+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

10 shilde. Týǵan kún ıeleri

2020 jylǵy 10 shilde 08:08
Bólisińiz:
10 shilde. Týǵan kún ıeleri

NUR-SULTAN. QazAqparat - QazAqparat 10 shildege arnalǵan «Týǵan kún ıeleri» kúntizbesin usynady.

ESІMDER

62 jyl buryn (1958-2016) jazýshy, aqyn, dramatýrg, mádenıettanýshy Áýezhan Ábdiramanuly QODAR dúnıege keldi.

Qyzylorda oblysynda týǵan. 1982 jyly S.M. Kırov atyndaǵy qazaq memlekettik ýnıversıtetiniń zań fakýltetin bitirgen.

1982-1985 jyldary Qyzylorda oblysy Qarmaqshy aýatkomynyń jasóspirimder jónindegi komıssııanyń hatshysy, 1989-1994 jyldary Qazaqstan Jazýshylar odaǵy janyndaǵy kórkem aýdarma jáne ádebı baılanystar jónindegi redaktory bas alqasynda orys bóliminiń meńgerýshisi, 1994 jyldan Qazaqstan halyqtarynyń mádenıetin qorǵaý jónindegi «Altyn ǵasyr» qoǵamdyq birlestiginiń prezıdenti. 1997-1998 jyldary Nemis teatr akademııasynda fılosofııa tarıhynan dáris berdi. 1999 jyldan «Tamyr» jýrnalynyń bas redaktory bolǵan. 1999-2001 jyldary Soros-Qazaqstan halyqaralyq qorynyń Basqarma múshesi. 2002 jyldyń jeltoqsanynan Qazaqstan Respýblıkasy Prezıdenti janyndaǵy BAQ jónindegi keńestiń múshesi. 2006 jyldan «Eýrazııalyq zertteýler ınstıtýty» Reseı-Qazaqstan qory bas dırektorynyń keńesshisi. 2006 jyldyń mamyrynan - Mádenı saıasat jáne ónertaný ınstıtýtynyń dırektory. «Parasat» ordenimen marapattalǵan.

«Týǵan kún», «Aqedildiń anty» pesalarynyń (1986), «Qanatty órnek» (1990), «Abaı (Ibrahım) Qunanbaev» jınaǵynyń (1996), «Eske almaý sheńberi» (1998), «Qazaq ádebıetiniń tarıhyna sholý» (1999) kitabynyń, «Qanaǵat qaǵanaty» jınaǵynyń (1994) avtory. Qazaq tiline E.Zamıatınniń «Attıla» dramasyn, M.Haıdetter, H.Gasettiń fılosofııalyq eńbekterin, Shvıtterstiń óleńderin, orys tiline Abaı, Maǵjan, J.Jaqypbaevtyń shyǵarmalaryn aýdarǵan.

57 jyl buryn (1963) Qazaqstan Respýblıkasynyń Meksıka Qurama Shtattaryndaǵy Tótenshe jáne Ókiletti Elshisi, Qazaqstan Respýblıkasynyń Panama Respýblıkasyndaǵy, Kosta Rıka Respýblıkasyndaǵy, Dmınıkan Respýblıkasyndaǵy, ıAmaıkadaǵy Tótenshe jáne Ókiletti Elshisi qyzmetin qosa atqarýshy Andrıan Kópmaǵambetuly ELEMESOV dúnıege keldi.

Maryı oblysynyń (Túrikmenstan) týmasy. Eńbek jolyn 1985 jyly jumysker, brıgadır, sheber, prorab, «Shymkentqurylys» tresiniń komsomoldyq uıymynyń hatshysy qyzmetinen bastady.
1991-1992 jyldary shaǵyn kásipkerlik salasynda, «AKE S» kompanııasynyń prezıdenti. 1992-1995 jyldary - «Qazaqıtalqarakól» birlesken kásipornynyń Italııadaǵy ókili. 1995-1996 jyldary - Qazaqstan Respýblıkasy Syrtqy ister mınıstrliginiń úshinshi hatshysy. 1996-2001 jyldary - QR-dyń Italııadaǵy Elshiliginiń konsýly-úshinshi, ekinshi hatshysy. 2001-2003 jyldary - QR Syrtqy ister mınıstrliginiń keńesshisi, memlekettik protokol qyzmetiniń saparlar bóliminiń bastyǵy, Ortalyq jáne Shyǵys Eýropa bólimderiniń bastyǵy. 2004 jyldyń qańtarynan 2012 jyldyń mamyryna deıin Qazaqstan Respýblıkasynyń Ispanııa Koroldigindegi Elshiliginiń keńesshi-elshisi. 2012 jyly Qazaqstan Respýblıkasynyń Italııa Respýblıkasyndaǵy Tótenshe jáne Ókiletti Elshisi bolǵan. 2015 jylǵy tamyzdan qazirgi qyzmetinde.

53 jyl buryn (1967) Qyzylorda oblysy ákiminiń orynbasary Naýryzbaı Seıitqalıuly BAIQADAMOV dúnıege keldi.

N. Gogol atyndaǵy Qyzylorda pedagogıkalyq ınstıtýtyn bitirgen. Tarıh ǵylymdarynyń kandıdaty, Qorqyt Ata atyndaǵy Qyzylorda memlekettik ýnıversıtetiniń akademııalyq dotsenti.

Eńbek jolyn 1991 jyly Syrdarııa aýdanyndaǵy №139 orta mektepte tarıh pániniń muǵalimi bolyp bastaǵan.
1994-2003 jyldary – Qorqyt Ata atyndaǵy Qyzylorda memlekettik ýnıversıtetiniń oqytýshysy, aǵa oqytýshysy, kafedra meńgerýshisi.
2003-2008 jyldary – Qorqyt Ata atyndaǵy Qyzylorda memlekettik ýnıversıtetiniń janyndaǵy kolledj dırektory, «Nur Otan» partııasy Qyzylorda oblystyq fılıaly tóraǵasynyń orynbasary.
2008-2016 jyldary – Qorqyt Ata atyndaǵy Qyzylorda memlekettik ýnıversıtetiniń tárbıe jónindegi prorektory, Qyzylorda oblysynyń bilim basqarmasynyń basshysy, «Nur Otan» partııasy Qyzylorda oblystyq fılıaly tóraǵasynyń birinshi orynbasary.
2016 jyldan bastap osy kezge deıin Qyzylorda oblystyq máslıhatynyń hatshysy boldy.
Qazaqstan Respýblıkasy Prezıdenti Ákimshiliginiń kelisimi boıynsha oblys ákiminiń ókimimen 2019 jyldyń 27 tamyzynan bastap oblys ákiminiń orynbasary laýazymyna taǵaıyndaldy.

51 jyl buryn (1969) Qazaqstan Respýblıkasy Memlekettik qyzmet isteri jónindegi agenttiginiń tóraǵasy Anar Nuralyqyzy JAIYLǴANOVA dúnıege keldi.

Semeı oblysy Shar aýdany Belterek aýylynda týǵan. 1986 jyly Belterek aýylynyń orta mektebin támámdap, osy jyly S.M.Kırov atyndaǵy Qazaq memlekettik ýnıversıtetiniń zań fakýltetine túsip, 1991 jyly ony úzdik aıaqtady.

Ońtústik Qazaqstan oblystyq sotynyń azamattyq ister jónindegi aǵa konsýltanty (1994-1997); Ońtústik Qazaqstan oblystyq sotynyń sýdıasy (1997-1999); QR Ádilet mınıstrliginde departament bastyǵynyń orynbasary, bastyǵy (06.1999-12.1999); 1999 jylǵy jeltoqsanda Qazaqstan Respýblıkasy Prezıdenti Ákimshiliginiń memlekettik-quqyqtyq bóliminiń aǵa sarapshysy laýazymyna aýysty.

2000 jylǵy qyrkúıekte Qazaqstan Respýblıkasy Joǵarǵy Soty Tóraǵasynyń keńesshisi, 2004 jylǵy jeltoqsanda Qazaqstan Respýblıkasy Joǵarǵy Sotynyń sýdıasy bolyp qyzmet atqardy. 2008 jyly 13 naýryzdan Qazaqstan Respýblıkasy Konstıtýtsııalyq Keńesiniń múshesi bolyp taǵaıyndaldy (2016 jylǵa deıin). QR Parlamenti Májilisiniń VI shaqyrylymynyń depýtaty (2016-2019).

Qazirgi qyzmetin 2019 jylǵy maýsymnan beri atqaryp keledi.

«Qurmet» (2009) ordenimen; «Qazaqstan Konstıtýtsııasyna 10 jyl» (2005); «10 jyl Astana» (2008), «Qazaqstan Respýblıkasynyń táýelsizdigine 20 jyl» (2011), «Konstıtýtsııalyq zańdylyqty nyǵaıtýǵa qosqan úlesi úshin» (2014), «Qazaqstan halqy Assambleıasyna 20 jyl», «Qazaqstan Respýblıkasy Konstıtýtsııasyna 20 jyl» medaldarymen; Qazaqstan Respýblıkasy Memlekettik qyzmet isteri jónindegi agenttiginiń «Úzdik memlekettik qyzmetshi» tósbelgisimen; Qazaqstan Respýblıkasy Joǵarǵy soty tóraǵasynyń Qurmet gramotasymen (1998) marapattalǵan.

37 jyl buryn (1983) «Astana-Zelenstroı» JShS bas dırektory Rýslan Meırambaıuly ORALOV dúnıege keldi.

Tselınograd qalasynda (qazirgi Nur-Sultan) týǵan. S.Seıfýllın atyndaǵy Qazaq memlekettik agrotehnıkalyq ýnıversıtetin «elektroenergetıkalyq júıeler jáne jeliler» mamandyǵymen (2005); Qaztutynýodaǵy Qaraǵandy ekonomıkalyq ýnıversıtetin «quqyqtaný» bakalavry boıynsha (2010); Abaı Myrzametov atyndaǵy Kókshetaý ýnıversıtetin «Ekonomıka jáne bıznes magıstri» boıynsha (2019) támamdaǵan.

Eńbek joly: «Astana halyqaralyq áýejaıy» AQ áýejaıynyń óndiristik-dıspetcherlik qyzmetiniń dıspetcheri (2005-2008); «Almaty» aýdany ákimi apparatynyń óndiristik-tehnıkalyq bóliminiń bas mamany, basshysy (2008-2015); «Almaty» aýdany ákiminiń bas ınspektory (2015-2016); «Almaty» aýdany ákimi apparatynyń abattandyrý bóliminiń basshysy (2016-2018); Nur-Sultan qalasy «Baıqońyr» aýdany ákiminiń sanıtarlyq qamsyzdandyrý jáne abattandyrý jónindegi orynbasary (2018-2019).

Qazirgi qyzmetinde – 2019 jyldyń shildesinen.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT