+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

100 jasqa tolǵan soǵys ardageri QR Prezıdentine alǵys bildirip, hat joldady

2021 jylǵy 26 qyrkúıek 23:13
Bólisińiz:
100 jasqa tolǵan soǵys ardageri QR Prezıdentine alǵys bildirip, hat joldady

NUR-SULTAN. QazAqparat – Jýyrda 100 jyldyq mereıtoıyn atap ótken soǵys ardageri Qaıyrly Jonqabaev Jeńis sarbazdaryna kórsetilip jatqan qurmet úshin QR Prezıdenti Qasym-Jomart Toqaevtyń atyna hat joldap, batasyn berdi. Memleket basshysynyń baspasóz hatshysy Berik Ýálı qart maıdangerdiń hatymen Facebook-tegi paraqshasynda bólisti, dep habarlaıdy QazAqparat.

«Qurmetti Qasym-Jomart Kemeluly! Men Jonqabaev Qaıyrly Ýataıuly – Uly Otan soǵysynyń ardagerimin. Sizge ekinshi ret hat joldap otyrmyn. Aldyńǵy hatyma ózińizden jaýap alyp, rıza boldym.

Men jaqynda 100 jasqa kelip, ǵasyr toıyma jettim.

Meniń Sizge degen alǵysym sheksiz. Almaty qalasynyń ákimi Baqytjan Saǵyntaev Sizdiń meniń ǵasyr toıyma arnap joldaǵan quttyqtaýyńyzdy jetkizdi, sán-saltanatpen tabys etti.

Odan soń Almatyda turyp jatqan úıimniń aýlasyna Ulttyq ulan sarbazdary quttyqtap kelip, áskerı orkestr oınap, erekshe iltıpat, qurmet kórsetti. Ulttyq ulan Bas qolbasshysynyń atynan syı-sııapat berdi. «Ǵasyr jasaǵan panfılovshy» dep BAQ jarysa jarııalady. Maǵan kórsetken osyndaı qurmetterińizge qart maıdangerdiń atynan úlken alǵysymdy bildirip, aq batamdy beremin.

Osylaı, Jeńis sarbazdaryna kórsetip jatqan qurmetińiz, soǵystan qaıtpaǵan, maıdan dalasynda jáne keıin qaza bolǵan bozdaqtardyń rýhyna taǵzym etý dep túsinemin. Olardyń arýaqtary razy bolǵaı!

Elimiz úshin atqaryp jatqan oń isterińiz tabysty bolsyn. Siz basqaryp otyrǵan Qazaq eli gúldene bersin!», - dep jazdy Almaty qalasynyń turǵyny, qart maıdanger Q.Jonqabaev óz hatynda.



Eske salsaq, 10 qyrkúıek kúni Almaty ákimi Baqytjan Saǵyntaev Memleket basshysynyń Qaıyrly Jonqabaevty júz jyldyq mereıtoıymen quttyqtaǵan hatyn jetkizip, «Eńbegi úshin» tósbelgisin tabys etti.

Q.Toqaevtyń quttyqtaýynda Q.Jonqabaev surapyl jyldary Uly Otan soǵysyna attanyp, Keńes Odaǵynyń batyry Ivan Panfılov basqarǵan áıgili 8-gvardııalyq atqyshtar dıvızııasy quramynda pýlemetshi bolǵany, Máskeýdi qorǵaýdan bastalǵan maıdan joryǵynda Belarýs, Polsha, Estonııa jerlerin jaýdan azat etýge qatysyp, Rjevtegi qandy urysta eren erliktiń úlgisin kórsetkeni atap ótilgen.

«Batyrlyqtyń belgisindeı bolyp «Qyzyl Juldyz», ІІ dárejeli «Otan soǵysy» ordenderi jáne «Erligi úshin», «Máskeýdi qorǵaǵany úshin» medaldary keýdeńizde jarqyrap tur.

Beıbit kezeńde eseli eńbek etip, elimizdi órkendetýge mol úles qostyńyz. Ǵasyrlyq ǵumyryńyzda Qazaqstan Táýelsizdiginiń 30 jyldyǵyna da kýá bolyp otyrsyz. «Qarty bar eldiń qazynasy bar» degen. Árdaıym óskeleń urpaqqa aqyl-keńesińizdi aıtyp, taǵylym berý ómirlik qaǵıdatyńyzǵa aınaldy.

100 jyldyq torqaly toıyńyzǵa oraı Sizge zor densaýlyq jáne áýletińizge amandyq pen qut-bereke tileımin», - degen Memleket basshysy óz hatynda.

1941 jyly soǵysqa attanǵan Q.Jonqabaev nebári 20 jasta bolǵan. Búginde qart jaýynger 5 baladan 7 nemere, 14 shóbere súıip otyr.




Bizdiń kanalymyzǵa jazylyńyz:

Bólisińiz:

Avtor:

Mıra Tólendiqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT