+7 (701) 759 90 19
USD 429.59 EUR 507.3
RUB 5.62 CNY 64.1
Jańalyqtar

1 mln-nan astam qazaqstandyqqa azyq-túlik jáne turmystyq jıyntyq úshin tólem beriledi

2020 jylǵy 20 shilde 10:03
Bólisińiz:
1 mln-nan astam qazaqstandyqqa azyq-túlik jáne turmystyq jıyntyq úshin tólem beriledi

NUR-SULTAN. QazAqparat – 1 mln-nan astam qazaqstandyqqa azyq-túlik jáne turmystyq jıyntyq úshin tólem beriledi, dep habarlaıdy QazAqparat QR Eńbek jáne halyqty áleýmettik qorǵaý mınıstrligine silteme jasap.

«QR Eńbek jáne halyqty áleýmettik qorǵaý mınıstrligi shilde aıynda azyq-túlik jáne turmystyq jıyntyqtar úshin qarajat tóleýdi kózdeıtin buıryqty ázirlep, qabyldady. Qazaqstandyqtar 20 shildeden bastap aıdyń sońyna deıin bank kartasyna tólem ala bastaıdy», delingen habarlamada.

Buıryq kúshine engen kezde tólem 5 áleýmettik topqa jatatyn azamattarǵa beriledi. Jergilikti atqarýshy organdar qolda bar derekter negizinde azyq-túlik jáne turmystyq jıyntyq alýǵa tıisti adamdardyń tizimin jasaıdy. Sodan keıin shilde aıyna, ıaǵnı shekteý sharalarynyń qoldanylý kezeńinde alýshylarǵa somasy 2 AEK mólsherinde tólem jiberiledi.

5 áleýmettik top:

– ataýly áleýmettik kómek alýshylar qatarynan 6 jastan 18 jasqa deıingi balalar;

– medıtsınalyq-áleýmettik mekemelerde turaqty turatyn múgedekterdi qospaǵanda, 16 jasqa deıingi múgedek balalar;

– medıtsınalyq-áleýmettik mekemelerde turaqty turatyn múgedekterdi qospaǵanda, barlyq jastaǵy I, II, III toptaǵy múgedekter;

– múgedek bala tárbıelep otyrǵan adamdar;

– jumyspen qamtý máseleleri jónindegi jergilikti organda tirkelgen jumyssyz azamattar jatady.

Buǵan deıin habarlanǵandaı, koronavırýs ınfektsııasyn juqtyrý qaýpin azaıtý maqsatynda adamdardyń tikeleı baılanysyn boldyrmaý úshin azyq-túlik jáne turmystyq jıyntyqty 2 AEK-ten kem bolmaıtyn mólsherde alýshylardyń bank kartasyna aýdarylǵan tólemge aýystyryldy.

Naýryz aıynan mamyr aıyna deıin bul tólemder jalpy somasy 13,5 mlrd teńgege 1 mln adamǵa eseptelgen.

Esterińizge sala keteıik, 14 shildede QR Premer-mınıstri Asqar Mamın Úkimet otyrysynda QR Eńbek jáne halyqty áleýmettik qorǵaý mınıstrligine qazaqstandyqtarǵa azyq-túlik jáne turmystyq jıyntyqtar úshin aqshalaı qarajat tóleýdi bastaýdy tapsyrǵan bolatyn.

Buǵan deıin QR Prezıdenti Qasym-Jomart Toqaev koronovırýs ınfektsııasynyń taralýyna jol bermeý sharalaryn kúsheıtýdi tapsyrdy. Tabyssyz qalǵan qazaqstandyqtardy qoldaý úshin járdemaqylar, birjolǵy tólemder tólendi, onyń ishinde azyq-túlik jáne turmystyq jıyntyqtar berildi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT