+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

«100 jańa esim»: Joba qatysýshylarynan ótinim qabyldaý bastaldy

2019 jylǵy 30 qyrkúıek 12:53
Bólisińiz:
«100 jańa esim»: Joba qatysýshylarynan ótinim qabyldaý bastaldy

NUR-SULTAN. QazAqparat – Erteńnen bastap 100janaesim.ruh.kz saıtynda «Qazaqstannyń 2019 jylǵy 100 jańa esimi: jas qazaqstandyqtardyń tabys tarıhy» jobasyna ótinimder qabyldaý bastalady. Bul týraly búgin elordada ótken baspasóz máslıhatynda málim boldy, dep habarlaıdy QazAqparat tilshisi.

Uqsas jańalyqtar
Aqyndar adaldyq pen patrıotızmdi jyrlady - Kókshetaý Almatyda tarıhshylardyń VІІ halyqaralyq ǵylymı-tájirıbelik konferentsııasy ótti Saryaǵash aýdanynda «Túrkistannyń rýhanı kerýeni» kezdesýi ótti

Bul týraly búgin elordada ótken baspasóz máslıhatynda málim boldy, dep habarlaıdy QazAqparat tilshisi.

Atap aıtqanda, QR Aqparat jáne qoǵamdyq damý mınıstrliginiń bastamasyn ótken jyldardaǵy eń belsendi jeńimpazdardan turatyn «Bıýro 100» komandasy qoldaý jasaýda. Olar baıqaýǵa eń laıyqty úmitkerlerdi izdestirý úshin Qazaqstannyń barlyq aımaqtaryna barýdy kózdeıdi. Komanda áleýmettik jelilerden joba qatysýshylaryn izdeýdiń barlyq kezeńderin kórsetedi.

«Úlken jobany bastaǵaly jatyrmyz. Ózderińiz jaqsy bilesizder, osydan eki jyl buryn Elbasy «Rýhanı Jańǵyrý» atty baǵdarlamasyna bastamashylyq etti. Osy oraıda sonyń aıasynda «100 jańa esim» jobasynyń úshinshi kezeńin bastamaqpyz. Bul joba qoǵamnyń damýyna óziniń úlken yqpalyn tıigizip keledi, sondyqtan ony jalǵastyrýǵa bel býdyq», - dedi QR Aqparat jáne qoǵamdyq damý mınıstri Dáýren Abaev.

Vedomstvo basshysy «100 jańa esim» jobasy Táýelsizdik jyldarynda elimizge oń yqpalyn tıgizgen azamattardy nasıhattaý, olardyń eńbek tájirıbesin tanystyrý maqsatynda uıymdastyrylǵanyn eske saldy.

«Eki jyldyń ishinde 5 myńǵa jýyq adam qatysty. Bul turǵyda joba aıasynda eki mıllıonǵa jýyq qazaqstandyq daýys berdi», - dedi D. Abaev.

Joba 2019 jyly Jastar jylyna arnalady. Qatysýǵa 39 jasqa deıingi adamdar qatysa alady. Osy oraıda ǵylym, qoǵam, medıtsına, bıznes, mádenıet jáne sport salasyndaǵy naqty jetistikke jetkenderdiń ótinimderi qaralatyn bolady.

«Rýhanı Jańǵyrý» Qazaqstandyq qoǵamdyq damý ınstıtýty» kommertsııalyq emes AQ Basqarma tóraǵasy Kemelbek Oıshybaevtyń sózine qaraǵanda, qatysatyn adamdar 100janaesim.ruh.kz saıtynda saýalnamany toltyrýy qajet. Qatysýshy senimdi ári naqty aqparat berýge mindetteledi. Barlyq ótinimder moderatsııadan ótip, keıin saıtta jarııalanyp, jelide daýys berýge ruqsat alady. Sonymen qatar, belgili qoǵam jáne mádenıet qaıratkerleri, sport jáne bıznes ókilderinen turatyn qazylar alqasynyń qaraýyna usynylady.

«Joba aıasynda ótinimderdi qabyldaý 1 qazannan bastap 20 qazanǵa deıin jalǵasady», - dedi K. Oıshybaev.

Jobanyń resmı saıtynda qalaǵan úmitkerge daýys berý úshin onlaın tirkelip, elektrondy poshta kórsetilýi kerek.

Belgil bolǵandaı, jobanyń nátıjeleri bıyl jeltoqsan aıynda Elbasynyń qatysýymen ótetin tanystyrylymda jarııalanady.

Budan buryn habarlanǵandaı, bıyl aqpan aıynda Elbasy Nursultan Nazarbaev «100 jańa esim» jobasynyń ary qaraı jalǵasatynyn aıtqan bolatyn.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT