+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

1 mıllıonnan astam elorda turǵyny MÁMS-ge jarna tóleýde

2019 jylǵy 17 qazan 17:23
Bólisińiz:
1 mıllıonnan astam elorda turǵyny MÁMS-ge jarna tóleýde

NUR-SULTAN. QazAqparat – Búgin elordada Mindetti áleýmettik medıtsınalyq saqtandyrý qorynyń jumys jaıy baıandalyp, onyń mindeti men maqsaty túsindirildi, dep habarlaıdy QazAqparat tilshisi.

«Búginde elimiz boıynsha MÁMS júıesimen qamtamasyz etý úlesi 94,6 paıyzdy quraıdy. Elordaǵa kelsek, bıylǵy 1 qazandaǵy jaǵdaıy boıynsha 1 mln 139 myń 564 adam MÁMS júıesine tirkelip, óz jarnalaryn tólep jatyr. Áli tirkelmegen 13 179 adam bar. Biz qazir sol baǵytta jumys istep jatyrmyz. Jalpy memleket bul jobany qarjylandyrýǵa 3 jylǵa 2,8 trln teńge qarjy baǵyttap otyr. Maqsat - medıtsınalyq qyzmettiń sapasyn arttyra otyryp qoljetimdi etý. Taǵy bir aıtyp ótetin jaıt, bul júıege resmı jumysy nemese turaqty tabysy joq jáne ózin-ózi jumyspen qamtyp otyrǵan azamattar da qatysa alady. Olar biryńǵaı jıyntyq tólem arqyly tóleı alady. BJT tóleý arqyly azamat 3 birdeı júıege qatysa alady, ol zeınetaqy qory, áleýmettik jáne medıtsınalyq saqtandyrý», - dedi Nur-Sultan qalasy Densaýlyq saqtaý basqarmasynyń basshysy Sáýle Qısyqova ákimdikte ótken baspasóz máslıhatynda.

Sondaı-aq, basqarma basshysy MÁMS qoryna jarna tólemegen azamattardyń jaǵdaıy qalaı bolatyndyǵy týraly aıtty.

«MÁMS-tiń tegin kórsetiletin birneshe medıtsınalyq qyzmet túri bar. Qorǵa ýaqtyly jáne tıesili jarna quıǵan azamattar medıtsınalyq tekserýler men qosa ońaltý qyzmetterin ala alady. Sonymen qatar, qorǵa jarna tólemegen azamattar da medıtsınalyq kómeksiz qalmaıdy. Olar óz kezeginde ýchaskelik terapevt, qan taldamasyn jasaýmen qatar birneshe aýrýlar boıynsha tegin em alý múmkindikteri bar. Onyń ishine, árıne, jedel medıtsınalyk kómek te kiredi», - dedi ol.

S. Qısyqova bergen málimetke súıensek, 2022 jyldan bastap jumys berýshi qyzmetkerleriniń tabysynyń 2 paıyzyn ustap, medıtsınalyq saqtandyrý qoryna aýdaratyn bolady.

Bizdiń kanalymyzǵa jazylyńyz:

Bólisińiz:

Avtor:

Álı Ibraev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT