Dostyq úıleriniń, etnomádenı birlestikterdiń qyzmeti Assambleıanyń 29-shy sessııasynda belgilengen biregeılik pen birlikti damytýdyń jańa kezeńinde memlekettik saıasat qaǵıdattaryn túsindirýge baǵyttalǵan.

«Óńirdegi barlyq 13 dostyq úıi etnomádenı birlestikterdiń halyqtyń ózekti máselelerin sheshýdegi rólin kúsheıtýge baǵyttalǵan «Shyǵys Qazaqstan – janjalsyz aýmaq« jobasy boıynsha jumys isteýde. Osy mindetterdi iske asyrýǵa Assambleıanyń barlyq qoǵamdyq ınstıtýttary bilek sybana kiristi. Bul 280-nen astam metsenattar, eriktiler, medıatorlar, qoǵamdyq kelisim keńesteri jáne «Jańǵyrý joly« jastar qozǵalysynyń qatysýshylary. Óńirde dástúrler jańǵyrtylyp, volonterlik pen qaıyrymdylyq damytylyp, rýhanı birlik pen qoǵamdyq kelisim nyǵaıa túsýde», - dedi Nadejda Sharova.

Alǵys aıtý kúnine oraı Assambleıa «30 ıgi is» marafonyn ótkizgen. Eki myńnan astam adam 171 mln teńgeden astam somaǵa kómek aldy.

«Jumystyń negizgi baǵyttarynyń biri qazaq tiliniń biriktirýshi rólin kúsheıtý. Oblystyq Dostyq úıinde «Ahýaldyq qazaq tili – «Mámile» kabıneti ashyldy. Budan basqa, «Vozrojdenıe» mektebi jáne dostyq úıleriniń jeksenbilik til mektepteri jumys isteıdi. Olar tildi zamanaýı ádistemeler boıynsha oqytady», - dedi Semeı qalalyq Dostyq úıiniń dırektory.

Sondaı-aq Assambleıa músheleri, etnomádenı birlestikter qoǵamdyq baqylaý aıasynda koronavırýsqa qarsy kúreste sanıtarlyq normalar men shekteýlerdiń saqtalýy, qajetti azyq-túlik baǵalaryna monıtorıng júrgizý boıynsha reıdterge qatysýda.

«Etnosaralyq toleranttylyq pen konfessııaaralyq kelisimdi qalyptastyrýda otbasy basty ról atqarady. Sondyqtan analar keńesi dástúrli otbasylyq qundylyqtardy nyǵaıtýǵa, balalardyń qaýipsizdigin qamtamasyz etýge, turmysy nashar otbasylardaǵy ózara is-qımyl problemalaryna, turmystyq zorlyq-zombylyqtyń aldyn alýǵa erekshe nazar aýdarady. Búgin Qazaqstanda eń bastysy – beıbitshilik pen kelisim bar. Bizdiń elimiz de taǵdyrymyz da bir», - dedi Nadejda Sharova.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT