+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

11 shilde. Týǵan kún ıeleri

2020 jylǵy 11 shilde 08:08
Bólisińiz:
11 shilde. Týǵan kún ıeleri

NUR-SULTAN. QazAqparat - QazAqparat 11 shildege arnalǵan «Týǵan kún ıeleri» kúntizbesin usynady.

ESІMDER

162 jyl buryn (1858-1931) qazaq aqyny, oıshyl, kompozıtor, aýdarmashy, XIX ǵasyrdyń aıaǵy men XX ǵasyrdyń basyndaǵy qazaq ádebıeti tarıhyndaǵy iri tulǵalardyń biri Shákárim QUDAIBERDІULY dúnıege keldi.

Aqyn qazirgi Shyǵys Qazaqstan oblysynyń Abaı aýdanyna qarasty Qaraýyl aýylynda dúnıege kelgen. Ákesinen jastaı jetim qalyp, nemere aǵasy Abaıdyń qolynda tárbıelengen. Bul jaǵdaı Shákárim Qudaıberdiulynyń dúnıege kózqarasynyń qalyptasýyna, aqyndyq sheberliginiń shyńdalýyna zor áser etken. Orys, arab, parsy, túrik tilderin jetik meńgerip, Batys, Shyǵys ádebıetin zerek bilgen. Jeti jasynan bastap óleń jazyp, ómiriniń aqyryna deıin aǵartýshylyq baǵyt ustanǵan. Abaıdyń jańashyldyq dástúrin damytyp, Abaıdan keıingi ekinshi realıst aqyn atanǵan. Aqynnyń tvorchestvosy san-salalyǵymen erekshelendi, oǵan kóńildiń shat-shadyman áýeni de, kókirekti qars aıyrǵan tragızm de tán. Aqyn naqty ómir sýretterin, týǵan tabıǵattyń ásemdigin tebirene jyrlady. 19 ǵasyrdyń aıaǵy men 20 ǵasyrdyń basyndaǵy qazaq ómirindegi oqıǵalarǵa, qubylystarǵa qyzý ún qosty. Shákárim aýyz ádebıetiniń sýyrypsalma aqyndar poezııasynyń jazba ádebıetke aýysýyna zor qyzmet etti. Lırıkalyq janr túrleriniń damýyna, mazmunynyń etene jaqyndasýyna mol eńbek sińirdi. Kóptegen óleńderine án shyǵardy. Abaıdyń keńesi boıynsha «Qalqaman - Mamyr» dastanyn jazdy. Sondaı-aq aqynnyń «Qodardyń ólimi», «Krez patsha» atty dastandary bar. 1905 jyly Shákárim Qudaıberdiuly qajylyq sapar shegedi. Mekkege barǵan bul saparyn paıdalanyp, aqyn óziniń baıyrǵy armanyn júzege asyrady. Ystambul, Parıj kitaphanalarynan týǵan halqynyń tarıhyna baılanysty kitaptardy oqıdy. Osylaı jınaǵan materıaldary negizinde «Túrik, qyrǵyz, qazaq Hám handar shejiresi» kitabyn, ıslam dinin qazaq múddesine úılestire túsindirý maqsatymen «Musylmandyq sharty» atty eńbegin jazǵan. Amerıkan jazýshysy Garrıet Bıcher-Stoýdyń «Tom aǵaıdyń balaǵany» romanyn, L.Tolstoıdyń «Asrhadon patsha», «Úsh saýal» t.b. áńgimelerin, A.Pýshkınniń «Boran», «Dýbrovskıı» povesterin qazaq tiline aýdarǵan. Fızýlıdiń «Láıli-Májnún» dastanyn názıra úlgisimen jyrlaǵan. Ideıalyq maqsat-murattary jaǵynan Shákerim únemi demokrattyq, halyqtyq, gýmanıstik-aǵartýshylyq baǵytta bolǵan. Bul oraıda 20-shy ǵasyrdyń basyndaǵy ozat oıly qazaq zııalylarymen úndes bolyp, Alashorda qaıratkerleriniń eńbegin baǵalaı bilgen.

52 jyl buryn (1968) Qostanaı oblysy ákiminiń birinshi orynbasary Ǵaýez Torsanuly NURMUHAMBETOV dúnıege keldi.

Qostanaı oblysy Qarasý aýdanynyń Maıskıı kentinde týdy. 1992 jyly Tselınograd aýyl sharýashylyǵy ınstıtýtyn «ǵalym agronom» mamandyǵy boıynsha, 2002 jyly Chelıabi memlekettik ýnıversıtetin «zańger» mamandyǵy boıynsha, 2008 jyly Qostanaı ınjenerlik-ekonomıkalyq ýnıversıtetin «ekonomıka bakalavry» mamandyǵy boıynsha bitirdi.

Eńbek jolyn 1992 jyly Torǵaı oblysynyń Oktıabr aýdany Vılıams atyndaǵy keńsharynyń bas agronomdyǵynan bastady. 1994 - 1996 jyldary - Qostanaı oblysynyń Qostanaı aýdany «Moskovskıı» keńsharynyń bas agronomy; 1996 - 1997 jyldary - Qostanaı oblysynyń Komsomol aýdany «Boskól» óndiristik kooperatıviniń dırektory; 1997 - 2002 jyldary - Qostanaı oblysy Taran aýdanynyń ákimi; 2002 - 2008 jyldary - Qostanaı oblysy Qarabalyq aýdanynyń ákimi; 2008 - 2009 jyldary - Qostanaı oblysy Qostanaı qalasynyń ákimi; 2009 - 2011 jyldary - «Sodrýjestvo» SÓK» JShS dırektorynyń orynbasary; 2011 - 2012 jyldary - Qostanaı oblysy Áýlıekól aýdanynyń ákimi; 2012 - 2014 jyldary - Qostanaı qalasynyń ákimi; 2014 -2015 jyldary - Qazaqstan Respýblıkasy Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory.

Qazirgi qyzmetinde 2015 jyldyń qyrkúıeginen beri.

«Parasat» ordenimen (2011 j.), «Eren eńbegi úshin» medalimen (2004 j.), «Astana» (1999 j.), «Qazaqstan Respýblıkasynyń Táýelsizdigine 10 jyl» (2001 j.), «Qazaqstan Konstıtýtsııasyna 10 jyl» (2005 j.), «Tyńǵa 50 jyl» (2005 j.), «Astananyń 10 jyldyǵy» (2008 j.), «Qazaqstan Respýblıkasynyń Táýelsizdigine 20 jyl» (2011 j.) merekelik medaldarymen nagradtalǵan.

48 jyl buryn (1972) «Qazteleradıo» AQ basqarma tóraǵasy Asqar Muqanmetjanuly NURYMJANOV dúnıege keldi.

Almaty qalasynda týǵan. Almatydaǵy Halyq sharýashylyǵy ınstıtýtyn támamdaǵan (1999). Mamandyǵy «Ekonomıka jáne menedjment». MBA baǵdarlamasy boıynsha Halyqaralyq bıznes akademııasynda (Almaty qalasy, 2009), DBA baǵdarlamasy boıynsha Halyqaralyq Bıznes mektebinde (2015) oqyǵan.

Eńbek joly:

«Qazaqtelekom» AQ ishki aýdıt jáne esep saıasaty bóliminiń jetekshi mamany, Almaty qalasy; Qarjy bóliminiń jetekshi mamany; Qarjy departamentiniń operatsııalar bóliminiń bastyǵy (2003-2006); Aqmola oblystyq telekommýnıkatsııa dırektsııasy Qarjy departamenti dırektorynyń orynbasary (2006-2016 jj.); QR Ulttyq banki Aqparattyq tehnologııalar departamentiniń dırektory (2016-2017); «Qazaqstan» RTRK AQ Basqarma tóraǵasynyń birinshi orynbasary (2018-2019).

Qazirgi qyzmetinde 2019 jyldyń jeltoqsanynan.

39 jyl buryn (1981) Qazaqstan Respýblıkasy Ádilet mınıstrliginiń Sot saraptama ortalyǵynyń dırektory Dýlat Bolatuly GAÝRIEV dúnıege keldi.

Semeı oblysy Shar qalasynda týǵan. Shyǵys Qazaqstan memlekettik ýnıversıtetin támamdaǵan, mamandyǵy – quqyqtaný (2002); Saar ýnıversıtetiniń Eýropalyq ınstıtýtyn, magıstratýra (Saarbrıýken q., Germanııa) adam quqyǵyn qorǵaý (2006); London ekonomıka jáne saıası ǵylymdar mektebin (Ulybrıtanııa) bitirgen, «Bolashaq» halyqaralyq bilim berý stıpendııasy boıynsha taǵylymdamadan ótken (2015).

Eńbek joly: memlekettik organdarda jáne memlekettik emes uıymdarda jumys istedi (2002-2012); Sot saraptama ortalyǵy (respýblıkalyq) ǵylymı-óndiristik zerthanasy basshysynyń orynbasary, aǵa keńesshi; Ortalyq sot saraptama ınstıtýtynyń zerthana meńgerýshisi (04.2012-08.2012); Soltústik Qazaqstan oblysy boıynsha sot saraptama ınstıtýtynyń dırektory (2012-2015); Qazaqstan Respýblıkasy Ádilet mınıstrligi Saraptama qyzmetin uıymdastyrý departamentiniń basqarma basshysy (2015-2016).); sot saraptamasy Ǵylymı-zertteý ınstıtýtynyń dırektory (2016-2017); Almaty qalasy boıynsha sot saraptama ınstıtýtynyń dırektory (2017-2018); Qazaqstan Respýblıkasy Ádilet mınıstrliginiń Sot saraptama ortalyǵy dırektorynyń orynbasary (01.2019-08.2019).

Qazirgi qyzmetinde – 2019 jyldyń tamyzynan bastap.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT