Журналистларга жавоб бермайдиган давлат хизматчилари жиноий жавобгарликка тортилади – ҚР Ахборот вазир

ASTANА. Кazinform - Журналистларга жавоб бермайдиган давлат хизматчилари жавобгарликка тортилади. Бу ҳақда ҳудудий даврий нашрлар форумида Ахборот ва ижтимоий ривожланиш вазири Дархан Қидирали маълум қилди, деб хабар беради Kazinform мухбири.

«Энди журналистнинг саволига сўзсиз жавоб берилади. Жавоб бериш муддати қисқартирилади. Ҳозир 7 кун, энди 3-5 кунгача қисқартирилади. Бундан ташқари, масъулиятсиз давлат хизматчилари ҳам жавобгарликка тортилади. Буларнинг барчаси журналистнинг ахборот олиш имкониятини ошириш мақсадида қилинмоқда», - дейди Дархан Қидирали.

Бундан ташқари, вазир Қозоғистон Республикасининг «Оммавий ахборот воситалари тўғрисида»ги қонуни лойиҳаси доирасида журналистларнинг ижтимоий шароитларини яхшилаш режалаштирилганини таъкидлади.

«Ҳозир қонун лойиҳаси кўриб чиқилмоқда. Журналистларга квартираларни чегирма билан олиш, шифохоналарда чегирмалардан фойдаланиш қоидалари бор. Энг оддийси шундаки, биз «Pressa» ёзуви бўлган машинани исталган жойга қўйиш ёки муассасаларга кириш каби кўплаб имтиёзларни кўриб чиқяпмиз», — деди вазир.

Муаллиф: Алихан Асқар