12 jyldyq tájirıbesi bar aýyl muǵalimi 400 myń teńgege jýyq jalaqy alady – Ashat Aımaǵambetov
2022 jylǵy 21 maýsym 08:43

12 jyldyq tájirıbesi bar aýyl muǵalimi 400 myń teńgege jýyq jalaqy alady – Ashat Aımaǵambetov

NUR-SULTAN. QazAqparat – Oqý-aǵartý mınıstri Ashat Aımaǵambetov Pavlodar oblysyndaǵy aýyl muǵalimderimen kezdesti, dep habarlaıdy QazAqparat.

«Pavlodar oblysynyń bilim berý nysandaryn aralalap, jetekshi aýylynyń mektebinde muǵalimdermen áńgimelesip, oqý baǵdarlamalary men jazǵy mekteptiń qorytyndysyn talqylady. Sondaı-aq jalaqy taqyryby da nazardan tys qalmady. Mysaly, 12 jyldyq tájirıbesi bar ınformatıka pániniń muǵalimi jalaqysy 400 myń teńgege jýyq ekenin jáne bul aýyl mektebi úshin jaqsy tabys ekenin aıtty. Jalpy mekteptiń jaǵdaıy qanaǵattanarlyq, sabaq ótkizýge jaqsy jaǵdaı jasalǵanymen, «Oqýǵa qushtar mektep» jobasy tıisti deńgeıde oryndalmaǵan, satyp alynǵan ádebıetter mınıstrliktiń usynystaryna saı kelmeıdi jáne balalarǵa qyzyqty basylymdar az. Bul baǵytta tıisti jumystar júrgizilýi qajet», - dep jazdy mınıstr jelidegi paraqshasynda.

Sonymen qatar mınıstrn aqparattyq tehnologııalar kolledjinde boldy.

«Kolledjdiń buryn qandaı bolǵanyn jáne qazir qandaı jaǵdaıǵa jetkenin eskersek, atqarylǵan jumystar tań qaldyrady. Óńir basshysynyń TjKB-ny jáne onyń ishinde osy kolledjdi damytý máselesine atsalysyp jatqany qýantady. Byltyr osy kolledjdiń stýdenti elimizge EuroSkills saıysynan medal alyp kelgen bolatyn. Ol «Veb-dızaın» baǵyty boıynsha saıysqa tústi. Kemeńger aýylyndaǵy taǵy bir kolledj veterınar daıyndyǵy baǵyty boıynsha jumys isteıdi. «Jas maman» jobasynyń arqasynda kolledjdiń materıaldyq-tehnıkalyq bazasy jaqsartylǵan. Kolledjdiń jumysqa ornalastyrý, oqý sharýashylyǵyn damytý jáne dýaldy oqytý boıynsha jaqsy kórsetkishterin atap ótýge bolady.

Bilim berý uıymdaryn aralaǵannan keıin barlyq basshyǵa tıisti tapsyrmalar berildi», - dep tolyqtyrdy Ashat Aımaǵambetov.


Seriktester jańalyqtary

Jańalyqtar

Úrdis

MURAǴAT