ЖССТ янги вакциналарни синовдан ўтказишни тезлаштиришга чақирмоқда

NUR-SULTAN. Kazinform – Жаҳон соғлиқни сақлаш ташкилоти (ЖССТ) микробларга чидамли патогенлар келтириб чиқарадиган инфекцияларнинг олдини олиш учун вакциналар яратиш бўйича илк ҳисоботини эълон қилди, дея хабар беради Kazinform БМТ янгиликлар марказига таяниб.

ЖССТ ҳисоботи янги вакциналарни синовдан ўтказишни тезлаштириш ва мавжудларидан максимал даражада фойдаланиш зарурлигини кўрсатади.

Микробларга қарши препаратларга чидамлиликнинг «тинч» пандемияси тобора кучайиб бораётган соғлиқни сақлаш муаммосига айланмоқда. Ҳар йили 5 миллионга яқин одам фақат чидамли бактериал инфекциялардан вафот этади, 1,27 миллион ўлим эса бевосита дори-дармонларга чидамлилик билан боғлиқ.

ЖССТ 61 та вакцинани аниқлади, улар турли клиник ривожланиш ва синов босқичларидан ўтмоқда. Ҳисоботда қайд этилишича, уларнинг аксарияти яқин орада тайёр бўлмайди.

«Емлаш орқали инфекцияларнинг олдини олиш антибиотиклардан фойдаланишни камайтиради, бу эса препаратларга чидамлиликнинг тарқалишини камайтиради», - деди ЖССТ Бош директори ёрдамчиси Ханан Балхи.

ЖССТ мавжуд вакциналарга, айниқса, ресурсларга муҳтож аҳоли орасида универсал фойдаланишга чақирмоқда.

«Вакцинани яратиш қиммат ва илмий жиҳатдан қийин, кўпинча муваффақиятсизлик даражаси юқори ва муваффақиятли номзодлар мураккаб жараёндан ўтади. Биз COVID-19 вакцинасини ишлаб чиқишдан олинган сабоқлардан фойдаланишимиз ва микробларга қарши препаратларга чидамлиликка қарши курашиш учун вакциналарни излашни жадаллаштиришимиз керак», - деди ЖССТ иммунизация, вакциналар ва биологик препаратлар бўйича директори Кейт О'Брайен.