1 shildeden bastap SQO ákiminiń eki orynbasary qysqarady
2022 jylǵy 30 maýsym 17:10

1 shildeden bastap SQO ákiminiń eki orynbasary qysqarady

PETROPAVL. QazAqparat – Soltústik Qazaqstan oblysynyń ákimi Qumar Aqsaqalov ortalyq kommýnıkatsııalar qyzmetinde ótken brıfıngte shildeden bastap bes orynbasarynyń ekeýi qysqaratynyn aıtty, dep habarlaıdy QazAqparat tilshisi.

SQO ákiminiń aıtýynsha, onyń qazir túrli salaǵa jaýapty 5 orynbasary bar, alaıda shildeden bastap olardyń ekeýi qysqartýǵa ilikpek.

«Memleket basshysynyń tapsyrmasyna sáıkes memlekettik qyzmetshilerdi qysqartý júrip jatyr. Bul durys dep esepteımin. Atqarýshy organdardyń qurylymy ońtaıly bolýǵa tıis. Barlyq ókilettikterdi tómenge berý kerek. Negizinen aýdandyq jáne aýyldyq ákimdikter sheshim qabyldaıdy, ruqsat beredi, adamdarmen baılanysta bolady. Al bizde kerisinshe qurylǵan. Oblys ákimdiginde baqylaý men saıasat qalýy tıis. Memlekettik qyzmetshiler óz biliktiligin saqtaýy tıis dep esepteımin. Eńbekaqy ósti, endi tıisti túrde jumys isteý kerek. Keıbir nárselerge bilmestikpen jol beredi. Olaı bolmaýy tıis», - dedi Qumar Aqsaqalov.

Aımaq basshysynyń baspasóz qyzmeti ákimniń qandaı orynbasarlary qysqartýǵa ushyraıtynyn naqtylamady.

Baspasóz hatshysy Tımýr Ábdireshovtyń aıtýynsha, aldymen Qaýlyǵa qol qoıylýy tıis, tek sodan keıin ǵana aqparat qoljetimdi bolmaq.

Buǵan deıin SQO-da Spasovka aýyldyq okrýginiń ákimi Azamat Joldaıaqovtyń 130 myń teńge para aldy degen kúdikpen ustalǵanyn aıtqan edik.

Sheneýnik qylmysyn moıyndap, tergeýmen kelisimge keldi.

Bul qyzmetke bir jyl buryn ǵana kelgen er adamǵa qatysty qazir sotqa deıingi tergeý júrgizilip jatyr.


Uqsas jańalyqtar

Jańalyqtar

Úrdis

MURAǴAT