Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 383.43 EUR 432.47
RUB 6.12 CNY 55.78
Jańalyqtar

10 serııaly «Tóle bı» telehıkaıasy kórermenge jol tartady

2019 jylǵy 13 maýsym 17:27 1373
Bólisińiz:
10 serııaly «Tóle bı» telehıkaıasy kórermenge jol tartady

NUR-SULTAN. QazAqparat - Ortalyq kommýnıkatsııalar qyzmetinde Túrkistan oblysynyń qurylǵanyna 1 jyl tolýyna arnalǵan baspasóz konferentsııasy ótti, dep habarlaıdy QazAqparat tilshisi.

Túrkistan oblysy ákiminiń orynbasary Málik Otarbaev Túrkistan qalasyn túrki tildes elderdiń rýhanı astanasy retinde tanytý josparlanǵanyn aıtty.

«Bul maqsattaǵy jumystar tórt baǵytta júredi. Onyń birinshisi - óńirdi zııarat mekeni retinde týrısterge tanytý. Ekinshi baǵyt - Qoja Ahmet ıAsaýı kesenesin álemdik sáýlet óneriniń jádigeri retinde nasıhattaý. Úshinshi baǵyt  - Túrkistan qalasyn Ońtústiktiń saýda ortalyǵyna aınaldyrý. Tórtinshi baǵyt - Túrkistannyń uly esimderin ulyqtaý aıasynda «ıasaýıtaný» ilimin damytý. Oblystyń bir jyldyǵyn atap ótý  maqsatynda aptalyq jarııaladyq. Sonyń aıasynda respýblıka kóleminde 46 shara ótkizý josparlanǵan», - dedi Málik Otarbaev.

Túrkistan oblystyq mádenıet jáne tilderdi damytý basqarmasynyń basshysy Nurdáýlet Isabektiń aıtýynsha, osy aptalyq aıasynda nur-sultandyq turǵyndardyń nazaryna birneshe kınotýyndynyń tusaýkeseri usynylmaq.

«Oblysymyzdyń bir jyldyǵyna oraı Nur-Sultan qalasynda «Ordabasy - birlik týy» anımatsııalyq fılminiń tusaýy kesiledi. 25 mınýttyq «Oqsyz oq» fılmi men «Túrkistan» anımatsııalyq týyndysy da kórermenge jol tartpaq. Al 10 serııadan turatyn «Tóle bı» kınohıkaıasynyń qysqartylǵan nusqasy fılm retinde kórsetiledi», - dedi basqarma basshysy.

Atalǵan týyndylar 14 maýsymnan bastap úlken ekrannan tegin kórsetile bastaıdy. Sonyń ishinde «Tóle bı» hıkaıasy «Habar» arnasynan kórsetilýi múmkin.

«Tóle bı» hıkaıasyn túsirý úshin oblys bıýdjetinen 153 mln teńge bólingen. Satybaldy Narymbetovtyń kórkemdik jetekshiligimen túsirilgen týyndyny «Astana kúni» qarsańynda «Habar» arnasynan kórsetýdi josparlap otyrmyz», - dedi Nurdáýlet Isabek.

 

 

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT