+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

12 qazan. Týǵan kún ıeleri.

2019 jylǵy 12 qazan 08:08
Bólisińiz:
12 qazan. Týǵan kún ıeleri.

NUR-SULTAN. QazAqparat - Búgin, ıaǵnı 12 qazan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER


81 jyl buryn (1938-2014) Qazaqstan Respýblıkasy Memlekettik Týynyń avtory, monýmentshi-sýretshi, Qazaqstannyń eńbek sińirgen mádenıet qaıratkeri Sháken Ońlasynuly NIıAZBEKOV dúnıege keldi.

Taraz qalasynda týǵan. Sankt-Peterbýrg kórkem ónerkásip ınstıtýtyn bitirgen. 1963-1966 jyldary - Sankt-Peterbýrgtaǵy Elektr pisirý jabdyqtarynyń búkilodaqtyq ǵylymı-zertteý ınstıtýtynyń sýretshi-konstrýktory. 1966-1968 jyldary - Qazaq KSR halyq sharýashylyq jetistikteri kórmesiniń sýretshisi. 1969-1982 jyldary - Almaty qalasynyń bas sýretshisi. 1982-1987 jyldary - Qazaqstan Sýretshiler odaǵynyń tóraǵasy. 1983-1984 jyldary - KSRO Sýretshiler odaǵynyń hatshysy. Ol «Abaı», «Mýzyka sazy», «Ańshylyq», «Qurmanǵazy», «Kisen ashqan», «Álı Batyr», «Syrym Datov», t.b. alıýmınııge, mysqa, jezge bederlengen monýmenttik týyndylardyń, Qazaqstan Respýblıkasy Týynyń, Almaty qalasy tańbasynyń avtory. Tehnıka ǵylymynyń doktory V.Zaıchıkpen birlesip jasaǵan pisirgish mashınasy Monrealdaǵy dúnıejúzilik kórmede kórsetildi. «Globýs» televızorynyń kórkemdik-konstrýktorlyq sapasy úshin 1965 jyly Chehoslovakııada ótken halyqaralyq konkýrsta 1-shi dárejeli syılyq berildi. «Qurmet» ordenimen, 1998 jyly «Astana» medalimen, 2001 jyly «Qazaqstan táýelsizdigine 10 jyl» medalimen, 2005 jyly «Qazaqstan konstıtýttsııasyna 10 jyl» medali jáne t.b memlekettik marapattarmen marapattalǵan.


45 jyl buryn (1974) Qazaqstan Respýblıkasy Tsıfrlyq damý, qorǵanys jáne aeroǵarysh ónerkásibi mınıstrligi Aeroǵarysh komıteti tóraǵasynyń orynbasary Ǵalymjan Qaldybekuly DANBAEV dúnıege keldi.

Qyzylorda oblysynda dúnıege kelgen. Máskeý memlekettik avıatsııalyq ınstıtýtynyń Esepteýish mashınalar, keshender, júıeler men jeliler mamandyǵyn bitirgen (1998).

Eńbek joly: Qazaqstan Respýblıkasy Energetıka, ındýstrııa jáne saýda mınıstrligi Aeroǵarysh komıteti «Baıqońyr» ǵarysh aılaǵy basqarmasynyń jyljymaly múlkin ımporttyq-eksporttyq baqylaý bóliminiń bas mamany (1999-2001);

Qazaqstan Respýblıkasy Energetıka, ındýstrııa jáne saýda mınıstrligi Aeroǵarysh komıteti «Baıqońyr» ǵarysh aılaǵyn basqarý bóliminiń atalmysh bólimshesi basshysynyń mindetin atqarýshy (2001-2002); Qazaqstan Respýblıkasy Kólik jáne kommýnıkatsııa mınıstrligi Aeroǵarysh komıteti jyljymaly múlikti ákelý-áketý jónindegi saraptama bóliminiń basshysy (2002-2006); Qazaqstan Respýblıkasy Bilim jáne ǵylym mınıstrligi Aeroǵarysh komıteti «Baıqońyr» ǵarysh aılaǵy bóliminiń basshysy (2006-2008); Qazaqstan Respýblıkasy Ulttyq ǵarysh agenttiginiń «Baıqońyr» ǵarysh aılaǵy departamentiniń dırektory (2008-2014 jj.); Qazaqstan Respýblıkasy Investıtsııalar jáne damý mınıstrligi Aeroǵarysh komıteti «Baıqońyr» ǵarysh aılaǵy bóliminiń bastyǵy (2014-2015 jj.); Almatydaǵy kommertsııalyq qurylymdarda jumys istedi (2015-2016); Qazaqstan Respýblıkasy Qorǵanys jáne aeroǵarysh ónerkásibi mınıstrligi Aeroǵarysh komıteti tóraǵasy orynbasarynyń mindetin atqarýshy (2016-2017); Qazaqstan Respýblıkasy Qorǵanys jáne aeroǵarysh ónerkásibi mınıstrligi Aeroǵarysh komıteti tóraǵasynyń orynbasary (2017-2019).

2019 jylǵy sáýir aıynan beri qazirgi qyzmetinde.

Bizdiń kanalymyzǵa jazylyńyz:

Basty sózder: Kúntizbe,
Bólisińiz:

Avtor:

- Birjanqyzy Sabına

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT