Jańalyqtar  >
  Sport

12 jasar qazaqstandyq batýttaǵy gımnastıkadan álem chempıonatynyń kúmis júldegeri atandy

2022 jylǵy 27 qarasha, 01:23
12 jasar qazaqstandyq batýttaǵy gımnastıkadan álem chempıonatynyń kúmis júldegeri atandy

ASTANA. QazAqparat – Batysqazaqstandyq Islam Qabdollov Bolgarııa astanasy Sofııada 13-14 jastaǵy jasóspirimder arasynda batýttaǵy gımnastıkadan ótip jatqan álem chempıonatynyń kúmis júldegeri atandy, dep habarlaıdy QazAqparat tilshisi.

BQO dene shynyqtyrý jáne sport basqarmasynyń basshysy Qaımen Esendııarovtiń málim etkenindeı, Islam aǵylshyn sportshysyn ǵana alǵa jiberip, ekinshi orynǵa kóterildi. Taǵy bir aǵylshyndyq gımnast úzdik úshtikke ilikti.

Bul – Albert Tilepqalıev jattyqtyratyn Islam Qabdollovtyń álem chempıonatyndaǵy ekinshi tabysy. Ol ótken jyly 11 jasynda jeńimpaz atanǵan bolatyn.

Albert Tilepqalıevtiń aıtýynsha, sport sheberligine úmitkerler arasyndaǵy dúnıejúzilik dodaǵa álemniń 39 elinen sportshylar keldi. Islam 21 gımnastpen synǵa túsip, júldegerler qataryna qosyldy.

Eske sala keteıik, budan buryn qazaqstandyqtyń batýttaǵy gımnastıkadan álem chempıony atanǵanyn jazǵan bolatynbyz.

Sondaı-aq 12 jasar álem chempıony Islam Qabdollov jyl úzdigi atandy.


Uqsas jańalyqtar
Tegı:
Sport   Qoǵam  
Seriktester jańalyqtary

Jańalyqtar