+7 (701) 759 90 19
USD 421.98 EUR 511.61
RUB 5.61 CNY 65.27
Jańalyqtar

1 jeltoqsanda jastarǵa arnalǵan jaldamaly páterge qujat qabyldaý bastalady

2020 jylǵy 28 qarasha 09:21
Bólisińiz:
1 jeltoqsanda jastarǵa arnalǵan jaldamaly páterge qujat qabyldaý bastalady

NUR-SULTAN. QazAqparat - 1-6 jeltoqsan aralyǵynda «Jumys isteıtin jastarǵa arnalǵan satyp alý quqyǵynsyz jalǵa beriletin turǵyn úı» baǵdarlamasy boıynsha qujat qabyldana bastaıdy, dep habarlaıdy QazAqparat.

Uqsas jańalyqtar
Qaraǵandy oblysynyń Doskeı aýylynda 39 otbasy baspanaly boldy Bıyl Atyraýda 648 otbasy jańa páter alady

Bul jóninde Nur-Sultan qalasy ákimdiginiń «Turǵyn úı qory» mekemesi málimet taratty.

Qujat qabyldaý merzimi: 2020 jylǵy 1-6 jeltoqsan

2020 jylǵa arnalǵan páter sany: 350

Baspana túri: satyp alý quqyǵynsyz jalǵa beriletin turǵyn úı

Turǵyn úı myna merzimge beriledi: 5 jyl, uzartý quqyǵy joq

Aı saıynǵy jaldaý aqysy: 5 000 - 15 000 teńge;

Qujat qabyldaý kórsetilgen kezeńde («jumys isteıtin jastar úshin satyp alý quqyǵynsyz jalǵa beriletin turǵyn úıge ótinim berý» bólimi») tek elektrondy túrde astana.gov.kz saıty arqyly júrgiziledi.

Ornalasqan jeri: R. Qoshqarbaev dańǵyly men Qordaı jáne № 23-31 kóshesi qıylysyndaǵy aýdan, Abylaı han dańǵyly, B. Momyshuly men R. Qoshqarbaev dańǵylynyń qıylysy;

Páter aýdany: aýdany 31 sh.m. - 47 sh.m. aralyǵyndaǵy 1 bólmeli páterler.

Siz ótinim bergennen keıin kórsetken telefon nómirińizge ótinimińizdiń mártebesi bar sms-habarlama jiberiledi.

1) jumysqa qabyldandy (baǵdarlamanyń sharttaryna, qujattardyń tolyq tizbesine sáıkes kelseńiz);

2) túzetý qajet (Siz qujattardyń tolyq emes paketin, sapasyz qujattardy jáne basqasyn usynsańyz.);

3) bas tartyldy (baǵdarlama sharttaryna sáıkes kelmeseńiz).

Ótkenderdiń tizimi zhilfond.kz saıtynda jarııalanady.

Jumys isteıtin jastarǵa arnalǵan baǵdarlamaǵa qatysty barlyq suraqtar boıynsha 109 koll-ortalyǵyna habarlasyńyz (uıaly telefonnan tegin).

Sharttary:

- 29 jasqa tolmaǵan QR azamaty;

- aıaqtalǵan orta/arnaıy orta/joǵary/joǵary oqý ornynan keıingi bilim jáne resmı jumysqa ornalastyrý;

- Nur-Sultan qalasynda sońǵy 2 jyldan kem emes turaqty úzdiksiz tirkelý;

- ótinish berýshide jáne otbasynyń barlyq múshelerinde QR boıynsha menshik quqyǵynda, sondaı-aq 2 jyl ishinde satyp alý quqyǵymen jalǵa beriletin turǵyn úıdiń bolmaýy;

- tólem qabiletin rastaý (aı saıynǵy tabys - mınımým 111 120 teńge/sońǵy 6 aıda 40 AEK).

Eger Siz Nur-Sultan qalasynda TJ kezinde 42500 teńge alǵan bolsańyz jáne ol aıaqtalǵannan keıin qashyqtan jumys nysanynda bolsańyz, sonyń saldarynan Sizdiń kiristerińiz tómendegen bolsa, bul ózgerister Sizdiń ótinishińizdi qarastyrý kezinde eskeriletin bolady.

Birinshi kezekte Sizge ETsQ kiltin alý qajet, al tizim boıynsha anyqtamalardyń barlyǵy jańa bolýy jáne ótinim bergen kezde alynýy kerek.

Qajetti qujattar tizimi:

1. Ótinish berýshiniń ETsQ kilti;

2. Ótinish berýshiniń jáne otbasy músheleriniń (jubaıy, balalary bolǵan jaǵdaıda) jeke kýáliginiń skanerlengen nusqasy;

3. Dıplomnyń skanerlengen nusqasy (joǵary bilim týraly dıplom, mektep attestaty, biliktilik, arnaıy-tehnıkalyq bilim týraly dıplom – bar dıplomdardyń biri);

4. . Neke qııý týraly kýáliktiń skanerlengen nusqasy (bolǵan jaǵdaıda);

5. Balalardyń týý týraly kýáliginiń skanerlengen nusqasy (bolǵan jaǵdaıda);

6. Ótinish berýshige jáne otbasy múshelerine Qazaqstan Respýblıkasy boıynsha jyljymaıtyn múliktiń joqtyǵy týraly anyqtamanyń skanerlengen nusqasy (bolǵan jaǵdaıda jubaıy, balalaryna da);

7. Jumys ornynan anyqtamanyń skanerlengen nusqasy (menshik nysanyndaǵy memlekettik organdardyń «MM», «KMM», «RMM», «MKQK», «RMQK», «ShJQ MKK», «ShJQ RMK» qyzmetkerlerinde jumys ornynan memlekettik qyzmettegi jalpy ótili kórsetilgen mekemeniń fırmalyq blankisindegi anyqtama bolýy tıis);

8. Eńbek qyzmetiniń búkil kezeńi úshin BJZQ zeınetaqy aýdarymdary týraly anyqtamanyń skanerlengen nusqasy;

9. Zeınetaqy aýdarymdary eseptelmeıtin áskerı qyzmetshilerge jumys ornynan Siz turǵyn úı tólemderin almaıtyndyǵyńyz týraly anyqtamany qosa berý qajet;

10. Memlekettik kásiporyndar men mekemelerdiń qyzmetkerleri qyzmettik tizimdi usynýy qajet (bolmaǵan jaǵdaıda, QR Eńbek kodeksiniń 35-babyna sáıkes qujattardyń birin usynýy qajet);

11. Banktik shottyń bar ekendigi jáne nómiri týraly anyqtamanyń skanerlengen nusqasy (kartochkalyq shot, aǵymdaǵy, jınaq, debettik shot jáne t. b. - bar shottardyń biri);

12. Banktik shot boıynsha aqsha qaldyǵy jáne qozǵalysy týraly úzindi kóshirmeniń skanerlengen nusqasy;

13. Ótinish berýshiniń jeke jetistikteri týraly qujattyń skanerlengen nusqasy;

14. Jeke kásipkerler jeke kásipker retinde qyzmetiniń bastalǵany týraly habarlama usynady;

15. Eger Siz eńbek demalysynda nemese eńbekke ýaqytasha jaramsyz demalysynda bolyp, Sizdiń tabysyńyz tómendegen bolsa, eńbek demalysy týraly buıryǵyn nemese eńbekke ýaqytsha jaramsyz paraǵyn qosymsha usyný qajet.

16. Eger Siz TJ áreketine 42 500 teńge alǵan bolsańyz, Sizge osy járdemaqy túsken kartanyń shotynan úzindi kóshirmeni tirkeý qajet (01.01.2020 - 05.12.2020 jyldar kezeńinde karta boıynsha úzindi kóshirme).

Qatysýǵa qujattar tapsyrǵan azamattar arasynda irikteý baldyq júıe boıynsha júrgiziledi.

- Otbasynyń bolýy úshin - 5 ball, Nekeniń ár jyly úshin - 2 ball;

- Balanyń bolýy úshin-1 ball, kelesi árbir bala úshin – 2 ball;

- Bıýdjettik uıymdardaǵy (memlekettik mekemeler men memlekettik kásiporyndardaǵy) eńbek qyzmeti úshin – 5 ball, eńbek ótiliniń ár jyly úshin -1 ball;

- naryq suranysyna ıe 100 mamandyq tizimine sáıkes mamandyqty ıgergen ótinish berýshige - 10 ball (tizim saıtta jarııalanǵan zhilfond.kz);

- jeke kásipkerlik qyzmetti júzege asyrý kezinde keminde 1 jyl – 5 ball, árbir jyl úshin – 1 ball;

- ótinish berýshiniń ártúrli qyzmet salalarynda jeke jetistikteri bolǵan kezde (kásibı saladaǵy jetistikteri eskeriledi) – 2 ball;

- ekinshi deńgeıdegi bankterdegi jınaq shottaryndaǵy jınaqtardyń árbir jyly úshin - 2 ball.


Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT