+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

1 sáýirden bastap temeki ónimderiniń barlyq túrlerin tsıfrlyq tańbalaý mindetti

2021 jylǵy 6 sáýir 09:51
Bólisińiz:
1 sáýirden bastap temeki ónimderiniń barlyq túrlerin tsıfrlyq tańbalaý mindetti

NUR-SULTAN. QazAqparat - 1 sáýirden bastap temeki ónimderi men temeki almastyrǵyshtardyń barlyq túrleri úshin tsıfrlyq tańbalaý mindetti. Bul týraly QazAqparat Memlekettik kirister komıtetine silteme jasap habarlaıdy.

Budan bylaı óndirýshiler men ımporttaýshylar sıgaretterdi ǵana emes, sıgaralardy, sıgarıllalardy, kalıan temekisin jáne tipti elektrondyq sıgaretterge arnalǵan stıkterdi de Data Matrix kodymen tańbalaýy tıis.

Osy toptardyń tańbalanbaǵan taýarlarynyń qaldyqtary 2022 jylǵy 1 sáýirge deıin satylýy múmkin. Bul norma «Tańbalaýǵa jatatyn taýarlardyń tizbesin aıqyndaý týraly» QR Úkimetiniń 2020 jylǵy 10 qyrkúıektegi №568 qaýlysymen retteledi.

Qazaqstanda balamaly temeki ónimderiniń segmenti negizinen (jalpy kólemniń 90%-ten astamy) elektrondyq sıgaretterge arnalǵan stıktermen usynylǵan. Bul toptyń negizgi ımporttaýshylary Fılıp Morrıs Qazaqstan ı Brıtısh Amerıkan Tobakko Qazaqstan kompanııalary bolyp tabylady.

Sıgaralar men sıgarıllalardy Qazaqstan naryǵyna jetkizýshilerdiń aıasy keńirek, sondyqtan olar úshin stıketteý jáne zattańbalaý sııaqty tsıfrlyq tańbalaýdyń qosymsha tásilderi aıqyndaldy. Olar tańbalaý jabdyqtaryna kúrdeli shyǵyndardy talap etpeıdi.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT