1 shilde. Týǵan kún ıeleri
2022 jylǵy 1 shilde 08:10

1 shilde. Týǵan kún ıeleri

NUR-SULTAN. QazAqparat - QazAqparat 1 shildege arnalǵan «Týǵan kún ıeleri» kúntizbesin usynady.

ESІMDER

64 jyl buryn (1958) aqyn, «QazAqparat» HAA Batys Qazaqstan oblysyndaǵy menshikti tilshisi, «Jaıyq-Press» JShS sarapshysy, Qazaqstan Jazýshylar odaǵynyń múshesi Ǵaısa-Ǵalı SEITAQ dúnıege keldi.

Batys Qazaqstan oblysynyń Bókeı ordasy aýdanynda týǵan. Oral pedagogıkalyq ınstıtýtynyń fılologııa fakýltetin bitirgen. Tasqala aýdandyq «Ekpin» gazetiniń tilshisi, bólim meńgerýshisi, oblystyq «Oral óńiri» gazetiniń tilshi, mádenıet bóliminiń meńgerýshisi qyzmetterin atqarǵan. Aqynnyń óleńderi baspasóz betinde 1987 jyldan beri jarııalanyp keledi. Onyń «Mańdaı», «Aman bol, atamekenim», «Narynnyń nar uldary», «Aı-arýdyń alqasy» atty kitaptary jaryq kórgen. Bir top jyrlary «Qarlyǵash» ujymdyq jınaǵyna engen.

Ol respýblıkalyq «Jalyn» jýrnalynyń T.Aıbergenov atyndaǵy syılyǵynyń laýreaty, Q.Myrza Álı atyndaǵy oblystyq músháıranyń bas júldegeri, Qazaq radıosy uıymdastyrǵan «Qazaqstanym - qara shańyraǵym» respýblıkalyq baıqaýynyń ekinshi júldegeri boldy.

58 jyl buryn (1964) Eýrazııalyq ekonomıkalyq odaq sotynyń sýdıasy Venera Hamıtqyzy SEITІMOVA dúnıege keldi.

Qaraǵandyda dúnıege keldi. S.M. Kırov atynjaǵy Qazaq memlekettik ýnıversıtetiniń zań fakýltetin bitirgen (1989).

Eńbek joly: Jezqazǵan «Kazlegsnabsbyttorg» zańger, Jezqazǵan et kombınaty, Sátbaev gortorgy (1989-1997); Jezqazǵan qalalyq sotynyń sýdıasy (1997-2002); Aqmola oblysy sotynyń sýdıasy (2002-2011); Almaty qalalyq sotynyń sýdıasy (2011-2013); TMD ekonomıkalyq sotynyń sýdıasy (2013-2014).

Qazirgi laýazymynda - 2015 jylǵy qańtardan bastap.

47 jyl buryn (1975) Qazaqstan Respýblıkasynyń memleket qaıratkeri, medıtsına ǵylymdarynyń doktory Esjan Amantaıuly BІRTANOV dúnıege keldi.

Ol óz qyzmetin 1998 jyly QR Ulttyq Bankiniń Monetarlyq operatsııalar departamentiniń bas dıleri laýazymynan bastaǵan. Departament quramynda birqatar qyzmetterdi atqaryp, 2005 jyly osy departamenttiń dırektorynyń orynbasary bolyp taǵaıyndalyp, Ulttyq Banktiń altyn valıýtalyq aktıvteri jáne 2012 jyly 85 mlrd AQSh dollaryn quraǵan, QR Ulttyq qorynyń aktıvteriniń ınvestıtsııalyq basqarýyna jetekshilik etti. Onyń tikeleı qatysýymen, 2012 jyly QUB UIK qurylǵan. QR Prezıdentiniń kelisimimen, korporatsııanyń basqarmasynyń birinshi tóraǵasy bolyp taǵaıyndalyp, 2012 jyldyń qazan aıynan 2014 jyldyń naýryz aıyna deıin eńbek etti. 2014 jyldyń sáýir aıynan 2015 jyldyń maýsym aıyna deıin QR Ulttyq Banki tóraǵasynyń keńesshisi jáne josparlaý jáne bıýdjet departamentiniń dırektory bolyp qyzmet atqardy. «Báıterek» ulttyq basqarý holdıngi» AQ basqarýshy dırektory. 2019-2022 jyldary QR Ulttyq banki tóraǵasynyń orynbasary – QR Ulttyq Bankiniń Almaty qalasyndaǵy turaqty ókildiginiń basshysy.

47 jyl buryn (1975) Qazaqstan Respýblıkasynyń Japonııadaǵy Elshiliginiń elshi-keńesshisi Batyrhan QURMANSEIІT dúnıege keldi.

Ál-Farabı atyndaǵy Qazaq ulttyq ýnıversıtetin, Ortalyq Azııa ýnıversıtetin bitirgen. Mamandyǵy boıynsha shyǵystanýshy-fılolog, japon ádebıeti pániniń oqytýshysy, zańger, PhD doktory, І hatshy dıplomatııalyq dárejesi bar.

Eńbek jolyn «NIKA SERVICE-1» JShS mekemesinde dırektor bolyp bastaǵan. 2008-2014 jyldary Qazaqstan Respýblıkasy Syrtqy ister mınıstrligi Azııa jáne Afrıka Departamentiniń ekinshi hatshysy, Qazaqstan Respýblıkasynyń Japonııadaǵy Elshiliginiń ekinshi, birinshi hatshysy, keńesshisi, keńesshi-ýákili, Qazaqstan Respýblıkasy Prezıdenti Ákimshiligi Syrtqy saıasat ortalyǵynyń ınspektory, UKP «Atameken» Syrtqy saýda palatasy Halyqaralyq yntymaqtastyq Departamenti sektorynyń meńgerýshisi laýazymdarynda, 2015-2016 jyldary «New & Rare Resources» JShS bas dırektory qyzmetin atqarǵan. 2017-2018 jyly Ońtústik Qazaqstan oblysy kásipkerlik, ındýstrııaldy-ınnovatsııalyq damý jáne týrızm basqarmasynyń basshysy bolǵan. 2018-2019 jyldary Ońtústik Qazaqstan oblysy ákiminiń keńesshisi, Túrkistan oblysy ákiminiń keńesshisi. 2019-2021 jyldary QR Syrtqy ister mınıstrligi Erekshe tapsyrmalar jónindegi elshisi.

Qazirgi qyzmetinde – 2021 jyldan.

44 jyl buryn (1978) M.H.Dýlatı atyndaǵy Taraz óńirlik ýnıversıtetiniń rektory – basqarma tóraǵasy Talǵat Іlııauly EShENQULOV dúnıege keldi.

Jambyl oblysynda týǵan. 1999 jyly M.H.Dýlatı atyndaǵy Taraz memlekettik ýnıversıtetin «ekonomıst» mamandyǵy boıynsha, 2010 jyly Qazaqstan Respýblıkasy Prezıdenti janyndaǵy Memlekettik basqarý akademııasynyń Ulttyq memlekettik saıasat mektebin bitirgen. 2006-2012 jyldary Indıana ýnıversıtetinde (AQSh), Sıngapýr ulttyq ýnıverstetiniń Lı Kýan ıÝ atyndaǵy memlekettik saıasat mektebinde, Dıýk ýnıversıtetiniń Sendfor memlekettik saıasat mektebinde (AQSh), Gollandııa memlekettik basqarý ınstıtýtynda (Gaaga, Nıderlandy), Ońtústik Koreıa memlekettik aýdıt ınstıtýtynda memlekettik basqarý jáne aýdıt máseleleri boıynsha oqytý baǵdarlamalaryn ótken.

Eńbek joly: 2000-2007 jyldary Qazaqstan Respýblıkasynyń Qarjy mınıstrliginde, Qazaqstan Respýblıkasynyń Joǵarǵy Sotynda, Respýblıkalyq bıýdjettiń atqarylýyn baqylaý jónindegi Esep komıtetinde basshylyq laýazymdardy atqarǵan. 2007-2011 jyldary – Qazaqstan Respýblıkasynyń Bilim jáne ǵylym mınıstrligi Balalardyń quqyqtaryn qorǵaý komıteti Jambyl oblysynyń Balalardyń quqyqtaryn qorǵaý departamenti basshysy. 2016-2018 jyldary – Qazaqstan Respýblıkasy Bilim jáne ǵylym mınıstrligi Bilim jáne ǵylym salasyndaǵy baqylaý komıtetiniń tóraǵasy orynbasary. 2018 jyldyń naýryz-qyrkúıek aılarynda – Qazaqstan Respýblıkasynyń bilim jáne ǵylym vıtse-mınıstri mindetin ýaqytsha atqarýshy. 2018-2019 jyldary – Qazaqstan Respýblıkasy Bilim jáne ǵylym mınıstrligi Bilim jáne ǵylym salasyndaǵy baqylaý komıtetiniń tóraǵasy.2019 jyldyń aqpan-sáýir aılarynda – Qazaqstan Respýblıkasynyń bilim jáne ǵylym vıtse-mınıstri. 2019 jyldan bastap Qazaqstan Respýblıkasy Bilim jáne ǵylym mınıstrligi Bilim jáne ǵylym salasyndaǵy baqylaý komıtetiniń tóraǵasy.

Qazirgi qyzmetinde 2021 jyldyń mamyr aıynan bastap.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT