+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

«100 jańa esim»: Reseıde 48 adamdy órtten qutqarǵan Semeı turǵyny jeńimpaz atandy

2019 jylǵy 25 jeltoqsan 14:50
Bólisińiz:
«100 jańa esim»: Reseıde 48 adamdy órtten qutqarǵan Semeı turǵyny jeńimpaz atandy

NUR-SULTAN. QazAqparat – Osydan bir jarym jyl buryn Reseıde 48 adamdy órtten qutqarǵan Semeı qalasynyń turǵyny Erjan Amarhanov «Qazaqstannyń 100 jańa esimi» jobasynyń úshinshi kezeńinde jeńimpaz atandy, dep habarlaıdy QazAqparat tilshisi.

Ótken jyldyń tamyz aıynda tirkelgen oqshaý oqıǵany sol tusta qazaqstandyq jáne reseılik BAQ ókilderi men áleýmettik jeli qoldanýshylary jarysa jazǵan edi. 28 jastaǵy Erjan kólik satyp alý úshin «Semeı - Novosibir» baǵytyndaǵy avtobýspen jolǵa shyqqan. Biraq túngi saǵat úshke taıaý Aleısk qalasynyń tusynda avtobýstan órt shyqqan. Bul ýaqytta jolaýshylardyń barlyǵy tynysh uıqyda jatqan eken. Órt tutanǵanyn tek Erjan ǵana baıqapty. Ol birden júrgizýshige avtobýsta órt shyqqanyn habarlap, kólikti toqtatqansha jolaýshylardyń birazy tútinge ýlanyp úlgergen. Erjan osylaısha, ashylmaǵan esikti teýip ashyp, sanaýly sekýnd ishinde baladan qarttarǵa deıin bárin syrtqa alyp shyqqan. Avtobýs tolyǵymen janyp ketken.

«Qazir oılanyp otyrsam, bala kezden sportpen aınalysqanymnyń arqasynda sol tusta adamdardy qutqara aldym dep oılaımyn. Bapkerlerimiz adamdarǵa kómektesińder, muqtajǵa qol ushyn sozyńdar dep úıretti. Sporttyń arqasynda aman qaldyq», - deıdi QazAqparat tilshisine Erjan Amarhanov elordada «Qazaqstannyń 100 jańa esimi» jobasynyń úshinshi kezeńine oraı ótkizilgen jıynnan keıin.

Eske sala keteıik, Erjan Amarhanov byltyr Reseıde órtke oranǵan avtobýstan 48 adamdy 1 mınýt 45 sekýndta qutqarǵan bolatyn. Sol kezde aman qalǵan jolaýshylar áli kúnge deıin Erjanǵa habarlasyp, jaǵdaıyn bilip turady eken.

Erlik eskerýsiz qalǵan joq. «Lankaster» atty almatylyq kompanııanyń basshylary Erjanǵa Semeı qalasynan úı alyp beripti. Al Semeı qalasynyń ákimi Ermak Sálimov 1 mıllıon teńge tabys etken. Taǵy bir jergilikti kásipker Baýyrjan Qaırambaev ta qaıyrymdylyqtan tys qalmaı, Erjanǵa kómektesti.

Erjan qazirgi tańda Semeıde balalardy kúreske baýlıdy. Qaıyrymdylyqpen de aınalysady. Jaqynda qala shetinde jalǵyz turatyn 90 jastaǵy ájeni qamqorlyǵyna alyp, Facebook arqyly jylý jınaǵan.

Eske sala ketsek, elordada «Qazaqstannyń 100 jańa esimi» jobasynyń úshinshi kezeńi ótti. «Qazaqstannyń jańa esimderi» jobasynyń maqsaty - táýelsizdik jyldary Qazaqstannyń damýyna eleýli úles qosqan adamdardyń tarıhy mysalynda tabystylyq, básekege qabilettilik, pragmatızm jáne bilimge tabyný ıdeıalaryn ilgeriletý.

Bıyl jobaǵa qatysý úshin 1673 anketa qabyldanǵan. Jalpy, barlyq qatysýshyǵa 700 myńnan asa daýys berilgen. Barlyq kezeńniń qorytyndysy boıynsha bıyl 32 jeńimpaz anyqtaldy.


Bizdiń kanalymyzǵa jazylyńyz:

Basty sózder: Qoǵam, 100 jańa esim,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT