+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

«100 jańa oqýlyq» jobasy bıyl máresine jetedi

2020 jylǵy 29 qyrkúıek 17:19
Bólisińiz:
«100 jańa oqýlyq» jobasy bıyl máresine jetedi

NUR-SULTAN. QazAqparat - 2017 jyly bastalǵan «100 jańa oqýlyq» jobasy máresine jaqyndap qaldy, dep habarlaıdy QazAqparat tilshisi. Bul týraly «Qazaq tilindegi 100 jańa oqýlyq: pragmatızm men sananyń ashyqtyǵyna aparar jol» taqyrybynda ótken onlaın konferentsııada aıtyldy.

2017 jyly «Bolashaqqa baǵdar: rýhanı jańǵyrý» baǵdarlamasynda Elbasy Nursultan Nazarbev álemdegi eń jaqsy 100 oqýlyqty ártúrli tilden qazaq tiline aýdaryp, jastarǵa dúnıe júzine tańdaýly úlgilerdiń negizinde bilim alýǵa múmkindik jasaýdy tapsyrǵan bolatyn. 2017 jyly bastalǵan joba máresine jaqyndap qaldy.

«Bıyl pandemııaǵa baılanysty kóp is-shara onlaın formatta ótti. «Rýhanı jańǵyrý» baǵdarlamasy aıasyndaǵy alǵashqy kezeńde bekitilgen arnaıy 13 jobanyń ishinde Raýan Kenjehanuly basqarǵan qoǵamdyq qor tarapynan úlken jumys júzege asyrylyp, bıyl máresine jaqyndap qaldyq. Osy kezge deıin aýdarylǵan kitaptardy stýdentter jaqsy qabyldanyp jatyr. Bul bizdi qýantady, sebebi bul « Rýhanı jańǵyrý» baǵdarlamasynyń qolmen ustap kórýge bolatyn jemisi. Osynyń arqasynda aýyldan kelgen jastardyń ana tilinde sapaly bilim alýyna múmkindik týyp otyr», - deıdi QR Aqparat jáne qoǵamdyq damý mınıstrligi Rýhanı jańǵyrý baǵdarlamasyn úılestirý departamentiniń dırektory Nurlan Kúntýov.

Qazaqstandyq qoǵamdyq damý ınstıtýtyna qarasty «Rýhanı jańǵyrý» ortalyǵynyń jetekshisi Janar Boqanovanyń aıtýynsha, «Rýhanı jańǵyrý» baǵdarlamasynda eń sátti iske asqan jobalardyń biri - «Júz jańa oqýlyq» jobasy.

«Osy joba boıynsha naqty tujyrymdama qabyldanyp, naqty maqsat-mindetteri, negizgi kezeńderi kórsetildi. Sol sebepti bul joba sátti iske asty. Sonymen qatar, Ulttyq aýdarma bıýrosy ujymynyń jaqsy jumys isteýi negizinde osyndaı jaqsy nátıje kórip otyrmyz», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT