12 tamyz: Tulǵalar týǵan kún
2022 jylǵy 12 tamyz 08:08

12 tamyz: Tulǵalar týǵan kún

NUR-SULTAN. QazAqparat – QazAqparat 12 tamyzǵa arnalǵan «Týǵan kún ıeleri» kúntizbesin usynady.

ESІMDER

61 jyl buryn (1961) VII shaqyrylymdaǵy Qazaqstan Respýblıkasy Parlament Májilisiniń depýtaty, agrarlyq máseleler komıtetiniń múshesi Shamıl Ablazetdınovıch OSIN dúnıege keldi.

Tomsk qalasynda týǵan. Qaraǵandy qalasyndaǵy №1 kásiptik-tehnıkalyq ýchılıeni bitirgen soń, 1979 jyly eńbek jolyn Kostenko atyndaǵy shahtada jer asty elektr slesari bolyp bastady. 1982-1984 jj. Keńes Armııasy qatarynda boryshyn ótedi. E.A. Bóketov atyndaǵy Qaraǵandy memlekettik ýnıversıtetin ekonomıst mamandyǵy boıynsha bitirgen. 1984-1991 jj. memlekettik saýda salasynda eńbek etti. 1991-1993 jj. shaǵyn jeke kásiporyn qurylys dırektorynyń orynbasary boldy. 1993-1999 jj. – «Saýdajabdyqtaryodaǵy» AQ-nyń Prezıdenti. 1999-2009 jj. – «Shyǵys» saýda úıi» JShS-niń Bas dırektory. 2009 jyldan 2021 jylǵa deıin «Shyǵys» sharýa qojalyǵynyń basshysy.

Qazirgi qyzmetinde – 2021 jyldyń qańtar aıynan bastap.

Qazaqstan Respýblıkasynyń Prezıdentiniń Alǵys hatymen, birqatarm medaldarmen, gramotalarmen marapattalǵan.

60 jyl buryn (1962-2007) qazaqtyń belgili telejýrnalısi, aqyn Beıbit QUSANBEK dúnıege kelgen.

Shyǵys Qazaqstan oblysy, Aıagóz qalasynda týǵan. S.M.Kırov atyndaǵy QazMÝ-di (qazirgi Ál-Farabı atyndaǵy Qazaq ulttyq ýnıversıteti) (1984) jáne Máskeý qalasyndaǵy KSRO teleradıo biliktilik kóterý ınstıtýtynyń telekommentatorlar kýrsyn bitirgen (1988 j).

1984-1997 jyldary Qazaq teledıdarynyń Jastar, Ádebı-dramalyq habarlar bas redaktsııasynda redaktor, saıası sholýshy, bas redaktor, 1997-1999 jyldary «Alataý» telekanalynyń dırektory, 1999-2000 jyldary ádebı-mádenı habarlar shyǵarmashylyq birlestiginiń jetekshisi, 2000-2007 jyldary «Habar» agenttiginde prodıýser, telejúrgizýshi qyzmetterin atqarǵan. Qazaq jýrnalıstıkasynda ózindik qoltańba, óshpes iz qaldyrǵan, qalamy qarymdy, sózi súbeli telejýrnalıstiń biri. «Ómir-ózen» aıdarymen 1995-1997 jyldary 100-ge tarta habar jasaldy. Shyǵarmalary: «Mahabbat maýsymy» (1996), «Óleń-ózim» (2007), «Ǵumyrdarııa» (2008), «El aǵalary» (2009).

Ár jyldary «Araı», «Qurdastar», «Muhıttyń arǵy jaǵy – Amerıka», «Ombydaǵy qazaqtar», «Jadyra», «Kókpar», «HH ǵasyrdyń jıyrma sáti», «Kezdesý», «Úrker», «Oıtalas», «Dáýirnama», «Til», «Dıdar», «El aǵalary», «Bir sát jáne búkil ǵumyr» syndy t.b. habarlary jaryq kórdi. Sonymen qatar, repressııaǵa ushyrap, qaıta aqtalǵan arystarǵa arnalǵan «Halyq zerdesi» jáne óner sańlaqtary týraly jasaǵan «Alty arys» baǵdarlamaasy áli kúnge el esinde.

Marapattary Qazaq SSR memlekettik teleradıokomıtetiniń Qurmet gramotasy; Qazaqstan Jastar Odaǵy, Qazaqstan Jýrnalıster Odaǵy syılyqtarynyń ıegeri; Qazaqstan táýelsizdiginiń 10 jyldyǵyna oraı «Qaztransoıl» kompanııasy uıymdastyrǵan jýrnalıster arasyndaǵy konkýrstyń jeńimpazy; Qazaqstan Jýrnalıster akademııasynyń «Altyn juldyz» syılyǵy; QR Prezıdenti buqaralyq aqparat quraldary salasyndaǵy syılyǵynyń ıegeri; QR Prezıdentiniń Alǵys hatymen marapattalǵan.


53 jyl buryn (1969) QR Ulttyq qaýipsizdik komıtetiniń qolbasshylyq ókili Erjan Jıqsanǵalıuly MYRZABAEV dúnıege keldi.

Shyǵys Qazaqstan oblysynda týǵan. Armııa generaly V. Hrýlev atyndaǵy ıAroslavl joǵary áskerı qarjy ýchılıesin aıaqtady (1990): RF Úkimeti janyndaǵy Qarjy akademııasy janyndaǵy Áskerı qarjy-ekonomıkalyq fakýltetin bitirdi (1999). Eńbek joly: QR UQK Shekara qyzmeti qarjy qyzmetiniń bastyǵy, ınspektsııanyń ınspektor-revızory, departament bastyǵynyń orynbasary, bas qarjy ınspektsııasynyń bastyǵy, QR Ulttyq qaýipsizdik komıtetiniń Shekara qyzmeti dırektorynyń orynbasary boldy.

«Qazaqstan Respýblıkasynyń táýelsizdigine 10 jyl» (2001), «Qazaqstan Respýblıkasynyń táýelsizdigine 20 jyl» (2011), «Qazaqstan Respýblıkasynyń Qarýly Kúshterine 10 jyl», «Qazaqstan Respýblıkasynyń Qarýly Kúshterine 20 jyl», «Qazaqstan Konstıtýtsııasyna 10 jyl», «Qazaqstan Konstıtýtsııasyna 20 jyl» (2015) medaldarymen marapattalǵan.

42 jyl buryn (1980) «Otbasy bank» basqarma tóraǵasynyń orynbasary Mıras Berikuly BEISEMBAEV dúnıege keldi.

Óskemen qalasynda týǵan. Qazaq zań akademııasyn «Zańger» mamandyǵy boıynsha, T.Rysqulov atyndaǵy Qazaq ekonomıkalyq ýnıversıtetin «Aýdıtor» mamandyǵy boıynsha, Reseı Federatsııasy Prezıdenti janyndaǵy Reseı halyq sharýashylyǵy jáne memlekettik qyzmet akademııasyn bitirgen.

Eńbek joly: 2001-2006 jyldary – «Qazposhta» AQ Memlekettik satyp alýlar basqarmasynyń bastyǵy, Memlekettik satyp alýlar jáne logıstıka bóliminiń bastyǵy, ákimshilik basqarý múlkimen jumys júrgizý bóliminiń bastyǵy, fılıaldarmen jumys júrgizý basqarmasynyń bastyǵy, bas zań keńesshisi. 2006-2009 jyldary – «Vektor Stroı» JShS dırektorynyń orynbasary. 2009 jyldyń maýsym-qyrkúıek aılarynda «Damý» kásipkerlikti damytý qory» AQ Zań departamentiniń menedjeri qyzmetin atqardy. 2009-2010 jyldary – «Damý» kásipkerlikti damytý qory» AQ Zań departamentiniń Bas menedjeri. 2010-2012 jyldary – «Damý» kásipkerlikti damytý qory» AQ Sýbsıdııalaý departamentiniń dırektory. 2012-2015 jyldary – «Damý» kásipkerlikti damytý qory» AQ Basqarýshy dırektor – Basqarma múshesi. 2015-2017 jyldary – «Damý» kásipkerlikti damytý qory» AQ Basqarma Tóraǵasynyń orynbasary. «Qazaqstan turǵyn úı qurylys jınaq banki» AQ basqarma tóraǵasynyń orynbasary (2017-2019).

Qazirgi qyzmetinde 2020 jyldyń mamyr aıynan bastap.

41 jyl buryn (1981) Qazaqstan Respýblıkasy Qarjylyq monıtorıng agenttigi tóraǵasynyń orynbasary Ulan Ermuhanuly RAISOV dúnıege keldi.

Almaty qalasynda týǵan. 1997-2001 jj. - T.Rysqulov atyndaǵy Qazaq memlekettik akademııasy, 2001-2003 jj. - Qazaq gýmanıtarlyq-zań ýnıversıtetinde bilim aldy, 2013-2015 jj. - University of Bath, Brunel University London (Ulybrıtanııa) oqydy. Mamandyǵy: memlekettik basqarý. «Bolashak» baǵdarlamasynyń túlegi.

Eńbek joly: 2004-2006 jj. – QR QM Qarjylyq baqylaý jáne memlekettik satyp alý komıtetiniń baqylaýshy-revızory. 2006-2013 jj. – QR Ekonomıkalyq jáne sybaılas jemqorlyqqa qarsy kúres agenttiginde basshylyq laýazymdarda boldy. 2020 jylǵy 15 qazannan 2021 jylǵy 3 aqpanǵa deıin – Qazaqstan Respýblıkasynyń Qarjy mınıstrliginiń Qarjy monıtorıngi komıtetiniń F8 basqarmasynyń basshysy.

2021 jylǵy 4 aqpannan beri qazirgi qyzmetinde.



39 jyl buryn (1983) Mańǵystaý oblysy ákiminiń orynbasary Álımuhammed QUTTYMURAT-ULY dúnıege keldi.

Aqtóbe oblysynyń Hromtaý qalasynda dúnıege keldi. Q.Jubanov atyndaǵy Aqtóbe memlekettik ýnıversıtetin, ekonomıst (2007); Qazaq-Orys halyqaralyq ýnıversıteti, zań bakalavry (2012); Batys Qazaqstan ınnovatsııalyq-tehnologııalyq ýnıversıteti, munaı-gaz isi (2016) bitirgen.

Eńbek jolyn kommertsııalyq qurylymdarda bastaǵan. 2012- 2016 jyldary Oral qalasy ákiminiń orynbasary, Atyraý oblysy ákimi apparatynyń jetekshisi, Atyraý oblystyq tabıǵı resýrstar jáne tabıǵat paıdalanýdy retteý basqarmasynyń basshysy boldy. 2016 jyldyń mamyrynda Mahambet aýdanynyń ákimi bolyp taǵaıyndaldy. 2017-2018 jyldary – Atyraý oblysy Jylyoı aýdanynyń ákimi. Atyraý qalasynyń ákimi (2018-2020). «Jaıyqmunaı» JShS bas dırektorynyń orynbasary (2020-2021).

Qazirgi qyzmetin 2021 jyldyń qarashasynan bastap atqaryp keledi. «Qazaqstan Respýblıkasynyń táýelsizdigine 20 jyl», «Qazaqstan Konstıtýtsııasyna 20 jyl», «Qazaqstan Respýblıkasynyń táýelsizdigine 25 jyl» merekelik medaldarymen marapattalǵan.



Uqsas jańalyqtar
Seriktester jańalyqtary

Jańalyqtar

Úrdis

MURAǴAT