+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

086 medıtsınalyq anyqtamasyn onlaın alýǵa bolady

2019 jylǵy 4 jeltoqsan 11:40
Bólisińiz:
086 medıtsınalyq anyqtamasyn onlaın alýǵa bolady

NUR-SULTAN. QazAqparat - Vedomstvoaralyq komıssııa otyrysynda taǵy 9 memlekettik qyzmetti kórsetý rásimin jeńildetý máselesi qaraldy. Bul jóninde Tsıfrlyq damý, ınnovatsııalar jáne aeroǵarysh ónerkásibi mınıstrligine silteme jasap QazAqparat habarlaıdy.

Uqsas jańalyqtar
Almatyda IT jáne kreatıvti hab salynyp jatyr Qazaqstannyń bilim berý platformalary belgisiz bireýlerdiń DDoS-shabýylyna ushyrady

QR Tsıfrlyq damý, ınnovatsııalar jáne aeroǵarysh ónerkásibi mınıstrliginde vedomstvoaralyq komıssııanyń kezekti otyrysy ótip, komıssııa músheleri 41 memlekettik qyzmetti qarastyrdy. Ózekti emes jáne suranysqa ıe emes 13 qyzmetti qoldanystaǵy tizilimnen alyp tastaý, al 15 qyzmetti elektrondy formatqa kóshirý jáne ózara uqsas qyzmetterdi biriktirý usynyldy.

Avtomattandyrylatyn qyzmetterdiń qatarynda 086/ý anyqtamasy da bar. Usynylǵan protsedýra bekitilgennen keıin atalǵan anyqtamany mindetti medıtsınalyq tekserýden ótý nátıjeleri negizinde eGov portaly arqyly alýǵa bolady. Anyqtamada arnaıy QR-kod bolady, ol qujattyń túpnusqalyǵyn tekserýge múmkindik beredi. Mundaı elektrondyq anyqtama bir jylǵa jaramdy.

Sonymen qatar, otyrysqa qatysýshylar el Prezıdenti jaqynda bekitken Memlekettik qyzmet kórsetý týraly zańnamaǵa engizilgen túzetýlerge baılanysty ózderiniń is-qımyl josparlarymen bólisti. Bul zań tolyq kúshine enýi úshin taǵy 400-ge jýyq normatıvtik qujattardy qabyldaý qajet. Zańnyń áleýmettik mańyzdylyǵyn eskere otyryp, Asqar Jumaǵalıev memlekettik organdardyń ókilderine osy Zańǵa táýeldi aktilerdi jedel qabyldaý qajettigin eske salyp ótti.

Osy zańǵa «proaktıvti» jáne «kompozıttik» uǵymdardyń engizilgenin aıtyp ótý kerek. ıAǵnı, endigi ýaqytta memleket azamatqa belgili bir ómirlik jaǵdaıda qyzmet kórsetýdi ózi usynady, sondaı-aq bir ǵana ótinish jazyp, birqatar ilespe qyzmetterdi alýǵa múmkindik beredi.

« Biz kompozıtti jáne proaktıvti qyzmetterdiń birqataryn pılottyq rejımde usynýdamyz. Bul tásilder óziniń tıimdiligin kórsetti. Sondyqtan, áriptester, sizderden tıisti zańǵa táýeldi aktilerdi qabyldaýdy barynsha jedeldetýdi suraımyn. Bul túzetýlerdi engizýdiń máni zor, sebebi azamattardyń memlekettik qyzmetterdi alýyn yńǵaıly ári jedel ete túspek «, - dep atap ótti Asqar Jumaǵalıev.

Komıssııa otyrysynda memlekettik qyzmetterdi avtomattandyrý jáne ońtaılandyrý boıynsha júrgizilgen jumystar týraly Eńbek jáne halyqty áleýmettik qorǵaý, Aýyl sharýashylyǵy, Densaýlyq saqtaý, sondaı-aq Mádenıet jáne sport mınıstrlikteriniń ókilderi baıandady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT