+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

100 jańa esim: Til múkistigi bar balalarǵa arnalǵan mýltfılmder jasaımyn

2019 jylǵy 3 shilde 23:10
Bólisińiz:
100 jańa esim: Til múkistigi bar balalarǵa arnalǵan mýltfılmder jasaımyn

ShIELІ. QazAqparat - «Qazaqstandaǵy 100 jańa esim» jobasy boıynsha jeńimpaz atanǵan pedagog-psıholog, aýdarmashy Symbat Ábdirahmanova Shıeli aýdanynyń Botabaı aýylynyń turǵyndarymen júzdesti, dep habarlaıdy QazAqparat tilshisi.

Kezdesý barysynda «Qazaqstandaǵy 100 jańa esim» jobasynyń jeńimpazdary ózderiniń oı-pikirlerimen bólisti. Jergilikti jastarǵa alǵa maqsat qoıý qajettigine toqtaldy. Ony belgili aıtysker aqyn Muhtar Nııazov júrgizip otyrdy.

Symbat Ábdirahmanova birneshe tildi meńgergen, pedagog-psıholog. Ol qazirgi tańda ıÝNISEF-tiń jasóspirimder arasyndaǵy sýıtsıdtiń aldyn alý jobasy boıynsha birneshe ǵylymı maqalalar jazyp, ádistemelik qural daıyndaǵan. Sondaı-aq, ol eshqandaı qarjy qajet etpeıtin mýltfılmder daıyndaýmen aınalysyp keledi. Ásirese til múkistigi bar balalarǵa arnalǵan mýltfılmderin mamandar sabaq barysynda paıdalanyp júr.

«Elimizdiń baıandy bolashaǵyn qamtamasyz etý men saıası ekonomıkalyq damý qarqynyn saqtap qalýdyń alǵy sharty rýhanı jańǵyrýda jatyr. Men oblystaǵy til múkistigi bar balalarǵa arnalǵan mýltfılmderdi daıyndaýǵa kóńil bóldim. Sol eńbegim baǵalandy. Joba jeńimpazy atandym», - dedi S.Ábdirahmanova.

Atalmysh shara barysynda aýyl turǵyndary qazaq dástúrinen kórinister kórsetti. Jas órender ulttyq mýzykalyq aspaptarmen kúmbirlete kúı tógip, ásem ándi áýeletti.

Esterińizge sala ketelik, «Qazaqstandaǵy 100 jańa esim» jobasy Tuńǵysh Prezıdent - Elbasy Nursultan Nazarbaevtyń «Bolashaqqa baǵdar. rýhanı jańǵyrý» baǵdarlamasy negizinde qolǵa alynǵan. Sońǵy eki jyldan beri atalmysh jobaǵa Syr óńirinen 200-den astam úmitker qatysty. Olardyń arasynda 2017 jyly ǵalym Aleksandr Podolskıh, sportshy Ásel Dálıeva, pedagog-psıholog, aýdarmashy Aıdos Saılyǵaraev jeńimpaz atansa, 2018 jyly áskerı jýrnalıst Nazgúl Kenjetaı, kásipker Aıdos Saılyǵaarev sondaı bıikten kórindi.

Bizdiń kanalymyzǵa jazylyńyz:

Basty sózder: Qyzylorda oblysy, 100 jańa esim,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT