+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

«100 jańa esim» kimdi úlgi tutýymyz kerektigin kórsetti - mınıstr

2019 jylǵy 14 aqpan 21:20
Bólisińiz:
«100 jańa esim» kimdi úlgi tutýymyz kerektigin kórsetti - mınıstr

ASTANA. QazAqparat - Aqparat jáne kommýnıkatsııalar mınıstri Dáýren Abaev «Qazaqstannyń 100 jańa esimi» jobasy týralyt aıtty, dep habarlaıdy QazAqparat.

«Shynyn aıtqanda, «100 jańa esim» jobasynyń jeńimpazdaryn tanystyrý - aýqymdy ári shynaıy jumystyń basy ǵana. Bul rette jalpy joba ne úshin oılastyryldy degen suraqqa jaýap bere keteıin. Ózderińiz biletindeı, bul ıdeıany Prezıdent «Rýhanı jańǵyrý» maqalasynda aıtqan bolatyn. Onyń mán-maǵynasy - halyqtyń sanasyn jańǵyrtý - ómirlik ári erik-jiger beretin mysaldarynsyz múmkin emes degenge keledi. Meniń oıymsha, dál osyndaı úlgili adamdardyń ómirin búkil el tanydy», - dedi Dáýren Abaev «Habar» arnasyndaǵy «Ashyq dıalog» baǵdarlamasynda.

Mınıstr óz sózinde, joba jeńimpazdarynyń biri - paraolımpıadashy Erlan Sálimgereev týraly sóz qozǵady.

«Bala kezinde ol aıaq-qolynan aıyrylyp, múgedek bolyp qalǵan. Ýaqyt óte kele ómirden óz ornyn tabýǵa qulshynys jasaǵan. Óz ómirine úńile otyryp, Erjan óz qolynan ne keletinin, múmkindikteriniń shekarasyn teksermek bolǵan. Ózi qazir «adamnyń denesi men oıynyń múmkindiginiń shekarasy joq» dep moıyndap otyr. Ol ár kúni boıy júzýmen aınalysyp, kúnine 3 saǵat boıy daıyndalyp, óz kórsetkishin jaqsarta túsken. Óziniń erik-jigeriniń arqasynda Qazaqstanda, Azııada, odan keıin tipti álemde eń myqty júzýshi atandy. Qarap otyrsańyz - bul óte laıyqty úlgi. Erjan týraly bizdiń qazaqstandyqtar, ásirese bizdiń býyn bilýi kerek», - deıdi mınıstr.

Dáýren Abaev osylaısha, BAQ arqyly úlgili azamattardyń eńbegin pash etý kerektigin aıtyp ótti.

«Prezıdent keshegi sharada jobaǵa qatysýshylardyń barlyǵymen tildesti. Bul joba - kezekti ret bizdiń kimmen maqtanýǵa bolatynymyzdy, kimdi úlgi tutýymyz kerektigin kórsetip berdi», - deıdi Dáýren Abaev.

Eske sala ketsek, keshe elordada Elbasy Nursultan Nazarbaevtyń «Qazaqstannyń 100 jańa esimi» jobasynyń ekinshi kezeńi jeńimpazdarymen kezdesken bolatyn. «Qazaqstannyń 100 jańa esimi» jobasyna úmitkerlerden ótinim qabyldaý ótken jyldyń qyrkúıeginde bastalǵan edi. Joba kásibı salada jetistikke jetken, dara joldary ózgege úlgi bolatyn adamdarǵa arnalǵan. Osymen ekinshi jyl uıymdastyrylyp otyrǵan jobanyń ereksheligi - úmitker ózin usynýǵa jáne úmitkerdi uıym atynan usynýǵa múmkinshilik berildi.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT