1 shildeden ІІM qyzmetkerlerine qosymsha aqy tólenedi
2022 jylǵy 22 maýsym 12:02

1 shildeden ІІM qyzmetkerlerine qosymsha aqy tólenedi

NUR-SULTAN. QazAqparat – 2022 jyldyń 1 shildesinen bastap QR Іshki ister mınıstrligi organdary júıesiniń azamattyq qyzmetshilerine, memlekettik bıýdjet qarajaty esebinen ustalatyn uıymdarynyń qyzmetkerlerine, qazynalyq kásiporyndarynyń jumyskerlerine eńbek jaǵdaılary úshin qosymsha aqy tólene bastaıdy, dep habarlaıdy QazAqparat tilshisi.

Qosymsha aqy tóleý «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» QR Úkimetiniń 2015 jylǵy 31 jeltoqsandaǵy № 1193 qaýlysyna ózgerister engizý týraly QR Úkimetiniń 2022 jylǵy 13 maýsymdaǵy № 389 Qaýlysynda kózdelgen. Qaýly 2022 jylǵy 1 shildeden bastap qoldanysqa engiziledi.

Qaýlyǵa sáıkes, Qylmystyq-atqarý (penıtentsıarlyq) júıesiniń mekemelerinde (onyń ishinde balalar úılerinde), tergeý ızolıatorlarynda, ýaqytsha ustaý ızolıatorlarynda, aýrýhanalarda ustalatyn adamdardy emdegeni úshin medıtsına qyzmetkerlerine bazalyq laýazymdyq aılyqaqyǵa 40-tan 540 paıyzǵa deıin aqy tóleý kózdelgen.

Úkimet Qaýlysynyń tolyq nusqasymen Qazaqstan Respýblıkasy normatıvtik quqyqtyq aktiler portalynan tanysýǵa bolady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT